ஜெனிவாவில் இலங்கையை இந்தியா ஆதரிக்கும் என வெளிவிவகார செயலாளர் கூறுவது உண்மையா?

 

ஜெனிவாவில் நடைபெற்றுவரும் ஐக்கிய நாடுகள் மனித உரிமைகள் பேரவையின் 46வது கூட்டத்தொடரில் இலங்கை மீதான தீர்மானம் தொடர்பான வாக்கெடுப்பு நெருங்கிவரும் நிலையில் இந்தியாவின் நிலைப்பாடு என்ன என்பது பலரதும் கேள்வியாக இருக்கின்றது. ஆனாலும் ஐக்கிய நாடுகள் மனித உரிமைகள் பேரவையின் முன்னர் இலங்கையின் இறையாண்மையைப் பாதுகாப்பதற்கு இந்தியா உறுதிமொழியளித்துள்ளதாக இலங்கையின் வெளிவிவகார செயலாளர் அட்மிரல் ஜெயநாத் கொலம்பகே தெரிவித்துள்ளார்.

தேசிய அபிவிருத்திக்கான ஊடக மத்திய நிலையத்தால் ஏற்பாடுசெய்யப்பட்டிருந்த 3வது கலந்துரையாடலின் போதே அவர் இந்தத்தகவலை வெளியிட்டுள்ளார்.

இந்தியாவின் நிலைப்பாட்டை இலங்கை பெரிதும் பாராட்டுவதாக குறிப்பிட்டுள்ள வெளிவிவகார செயலாளர் இறையாண்மையை மதிக்கின்ற எந்தவொரு அமைப்புடன் இணைந்து பணியாற்றுவதற்கு தயாராக உள்ளதாக அவர் மேலும் தெரிவித்தார்.

ஜெனிவாவில் இலங்கையை ஆதரிக்கும் நிலைப்பாட்டை இந்தியா உத்தியோகபூர்வமாக எடுத்துவிட்டதா?என இந்திய வெளிவிவகார அமைச்சுக்கு நெருக்கமான வட்டாரத்தில் வினவியபோது இந்தியா இன்னமும் உத்தியோகபூர்வமான நிலைப்பாட்டை எடுக்கவில்லை எனக் கூறப்பட்டது. எங்கிருந்து இலங்கை வெளிவிவகார செயலாளர் இந்தியாவின் ஆதரவு என்ற உத்தரவாதத்தைப் பெற்றார் என்பது வியப்பாக உள்ளதெனவும் அவ்வட்டாரம் மேலும் தெரிவித்தது.

அஸாத் சாலிக்கும் ஈஸ்டர் தாக்குதலுக்கும் தொடர்பு? கைதுசெய்யப்பட்டமைக்கு அதுவே காரணம் என்கிறார் அமைச்சர் சரத் வீரசேகர

 

ஈஸ்டர் தாக்குதலுடன் தொடர்பு இருப்பதால் தேசிய ஐக்கிய முன்னணியின் தலைவர் அசாத் சாலி கைது செய்யப்பட்டதாக அமைச்சர் சரத் வீரசேக்கர தெரிவித்துள்ளார்.

கைது செய்யப்பட்ட அசாத் சாலி 3 நாட்கள் தடுத்து வைக்கும் உத்தரவின் பேரில் குற்றப்புலனாய்வு திணைக்களத்தினராரல் விசாரிக்கப்படுகின்றார்.

சட்ட மாஅதிபரின் பணிப்புரைக்கமைய கொள்ளுபிடி பகுதியில் வைத்து அசாத் சாலி கைது செய்யப்பட்டார். தேசிய ஐக்கிய முன்னணியின் தலைவர் அசாத் சாலி நாட்டின் சட்டங்கள் தொடர்பாக சர்சைக்குரிய கருத்துக்களை வெளியிட்டு வந்தார். அக்கூற்று தொடர்பா பல தரப்பினரும் குற்றப்புலனாய்வு திணைக்களத்தில் முறைப்பாடு செய்திருந்தனர்.

அசாத் சாலி பயணித்த மோட்டார் காரில் இருந்து வெளிநாட்டில் தயாரிக்கப்பட்ட துப்பாக்கியொன்றும் ரவைகளும் பொலிசாரினால் கைப்பற்றப்பட்டதாக பொலிஸ் ஊடக பேச்சாளரும் பிரதி பொலிஸ் மாஅதிபருமான அஜித் ரோஹண தெரிவித்துள்ளார்.

இதேநேரம் அமைச்சர் கலாநிதி சரத் வீரசேக்கர கருத்து வெளியிடுகையில் ஈஸ்டர் தாக்குதலுடன் தொடர்பு இருப்பதற்கான விடயங்கள் தெரியவந்தமையினால் அசாத் சாலி கைது செய்யப்பட்டதாக தெரிவித்துள்ளார்.

கொரோனா தொற்றாளர்கள் எண்ணிக்கையில் சீனாவை நெருங்கும் இலங்கை

 

இலங்கையில் இதுவரை காலத்தில் கொரோனா தொற்றுக்குள்ளானவர்களின் ஒட்டுமொத்த எண்ணிக்கை 88,000த்தைக் கடந்துள்ளது. உலக நாடுகளுடன் ஒப்பிடுகையில் இலங்கை 87வது இடத்தில் உள்ளது.

Covid-19 தொற்றுக்குள்ளான 178 பேர் இன்று (15) அடையாளம் காணப்பட்டுள்ளதாக அரசாங்க தகவல் திணைக்களம் தெரிவித்துள்ளது.இதனையடுத்தே மொத்த தொற்றாளர்கள் எண்ணிக்கை 88,000க் கடந்தது.

இதேவிதமாக கொரோனா தொற்றாளர்கள் எண்ணிக்கை நாளாந்த பதிவாகும் இடத்து அடுத்து சில நாட்களுக்குள் இலங்கை சீனாவை முந்திவிட வாய்ப்புள்ளது.

தற்போது 90,049 கொரோனா தொற்றாளர்களுடன் சீனா உலகளவில் 86வது இடத்தில் உள்ளது. சீனா உண்மையான தரவுகளை மறைக்கின்றது அங்கே பதிவான கொரோனா தொற்றாளர்கள் எண்ணிக்கை இதைவிட அதிகமாக இருக்கும் என்று கருத்துக்கள் வெளியானாலும் உலகிலுள்ள அங்கிகரிக்கப்பட்ட கொரோனா பற்றிய இணையத்தளங்களின் விபரங்களுக்கு அமைவாக இதுவரை 90,049 கொரோனா தொற்றாளர்களே பதிவாகியிருப்பதாக கூறப்பட்டிருப்பதால் அதனையே கருத்தில் கொள்ளவேண்டியுள்ளது. இதனடிப்படையில் இலங்கை இன்னமும் சில நாட்களில் சீனாவின் எண்ணிக்கையை முந்தினாலும் ஆச்சரிப்படுவதற்கில்லை.

இதேவேளை கொரோனா மூன்றாவது அலை ஏற்படக்கூடிய அபாய நிலை காணப்படுவதாக இலங்கை பொது சுகாதார பரிசோதகர்கள் சங்கத்தினர் முன்னெச்சரிக்கை விடுத்துள்ளனர்.

பண்டிகைக் காலத்தில் உரிய சுகாதார விதிமுறைகளை பின்பற்ற தவறினால் கொரோனா தொற்று அதிகரிக்கக்கூடும் என சங்கத்தின் செயலாளர் மஹேந்திர பாலசூரிய தெரிவித்துள்ளார்.

இதுவரை உலகளவில் 120,507,233 (120 மில்லியன்) மக்கள் கொரோனா தொற்றுக்கிலக்காகி உள்ளதுடன் 2,666,907 உயிரிழந்துள்ளமை குறிப்பிடத்தக்கது.

இலங்கைத் தமிழ் மக்கள் மீதான கரிசனை தேர்தல்காலத்திற்கு மட்டுப்படுதப்பட்டதாக அன்றி உண்மையானதாக இருக்கவேண்டும்-இந்திய வெளிவிவகார அமைச்சர் கருத்து

 

இலங்கைத் தமிழ் மக்கள் மீது காண்பிக்கப்படும் கரிசனை என்பது தேர்தல்காலத்திற்கு மாத்திரம் மட்டுப்படுத்தப்பட்டதாக அன்றி  உண்மையானதாக அமையவேண்டும் என இந்திய வெளிவிவகார அமைச்சர் எஸ். ஜெய்சங்கர் தெரிவித்துள்ளார். 

'இந்தியா டுடே' ஊடக நிறுவனத்தின் வருடாந்த மாநாட்டில் பங்கேற்றபோதே அவர் இவ்வாறு கருத்துவெளியிட்டுள்ளார். 

இலங்கைத்தமிழ் மக்கள் மீதான கரிசனை என்பது சரியானது . ஏனெனில்  அது இயற்கையானது. ஏனெனில்.இருதரப்பினருக்கும் இடையே மொழியால் உறவுநிலை இருக்கின்றது. 

"தமிழ் நாட்டில் உள்ளவர்களும் ஏனைய பகுதிகளில் உள்ளவர்களும் ஒரு விடயத்தை  தெளிவாக புரிந்துகொள்ளவேண்டும். இலங்கையில் வாழும் தமிழ் மக்கள் மீதான கரிசனை என்பது   தேர்தல்தினத்திற்கு ஒரு மாதத்திற்கு முன்பாக ஆரம்பித்து தேர்தலுக்கு மறுதினம் முடிவடைகின்ற ஒருவிடயமாக இருக்கக்கூடாது சில வேளைகளில் தேர்தல்கள் நெருங்கும் போது இலங்கைத் தமிழர்கள் மீதான உணர்வு அதிகரிக்கும்.  பின்னர் அது தணிந்துபோகும். '

அடிப்படைவாத செயற்பாடுகளுக்காக சரணடைவோருக்கு புனர்வாழ்வு: வர்த்தமானி வௌியீடு

 

அடிப்படைவாத செயற்பாடுகள் தொடர்பாக சரணடையும் அல்லது கைது செய்யப்படும் நபர்களுக்கு புனர்வாழ்வளிக்கும் சட்ட விதிகள் உள்ளடக்கப்பட்ட அதிவிசேட வர்த்தமானி அறிவித்தல் வௌியிடப்பட்டுள்ளது.

இதன்படி, பொலிஸ் அதிகாரியல்லாத எவரேனும் ஒருவரிடம் சரணடையும் ஒருவர் 24 மணித்தியாலங்களுக்குள் அண்மையிலுள்ள பொலிஸ் நிலைய பொறுப்பதிகாரியிடம் ஒப்படைக்கப்பட வேண்டும்.

பொலிஸ் நிலைய பொறுப்பதிகாரி விசாரணை நடத்துவதற்காக சட்டமூலத்தில் 9 ஆவது சரத்தின் பிரகாரம் சம்பந்தப்பட்ட நபரை தடுத்து வைத்துக்கொள்ள வேண்டுமா என்பதை பரிசீலிப்பதற்காக அமைச்சருக்கு அறிக்கை சமர்ப்பிக்க வேண்டும் எனவும் அந்த அதிவிசேட வர்த்தமானியில் தெரிவிக்கப்பட்டுள்ளது.

சம்பந்தப்பட்ட நபர் குற்றமிழைத்துள்ளமை உறுதியாகும் பட்சத்தில், சட்ட நடவடிக்கை எடுப்பதற்கு அவர் சட்டமா அதிபரிடம் முன்னிலைப்படுத்தப்பட வேண்டும்.

குற்றத்தின் தன்மைக்கு அமைவாக, அந்த நபருக்கு எதிராக வழக்கு தொடராமல் மத்திய நிலையத்தில் புனர்வாழ்வு அளிப்பதற்கு தகுதியுடையவரென்பதே சட்டமா அதிபரின் நிலைப்பாடாக இருந்தாலும் அவர் நீதவான் முன்னிலையில் ஆஜர்படுத்தப்பட வேண்டும் என்பதுடன், அதன்போது விடயங்களை ஆராய்ந்து ஓராண்டுக்கு மேற்படாத காலத்திற்கு புனர்வாழ்வளிக்க உத்தரவிட முடியும்.

புன்வாழ்வளிக்கப்படும் காலம் முடிந்த பின்பு அதன் பெறுபேற்றை பரிசீலித்து விடுதலை செய்யவோ அல்லது மேலதிகமாக புனர்வாழ்வளிக்கவோ அல்லது பரிசீலித்துப் பார்க்கவோ வேண்டும் என்பதோடுஇ அதற்காக புனர்வாழ்வு ஆணையாளர் நாயகம் அமைச்சின் செயலாளருக்கு அறிக்கை சமர்ப்பிக்க வேண்டும்.

நீடிக்கப்படும் புனர்வாழ்வு கால எல்லையின் முடிவில் குறித்த நபர் விடுவிக்கப்பட வேண்டும் என இந்த அதிவிசேட வர்த்தமானி அறிவிப்பில் தெரிவிக்கப்பட்டுள்ளது.

நன்றி: நியுஸ் பெஸ்ட்

உலகில் தைரியமிக்க பெண் என்ற விருதிற்கு சட்டத்தரணி ரனிதா ஞானராஜா தகுதியானவரா?

நேற்றையதினம் ஃபேஸ்புக்கில் திரைப்பட நெறியாளரும் ஊடக பயிற்றுவிப்பாளரும் நண்பருமான நடராஜா  மணிவாணன் ' சில சாதனையாளர்களை உடனிருந்து பார்த்த பின்னர் அவர்களைக் கொண்டாட முடியாமல் போய்விடுகின்றது...' என பதிவொன்றை இட்டிருந்தார். 

அவர் அந்தப்பதிவை இட்ட சில மணிநேரத்தில் சமூக வலைத்தளத்தில் சட்டத்தரணியும் மனித உரிமை செயற்பாட்டாளருமான ரனிதா ஞானராஜா, உலகில் தைரிய மிக்க பெண்களுக்காக அமெரிக்க இராஜாங்க செயலாளரினால் வழங்கப்படும் 'International Women of Courage'  விருதுக்கு தெரிவு செய்யப்பட்டுள்ள செய்தி சமூக வலைத்தளங்களில் பரவலாக பகிரப்பட்டிருந்தது. 

மணிவாணன் ,யாரை நினைத்து அந்தப்பதிவை இட்டாரோ தெரியவில்லை.அவரது பதிவில் ஆழமான பொருள் பொதிந்துள்ளது. எங்கோ வெளிநாட்டில் வாழ்பவர்கள் சிறிதாக சாதித்துவிட்டாலும் அதனை போற்றிப் புகழ்ந்து ஆலவட்டம் எடுக்கும் நம்மவர்கள் எம்மத்தியிலேயே வாழ்ந்துகொண்டிருக்கின்றவர்களின் உண்மையான பெறுமதியை பலவேளைகளில் உணரத்தவறிவிடுகின்றோம். அன்றேல் இவர்கள் நம்மவர்கள் தானே என்ற ஒரு அலட்சியப்பான்மையுடன் தட்டிக்கழித்துக் கடந்துபோய்விடுகின்றோம். 

சட்டத்தரணி ரனிதா ஞானராஜாவை சில தடவைகள் தான் நேரில் சந்தித்திருக்கின்றேன். பல தடவைகள் தொலைபேசியில் உரையாடியிருக்கின்றேன்.  சக்தி  ஊடகபணிப்பாளர் கந்தவேள் மயூரனின் மனைவி என்றவகையில் நல்ல நட்புடனும் பேசும் அவரது  அநீதி கண்டு பொங்கும்  உளப்பிரவாகத்தை பேச்சுக்களினூடாகவும் சமூக வலைத்தளப் பதிவுகளுடாகவும்   பல தடவைகள்  உணர்ந்துகொண்டுள்ளேன்.

தனது சொந்த வாழ்வில் மிக இளம் வயதில் காணாமலாக்கப்பட்டதன் வலியை அனுபவித்து உணர்ந்தமையையும்  மனித உரிமை மீறல்களால் பாதிக்கப்பட்டவர்களுக்காக குறிப்பாக காணாமலாக்கப்பட்டவர்களின் உறவுகளுக்காக  தொழில்சார் தன்மையைத்தாண்டி மனிதாபிமானத்தோடு ஈடுபாடாக ரனிதா பணியாற்றுவதற்கு காரணமாக அமைவதாக அவரோடு நெருங்கிப்பழகுபவர்கள் தெரிவிக்கின்றனர். 

பல்கலைக்கழக காலத்திலேயே ரனிதாவுடன் நன்கு பரிட்சயமான சட்டத்தரணியும் அரசியல்வாதியுமான மங்களேஸ்வரி சங்கர் விருதுபற்றி கருத்துவெளியிடுகையில், " படிக்கும் காலத்தில் இருந்தே மனித உரிமை இல்லத்தில் தனது சட்ட அனுபவத்தை பயன்படுத்திக்கொண்டவர். அதன் பின்னர் மனித உரிமைக்கும் அபிவிருத்திக்குமான நிலையம்  CHRரில்  CEO ஆக நான் கடமையாற்றிக்கொண்டிருந்த காலத்தில் தான் . ரனிதா ,ஒரு சட்ட உத்தியோகத்தராக  எங்களுடைய நிலையத்தில் இணைந்துகொண்டவர் அன்றிருந்து மிக ஆர்வமாக CHR நடத்திக்கொண்டிருந்த மனித உரிமை மீறல் வழக்குகள், காணாமலாக்கப்பட்டவர்கள் விவகாரம், மனித உரிமை பாதுகாவலர்களுக்கான பயிற்சிகள் என்று பல்வேறு கருத்திட்டங்களில் மிக மும்முரமாக தனது சட்ட அறிவைப்பயன்படுத்தி  வெற்றிகரமாக ஈடுபட்டுக்கொண்டிருந்த ஒருவர்."' என நினைவுகூர்ந்தார். 

ரனிதாவைப் பற்றி சிரேஷ்ட சட்டத்தரணி கே.எஸ். ரத்னவேல் கூறுகையில்,  கடந்த பத்துவருடகாலமாக அவர் தம்மோடு  பணியாற்றுகின்றபோது எவ்விதமான அச்சுறுத்தல்கள் மத்தியிலும் எந்தவிதமான சமரசத்திற்கும் இடமின்றி அர்ப்பணிப்போடு தொழிலை முன்னெடுக்கும்  உறுதிமிக்க  பெண்மணி எனக்குறிப்பிட்டார்.  எப்போதுமே அர்ப்பணிப்போடு செயற்படும் அவர் தொழில்சார் ரீதியாக மட்டுமன்றி அதற்கு அப்பாலும் சென்று மனித நேயத்தோடு பாதிக்கப்பட்டவர்களுக்காக பரிந்துபேசுபவர் என புளகாங்கிதமடைந்தார் ரத்னவேல். 

உலகில் தைரியமான பெண் என்ற விருது பற்றி அமெரிக்க இராஜாங்கத்திணைக்கம் கூறுகையில்,ரனிதா ஞானராஜா, அச்சுறுத்தல் மற்றும் சவால்களுக்கு மத்தியில் நாட்டில் ஒதுக்கப்பட்ட மற்றும் பாதிப்புகளை எதிர்நோக்கும் சமூகங்களின் உரிமைகளுக்காக தொடர்ந்து போராடியவர் என  சுட்டிக்காட்டியுள்ளது.

வலிந்து காணாமல் ஆக்கப்பட்டவர்கள், நீண்ட காலமாக பயங்கரவாத தடுப்புச் சட்டத்தின் கீழ் தடுத்து வைக்கப்பட்டுள்ளவர்களுக்கு இலவச சட்ட உதவியை ரனிதா வழங்கியுள்ளதாக அமெரிக்க இராஜாங்க திணைக்களம் மேலும் தெரிவித்துள்ளது.

தனிப்பட்ட முறையில் போரினால் பாதிக்கப்பட்டு, பாதிக்கப்பட்டவர்களுடனும் அவர்களது குடும்பத்தினருடனும் பணியாற்றிய தனது விரிவான அனுபவத்தின் அடிப்படையில், இலங்கையின் மிகவும் நலிவுற்ற மக்களுக்கு நீதியையும் பொறுப்புக்கூறலையும் பெற்றுக்கொடுப்பதில் ரனிதா அர்ப்பணிப்புடன் செயற்பட்டுள்ளார்.

உலகெங்கும் உள்ள பெண்களின் தைரியத்தையும் தலைமைத்துவத்தையும் அமைதிக்கான வாதிடலையும் அங்கீகரித்து, நீதி, மனித உரிமைகள், பால்நிலை சமத்துவம், பெண்களை வலுவூட்டல் போன்றவற்றுக்காக தனிப்பட்ட ரீதியில் அபாயத்தையும் பொருட்படுத்தாமல் பணியாற்றியமைக்காக அவர்களை கௌரவப்படுத்தும் விதமாக International Women of Courage விருது வழங்கப்பட்டு வருகிறது.

இம்முறை 15 ஆவது ஆண்டாக இந்த விருது வழங்கப்படுகின்றமை குறிப்பிடத்தக்கது.

இதுவரை 75 நாடுகளை சேர்ந்த 155 பெண்கள் விருது வழங்கி கௌரவிக்கப்பட்டுள்ளனர்.

விருது வழங்கும் விழா சர்வதேச பெண்கள் தினமான மார்ச் 8ம்திகதி  காணொளி தொழில்நுட்பத்தினூடாக நடைபெறவுள்ளது.

இதன்போது அமெரிக்காவின் முதல் பெண்மணி னுச. ஜில் பைடன் தெரிவு செய்யப்பட்ட பெண்களின் சாதனைகளை அங்கீகரித்து தனது கருத்துக்களை பகிரவுள்ளார் என நியுஸ்பெஸ்ட் இணையத்தளம் குறிப்பிட்டுள்ளது. 

ரனிதாவிற்கு விருது வழங்கப்படவுள்ளதான அறிவிப்பையடுத்து இலங்கையிலுள்ள மற்றுமொரு தைரியமிக்கபெண்மணியும் சர்வதேச விருதுகள் பல வென்ற மனித உரிமை செயற்பாட்டாளருமான ஷிரீன் ஷரூர் கருத்துவெளியிடுகையில், "ரனிதா, நீண்டகாலமாக மனித உரிமைகள் தொடர்பான சட்டத்தரணியாக பணியாற்றிவருவதுடன் ஏனையவர்கள் பொறுப்பேற்கத் தயங்கும் வழக்குகளை முன்னின்று எடுத்து நடத்தியுள்ளார். அவர் அச்சுறுத்தல்களுக்கும் அபாயங்களுக்கு மத்தியிலும் கூட அரசியல் கைதிகள், காணாமலாக்கப்பட்டோர்  வழக்குகள் மற்றும் முக்கியமாக மன்னார் பாரிய புதைகுழி விவகார வழக்குகளில்  தனது வகிபாகத்தை வழங்கியுள்ளார். "மிகவும் தகுதிமிக்கதும் மிக்க அவசியமானதுமான அங்கீகாரமாக நான் பார்க்கின்றேன்.' என்று குறிப்பிட்டார். 

இந்த உலகில் அண்மைக்காலமாக பதவிக்காகவும் அதிகாரத்திற்காகவும் பணத்திற்காகவும்  சோரம் போகின்றவர்களுக்கே விருதுகளும் சிறப்புக்களும் கௌரவிப்புக்களும்  நடக்கின்றனவே என்று ஆதங்கப்பட்டு பன்னாடைகளுக்கெல்லாம் பொன்னாடை போர்த்துகின்றனரே என்று அங்கலாய்த்திருக்கையில் ,சட்டத்தரணி ரனிதா ஞானராஜா உயரிய சர்வதேச விருதொன்றுக்காக தெரிவுசெய்யப்பட்டிருப்பதான செய்தி மனமகிழ்ச்சியளிக்கின்றது. 

குரலற்றவர்களின் குரலாக திகழும் ரனிதா ஞானராஜாவிற்கு உலகில் தைரியமிக்க பெண்மணி என்ற விருது வழங்கப்படுவது முற்றிலும் பொருத்தமானது.  உங்கள் பணி இன்னமும் சிறப்புற வாழ்த்துக்கள் ரனிதா .

ஆக்கம்: அருண் ஆரோக்கியநாதர்

இம்ரான் கானின் வருகையோ ஜெனிவா அமர்வோ ஜனாஸாக்களை புதைப்பதற்கான அனுமதிக்கு காரணமல்ல

 முகத்தை முற்றாக மறைக்கும் நிகாபிற்கு தடை விதிக்கப்பட்டாலும் ஹிஜாப் ,ஹபாயாவுக்கு எந்த தடையும் கிடையாது

-  தினகரன் வாரமஞ்சரிக்காக நீதி அமைச்சர் அலி சப்றியுடன் ஷம்ஸ் பாஹிம் நடத்திய நேர்காணல் 

கேள்வி. ஜெனீவா மனிதை உரிமை மாநாடு மற்றும் பாக்கிஸ்தான் பிரதமரின் இலங்கை விஜயம்  என்பவற்றின் காரணமாக தான் கொரோனா மரணங்களை புதைக்க அனுமதி கிடைத்ததாக பரவலாக பேசப்படுகிறது. இதன் உண்மை நிலை என்ன?

பதில். அதனை ஏற்க முடியாது. நீண்ட  நாட்களாக இந்த பிரச்சினை பேசப்பட்டு வருகிறது. இது தொடர்பில் நியமிக்கப்பட்ட குழுவில் இது குறித்து ஆராயப்பட்டு வந்தது.குழுவிலுள்;ள சிலர் இதற்கு அனுமதி வழங்குவதற்கு தயாராக இருக்கவில்லை.அந்தக் குழு திரும்பவும் கூடி ஆராய்ந்த பின்னர் எடுத்த முடிவிற்கு அiமையவே புதைப்பதற்கு அனுமதி வழங்கப்பட்டுள்ளது.அது தவிர வேறு காரணம் கிடையாது.

கேள்வி. பாகிஸ்தான் பிரதமரின் வருகையின் போது முக்கிய அமைச்சராக ஆரம்ப முதல் இறுதி வரை நீங்கள் இருந்தீர்கள். புதைக்கும் அனுமதி தொடர்பில் அவருடனான விஜயத்தில் பேசப்பட்டதா?

பதில். அவரின் விஜயத்தில் பிரதமர் மற்றும் ஜனாதிபதியுடன் தனியாக நேரடி பேச்சுக்கள் நடந்தன.அங்கு பேசப்பட்டதா என்று தெரியாது. பொதுவாக நடந்த கூட்டங்கள் இந்த விடயம் பேசப்படவில்லை.

கேள்வி.  விகாரை, தேவாலய சட்டம் மாற்றப்படாது ஆனால் முஸ்லிம் தனியார் விவாக விவாகரத்து சட்டம் மாற்றப்படும் என்று கூறியிருந்தீர்கள். துனியார் சட்டங்களை மாற்றுவதாக இருந்தால் ஒன்றுக்கு மாத்திரம் அனுமதிப்பது பற்றி விமர்சனம் எழுகிறதே?

பதில். முஸ்லிங்களின் பள்ளிவாசல்கள் தொடர்பான வக்பு சட்டத்தை போன்றது தான் அது.அதனால் எவருக்கும் எந்த பாதிப்பும் கிடையாது. ஆனால் ஏனைய தனியார் சட்டங்களில் மாற்றம் செய்ய வேண்டும்.

சிலர் கூறுவது போன்று அரசியலமைப்பின் 16-2 சரத்தை நீக்கினால் அது சகல  தனியார் சட்டங்களையும்  பாதிக்கும்.

எமது நாட்டிலுள்ள முஸ்லிம் பெண்களின் நலனுக்காக தான் முஸ்லிம் தனியார் விவாக விவாகரத்து சட்டம் மாற்றப்படுகிறது.அது தற்காலத்திற்கு உகந்ததாக இல்லை.சவுதி அரேபியாவில் 18 வயது திருமண வயதாக அறிவிக்கப்பட்டுள்ளது. உச்ச நீதிமன்ற நீதிபதிகளாக கூட அங்கு பெண்கள் நியமிக்கப்பட்டுள்ளனர்.மலேசியாவில் பிரதம நீதியரசராக பெண் ஒருவர் இருக்கிறார்.

சிங்கப்பூர் ஜனாதிபதி முஸ்லிம் பெண்மணி. பாக்கிஸ்தான்,பங்களாதேஷ்களில் பிரதமராக பெண்கள் இருந்தார்கள். எமது நாட்டில் காதி நீதிபதியாக பெண் ஓருவரை நியமிக்க முடியாது என்றால் அதைத் தவிர வேறு பிற்போக்கு இருக்க முடியுமா?. எமது முஸ்லிம் விவாக விவாகரத்து சட்டம் பழைமைவாத போக்குள்ளது.இதனை மாற்றியாக வேண்டும்.

காதி நீதிபதிகள் பற்றி அனேக பெண்கள்இ பெற்றோர்களுக்கு நல்லபிப்பிராயம் கிடையாது.70 வீதமான காதி நீதிபதிகளின்  நடத்தை பற்றி விமர்சனம் உள்ளது.இது தொடர்பில் பல முறைப்பாடுகள் கிடைத்துள்ளன. குhதி நீதிமன்ற விசாரணைகளுக்கு நேரம்இஇடம் எதுவும் கிடையாது. வுழக்கிற்கு இலக்கம் கூட வழங்கப்படுவதில்லை.

கேள்வி. சில பிக்குமார்களும் அமைப்புகளும் முஸ்லிம் விவாக விவாகரத்து சட்டத்தை மாற்றுவது பற்றி பெரிதாக பேசி வருகின்றரே..?

பதில். அவர்கள் கூறுவதற்காக நாம் சட்டத்தில் மாற்றம் செய்யவில்லை. தமது அரசியலுக்காக அவர்கள் பேசுகிறார்கள்.எமது பெண்களின் நலனுக்காக இதில் கட்டாயம் மாற்றம் செய்தாக வேண்டும்.அதற்கான முன்னெடுப்புகள் நடைபெறுகிறது.இவ்வருடத்திற்குள் மாற்றம் வரும்.50 வருடங்களுக்கு மேலாக மாற்றம் பற்றி பேசப்பட்டாலும் எதுவும் நடக்கவில்லை. கடந்த ஆட்சியிலும் திருத்தம் பற்றி பேசப்பட்டது. யோசனைக் கூட முன்வைக்கப்பட்டன. முஸ்லிம் தனியார் சட்டத்தினால் இளவயது திருமணம் நடப்பதாக விமர்சிக்கின்றனர். ; 18 வயதிற்கு குறைந்த பெண்பிள்ளைகள் தாய்மையடைவது தொடர்பான புள்ளிவிபரங்களின் படி 80 வீதமானவர்கள் முஸ்லிம் பெண்களல்ல என்பதும் கவனிக்கப்பட வேண்டும்.

கேள்வி. சட்டத்தில் உள்ள குறைபாட்டை விட அதனை அமுல்படுத்துவோரின் குறை பற்றி பரவலாக பேசப்படுகிறது. இது பற்றி?

பதில். அதில் உண்மை இருக்கத்தான் செய்கிறது.ஆனால் சட்டத்தில் தான் அதிகமான குறைபாடுகள் காணப்படுகிறது. 12 வயது சிறுமியை திருமணம் செய்து வைக்க முடியுமா?  பெண் ஒருவருக்கு காதி நீதிபதியாக இருக்கமுடியாது என்பதை ஏற்க  முடியுமா? மணப்பெண் கையொப்பமிடத் தேவையில்லை என்பதை தான் ஏற்கலாமா? கட்டாயம் மாற்றங்கள் நடக்க வேண்டும்.நடைமுறைச்சாத்தியமாக இவை மாற்றப்பட வேண்டும். காதி நீதிபதிகளுக்கு 7500 ரூபா கொடுத்து தீர்ப்பு வழங்குவதை எதிர்பார்க்க முடியாது.

கேள்வி. புதிய சட்ட திருத்தம் எமது நாட்டுக்கு தனித்துவமான ஒன்றாக தயாரிக்கப்படுமா ? அல்லது வேறு நாடுகளில் பின்பற்றப்படும் முறைகளை மாதிரியாக கொண்டு உருவாக்கப்படுமா?

பதில். பல நாடுகளில் நடைமுறைப்படுத்தப்படும் முறைகளை ஆராய்ந்து வருகிறோம். நான் நியமித்துள்ள குழு பரிந்துரை வழங்கினாலும் அமைச்சரவை அனுமதி தேவை. அமைச்சரவை சொல்வதை தான் நான் செய்ய வேண்டியுள்ளது.இதனை விமர்சனம் செய்பவர்கள் புரிந்து கொள்ள வேண்டும். சில விடயங்கள் நாம் விரும்பினாலும் விரும்பாவிட்டாலும் நடந்துதான் தீரும். எம்மீது ஒரு விடயம் திணிக்கப்படுவதை விட நாமாக முன்வந்து மாற்றம் செய்வது எமக்கு ஒரளவு சாதகமாக இருக்கும்.முஸ்லிம் சமூகம் தாமாக முன்வந்து மாற்றங்களை செய்திருப்பதாக கூறலாம்.பகுத்தறிவுடன் நடப்பது உகந்தது.

வேறு ஒரு அமைச்சர் எனது பதவியில் இருந்தாலும் இந்த மாற்றங்கள் நடக்கத்தான் போகிறது.

எனக்கு தேவையானதையெல்லாம் செய்து விட முடியாது.முஸ்லிம் சமூகத்தையும் இணைத்து எமது பெண்களின் உரிமைகளையும் பாதுகாத்து   இதனை நிறைவேற்றுவதே எனது நோக்கமாகும்.

கேள்வி. முற்றாக முககத்தை மறைக்கும் புர்காவை  தடை செய்ய சட்டம் கொண்டு வரப்பட இருப்பதாக கூறியிருந்தீர்கள்.முஸ்லிம் அமைச்சராக இருந்து கொண்டு முஸ்லிம் பெண்களின் உரிமையை பறிக்க முயல்வதாக சில விமர்சனங்கள் முன்வைக்கப்படுகிறதே.?

பதில். கடந்த அரசில் நியமிக்கப்பட்டிருந்த பாராளுமன்ற தெரிவுக் குழு பாதுகாப்புடன் தொடர்புள்ள பலடவிடயங்கள் தொடர்பில் பரிந்துரை செய்திருந்தது. அவற்றை எந்தெந்த அமைச்சுக்களின் ஊடாக முன்னெடுப்பது என ஆராயப்பட்டு பொறுப்புகள் வழங்கப்பட்;டுள்ளன. முகத்தை முற்றாக மறைக்கும் புர்காவை தடை செய்வது தொடர்பிலும் பரிந்துரை வழங்கப்பட்டுள்ளது. இதனை அமுல்படுத்தும் பொறுப்பு நீதி அமைச்சிற்கு வழங்கப்பட்டுள்ளது. அதற்கான ஏற்பாடுகளை தான் எனது அமைச்சு செய்கிறது.

கேள்வி. பாதுகாப்பு காரணத்திற்காக புர்காவை தடை செய்வதாக கூறப்படுகிறது.ஆனால் முகத்தை மறைப்பது தற்போதைய கொரோனா நிலைமையில் கட்டாயமாக்கப்பட்டுள்ளது.இந்த இரண்டும் முரண்பட்டதாக இல்லையா?

பதில். தொற்று நோய்  போன்ற நிலைமைகளில் அதற்கு இடமளிப்பது தொடர்பான சில சரத்துகளில் அதில் உள்ளடக்கப்பட்டுள்ளது.முழுமையாக முகத்தை மறைக்கும் தலைக்கவசம் தொடர்பிலும் பிரச்சினை இருக்கிறது.அதுவும் தடை செய்யப்படுகிறது.

கேள்வி. முஸ்லிம் பெண்கள் அணியும் ஏனைய ஹபாயா.ஹிஜாப் என்பவற்றுக்குள் பாதிப்பு வரலாம் என அச்சம் காணப்படுகிறதே?;

பதில். ஹிஜாப். ஹபாயா என்பபவற்றுக்கு எந்த தடையும் பாதிப்பும் வராது.அவற்றுக்கு அனுமதி இருக்கும் வகையிலே மாற்றங்கள் செய்யப்படும்.முற்றாக முகத்தை மூடுவதற்கு தான் தடை வரும்.

கேள்வி. கருப்பு நிறத்தில் அணிவது தொடர்பிலும் விமர்சனம் இருக்கிறதே.

பதில்.  ஒவ்வொருவரினதும் விருப்பத்திற்கு அமைய நிறத்தை முடிவு செய்யலாம். அதில் நாம் தலையிட மாட்டோம். ஆனால் இன்று கருப்பு ஆடை அணிவதும் முற்றாக முகத்தை மூடும் புர்கா அணிவதும் பெரிதும் குறைந்துள்ளது வரவேற்கத்தக்கது.அவர்களாக விரும்பி மாறியுள்ளனர்.ஒரு வீதமானவர்களின் செயற்பாட்டினால் முழு சமுகத்திற்கும் பாதிப்பு வர இடமளிக்கக் கூடாது.

இம்ரான் கானின் வருகையின் போது அவர் அனைத்து முஸ்லிம் எம்.பிகளையும் சந்தித்தார். எல்லா நாடுகளிலும் ஒவ்வொரு இனங்களிலும் 10 வீதமான அடிப்படை வாதிகள் இருப்பார்கள்.10 வீதம் நல்லவர்கள் இருப்பார்கள்.சிறுபான்மையினராக வாழ்வோர் ஒதுங்கி வாழாது  இணைந்து வாழ வேண்டும என்று ஆலோசனை வழங்கியிருந்தார்.

கேள்வி. கொரோனா மரணங்களை புதைக்க அனுமதி வழங்கி வர்த்தமானி வெளியிடப்பட்டுள்ளது.ஜெனீவா அமர்வின் பின்னர் மீண்டும் அனுமதி ரத்தாகும் என சமூக வலைத்தளங்களில் விமர்சிக்கப்படுகிறது.அதற்கு வாய்ப்புள்ளதா?

பதில். அதில் எந்த உண்மையும் கிடையாது. ஜெனீவா அமர்வை நோக்காக கொண்டு இந்த அனுமதி வழங்கப்படவில்லை.இந்த வர்த்தமான அறிவிப்பு மீண்டும் மாற்றப்படாது.

கேள்வி. முஸ்லிங்கள் தொடர்பான பிரச்சினைகளின் போது ஒரே ஒரு முஸ்லிம் அமைச்சர் என்ற வகையில் உங்களை தான் விமர்சிப்பார்கள், ஏசுவார்கள். கொரோனா மரணங்களை புதைக்க அனுமதி பெற நீங்களும் பல முயற்சிகளை மேற்கொண்டீர்கள். ஆனால் இந்த வெற்றிக்கு யார் சொந்தக்காரர் என பரந்தளவில் ஆராயப்படுகிறது.இது பற்றி என்ன கூற விரும்புகிறீர்கள்?

பதில். எமக்கு புதைக்க அனுமதி கிடைக்க வேண்டும் என்பது தான் முக்கியமானதே தவிர அதற்கான பாராட்டும் மலர்மாலைகளும் முக்கியமே கிடையாது. சமுகத்தின் நலனுக்காக முடிந்தளவு முயற்சி செய்கிறோம்.நாம் பாராட்டை எதிர்பார்க்கும் கீழ்த்தரமான அரசியல் செய்ய வரவில்லை.

அமைச்சரவையில் நான் மாத்திரம் தான் ஒரே முஸ்லிம் அமைச்சர். நான் இருப்பதால் என்னை ஏசுகிறார்கள்.அவர்கள் ஏசாவாவது அமைச்சரவையில் இருக்கிறேனே.நான் மாலைகளையும் பாராட்டுகளையும் எதிர்பார்த்து அரசியல் செய்ய வரவில்லை.

நாம் நீண்ட காலம் கௌரவமாக இந்த நாட்டில் வாழ்ந்தோம்.எதிர்காலத்திலும் ஏனைய சமூகங்களுடன் இணைந்து கௌரவமாக வாழ வேண்டும்.நடுநிலையாக வாழ வேண்டும்.கடந்த 25-30 வருடங்களாக பிரதான சமுகத்தில் இருந்து ஒதுங்கி செல்ல ஆரம்பித்திருக்கிறோம்.

இந்தியாவில் முஸ்லிங்கள் பிரச்சினைகளுக்கு எதிர்நோக்க அதுதான் காரணம்.

எமது மக்கள் மத்தியில் மனப்பாங்கு ரீதியான மாற்றம் வர வேண்டும்.எமது கல்விஇமத்ரஸா முறைஇ ஆடை விடயம் என பலவற்றில் மாற்றம் தேவை.

இந்தியாவால் ஜெனிவாவில் எங்களை கைவிட முடியாது-வெளிவிவகார செயலாளர்

 

ஜெனீவாவில் தனது செயல் வடிவிலான ஆதரவை இந்தியா, இலங்கைக்கு வழங்கவேண்டுமென இலங்கை வெளிவிவகார அமைச்சின் செயலாளர் ஜயநாத் கொலம்பகே வேண்டுகோள் விடுத்துள்ளார். அத்துடன் இந்தியா எங்களை கைவிட முடியாது என்றும் அவர் தெரிவித்துள்ளார்.

இந்தியாவிலிருந்து வெளிவரும் தி ஹிந்து நாளிதழுக்கு வழங்கியுள்ள செவ்வியொன்றிலேயே அவர் இதனை தெரிவித்துள்ளார்.

தெற்காசிய நாடுகள், ஜெனீவாவில் ஆதரவளிக்காவிட்டால் இலங்கை மிகவும் குழப்பமடையுமென தெரிவித்துள்ள ஜயநாத் கொலம்பகே, ஐக்கிய நாடுகள் மனித உரிமை பேரவையில் அங்கம் வகிக்கும் பாகிஸ்தான், இந்தியா, நேபாளம், பங்களாதேஷ் ஆகிய நாடுகள் இலங்கையைப் போன்று கொரோனா வைரசுக்கு எதிரான போராட்டத்தில் ஈடுபட்டுள்ளதாலும், மனித உரிமை மீறல் குற்றச்சாட்டுகளை எதிர்கொண்டுள்ளதாலும் இலங்கைக்கு ஆதரவளிக்குமென நம்பிக்கை வெளியிட்டுள்ளார்.

எமது ஜனாதிபதி ஆதரவுகோரும் கடிதத்தை முதலில் இந்திய பிரதமருக்கே அனுப்பினார். ஏனென்றால் தெற்காசிய ஒற்றுமை குறித்து நாங்கள் உணர்வுபூர்வமாக உள்ளோமென தெரிவித்துள்ளார் என்றும் வெளியுறவுச் செயலாளர் ஜயநாத் பொலம்பகே தெரிவித்துள்ளார்.

இலங்கைக்கு அதன் அயல்நாடுகளின் ஆதரவு மிகவும் அவசியமாக உள்ளது, நாங்கள் மிகவும் அசாதாரணமான ஒன்றை கேட்கவில்லை.

நாங்கள் அயலவர்களுக்கு முன்னுரிமை என்ற இந்தியாவின் கொள்கையை அடிப்படையாக நாங்கள் இந்த வேண்டுகோளை விடுக்கின்றோம் எனவும் தெரிவித்துள்ளார்.

ஜுனில் மாகாண சபைத் தேர்தலை நடத்த அரசாங்கம் திட்டம்?

 

எதிர்வரும் ஜுன் மாதத்தில் மாகாண சபைத் தேர்தலை நடத்துவதற்கு அரசாங்கம் திட்டமிட்டுள்ளதாக சண்டே டைம்ஸ் பத்திரிகை இன்று செய்திவெளியிட்டுள்ளது. 

இந்த விடயம் தொடர்பாக கலந்துரையாடுவதற்காக ஜனாதிபதி கோட்டாபய ராஜபக்ஸ எதிர்வரும் புதன்கிழமை முன்னாள் மாகாண சபை உறுப்பினர்களை சந்திக்கவுள்ளதாகவும் அந்தச் செய்தியில் மேலும் குறிப்பிடப்பட்டுள்ளது. 

நாடு எதிர்நோக்கியுள்ள கொரோனா நிலைமையின் கீழ் மாகாண சபைத் தேர்தலை நடத்துவது பொருத்தமற்றது என ஸ்ரீலங்கா சுதந்திரக்கட்சி தெரிவித்துள்ள அதேவேளை புதிய அரசியல்யாப்பு அறிமுகப்படுத்தப்படவுள்ள நிலையில் மாகாண சபைமுறையை தொடர்பாக என்ன செய்யவேண்டும் என்பது தொடர்பாக தீர்மானிக்கப்படவேண்டியுள்ளதாக அரசாங்கத்திலுள்ள சில தரப்புக்கள் தமது அபிப்பிராயத்தை வெளிப்படுத்தியுள்ளன. 

கட்டம்கட்டமாக தவணைக்காலங்கள் 2018ம் ஆண்டில் நிறைவுற்ற நிலையில் நாட்டிலுள்ள 9 மாகாண சபைகளும் தற்போது மத்திய அரசாங்கத்தின் கீழே செயற்பட்டுவருகின்றமை குறிப்பிடத்தக்கது. 

அரசாங்கம் தேர்தல் முறைமையை மாற்றியமைக்குத் தீர்மானித்த நிலையில் எல்லைநிர்ணய நடவடிக்கை தாமதமானதால் மாகாணசபைத் தேர்தல் தாமதமாகியது. 

புதிய தேர்தல் முறைமையின் கீழோ பழைய தேர்தல் முறைமையின் கீழோ தேர்தலை நடத்த வேண்டுமாயின் தற்போதுள்ள சட்டத்தில் மாற்றம் செய்வதன் மூலமாகவே சாத்தியமாகும் 

ஜெனீவாவுக்குப் பிறகு, எங்கே கையேந்துவது?

 கடந்த பத்தாண்டுகளாக, ஈழத்தமிழ் அரசியலின் மையப்புள்ளிகளில் ஒன்றாக ஜெனீவா இருந்துவருகின்றது. ஒருபுறம் இலங்கையில் இருந்து பிரமுகர்கள் அங்கு காவடியெடுக்க, 'புலம்பெயர் புத்திமான்கள்' நடைபவனி, பேரணி, ஈருளிப் பயணம் என ஐரோப்பியத் தலைநகரங்களில் இருந்து, ஜெனீவாவை நிறைத்தார்கள். 

ஜெனீவாவில் தமிழ் மக்களுக்கு நன்மை விளையாது என, 2010ஆம் ஆண்டுமுதலே, சொல்லி வந்தவர்கள் இருக்கிறார்கள். இலங்கையைத் தங்கள் வழிக்குக் கொண்டுவருவதற்கான ஒரு களமாக, ஜெனீவா பயன்படுகிறது. அதற்கு தமிழர் பிரச்சினை ஒரு துரும்புச்சீட்டு மட்டுமே என்பதை, தொடர்ச்சியாக வலியுறுத்தியவர்களை, அரசியல் தெரியாதவர்கள், உலகறிவு அற்றவர்கள், தேசியத்தின் விரோதிகள் எனப் பலவாறு நிந்தித்தார்கள். 

கடந்த வாரம், 'ஜெனீவாவில் தமிழர்களுக்கு நன்மை விளையாது' என்று, ஐ.நாவில் பணியாற்றியவர்களே சொல்லி விட்டார்கள். இவர்களின் மொழியில், 'மணிகட்டின மாடு' சொல்லிவிட்டது. இனி என்ன?   

உலகத் தமிழர் பேரவை, கனடிய தமிழர் பேரவை, நியூயோர்க் பல்கலைக்கழகத்தின் மனித  உரிமைகளுக்கும் சர்வதேச நீதிக்குமான நிலையம், சமாதானத்துக்கும் நீதிக்குமான இலங்கை செயற்பாட்டு அமைப்பு ஆகியன இணைந்து ஒழுங்குசெய்த 'இலங்கை: நீதி,சட்டம் ஒழுங்கு, ஜனநாயக உரிமைகளுக்கான தேடல்' என்ற தலைப்பில் அமைந்த கருத்தாடல் நிகழ்வில், இலங்கை தொடர்பில் பணியாற்றிய உயர்நிலை ஐ.நா அதிகாரிகள், சில முக்கியமான செய்திகளைச் சொல்லி இருக்கிறார்கள். இச்செய்திகள் மிக முக்கியமானவை.

இக்கலந்துரையாடலில் பங்குபற்றியோரில் ஒருவர், ஐ.நாவின் முன்னாள் துணைச் செயலாளர் நாயகமாக இருந்த சார்ள்ஸ் பெற்றி. ஐ.நா செயலாளர் நாயகம், ஜூன் 2010ஆம் ஆண்டு இலங்கையின் பொறுப்புக்கூறல் தொடர்பில் ஆராய்வதற்கான நிபுணர் குழுவை நியமித்தார். அக்குழு, தனது அறிக்கையை ஏப்ரல் 2011இல், ஐ.நா செயலாளர் நாயகத்திடம் கையளித்தது. 

அவ்வறிக்கையின் முக்கியமான முடிவுகளில் ஒன்று, 'இலங்கை விடயத்தில் ஐ.நா தவறிழைத்தது' என்பதாகும். நிபுணர் குழு, தனது அறிக்கையில், 'மக்களைப் பாதுகாப்பதை, தனது பிரதான கடமையாகக் கொண்ட ஐ.நா, அந்தக் கடமையில் இருந்து தவறியது. இலங்கை விடயத்தில், அடிப்படை மனித உரிமைகளைக் காக்கத் தவறி,தவறிழைத்துவிட்டது' என்று குறிப்பிட்டது. 

இதையடுத்து, இலங்கையில் ஐ.நா நடந்துகொண்ட விதம் தொடர்பில், உள்ளக மீளாய்வு ஒன்றைச் செய்வதற்கான குழுவை, ஐ.நா செயலாளர் நாயகம் உருவாக்கினார். அக்குழுவின் தலைவராக இருந்தவரே சார்ள்ஸ் பெற்றி. ஒன்பது மாதகாலப் பணியின் பின்னர், அவ்வறிக்கை,  2012 நவம்பர் மாதம், ஐ.நா செயலாளர் நாயகத்திடம் ஒப்படைக்கப்பட்டது. 128 பக்கங்கள் நீள்கிற அறிக்கை, 'பெற்றி அறிக்கை' எனப் பொதுவாக அறியப்பட்டது.

ஐ.நாவின் அமைப்பு ரீதியான செயற்பாட்டடை விமர்சிக்கும் உள்ளக மீளாய்வு அறிக்கையாக இது இருந்தும், ஐ.நா சபையின் அறிக்கை என்ற அடிப்படையில், அதில் சொல்லப்பட்ட விடயங்களுக்குள்ள பெறுமதியை மறுக்க இயலாது. 

அவ்வறிக்கை, 'இலங்கையில் ஓர் இனப் படுகொலை, அரங்கேறாது தடுப்பதற்கு வழிகள் இருந்தும், ஐ.நா அசமந்தப் போக்குடன் செயற்பட்டது' எனக் கோடிட்டுக் காட்டுகிறது. 

அதேவேளை, போர் முடிந்த பின்னர், மக்கள் முட்கம்பி வேலிகளுக்குள் துன்பப்படுகையில், ஐ.நா வாளாவிருந்ததையும் சுட்டிக்காட்டுகிறது. இன்றும் பொதுவெளியில், கிடைக்கின்ற  அறிக்கையில் சில பகுதிகள், கறுப்பு மையால் நீக்கப்பட்டிருக்கின்றன. அப்பகுதிகள், ஐ.நாவின் செயலாளர் நாயகம் பன் கீ மூனையும் அவரது பிரதான அலுவலர் விஜய் நம்பியாரையும் குற்றம் சாட்டுகின்றன.நடந்தேறிய மனிதப் படுகொலைக்கான இரத்தம் தோய்ந்த கரங்களுடையோராக இவ்விருவரையும் சுட்டுகின்றன. இதை, ஐ.நா பணியாளர்களே சொல்லியிருக்கிறார்கள். ஐ.நா பற்றிய மாயைகளைக் களையஇ இன்றும் வாசிக்கப் பயனுள்ள அறிக்கையையே சார்ள்ஸ் பெற்றி தந்திருக்கிறார். 

கடந்த வாரம், சார்ள்ஸ் பெற்றி என்ன சொன்னார் என்கிற விடயத்துக்கு வருவோம். கலந்துரையாடலின் போது, தனது தொடக்கவுரையை அவர் பின்வருமாறு நிறைவு செய்தார். 

'உலகளாவிய ரீதியில்,மனித உரிமை மீறல்களுக்கும் அச்சுறுத்தல்களுக்கும் முகங்கொடுப்பதில் ஓர் அமைப்பாக, ஐக்கிய நாடுகள் சபை இன்று செயலிழந்துள்ளது. இதன் அர்த்தம், ஐ.நாவிடம் இதற்கான வழிமுறைகளோ கருவிகளோ இல்லை என்பதல்ல. மாறாக, அதற்கான தைரியமும் விருப்பமும் அதனிடம் இல்லை. அரசியல் கணக்குகளைப் புறந்தள்ளி, ஐ.நாவின் சாசனத்தை நிறைவேற்றும் வகையில், ஐ.நா செயலாற்ற வேண்டும். இதை, ஐ.நா செய்யுமா என்பதைக் காலம்தான் பதில் சொல்ல வேண்டும். ஆனால், உடனடியாகவும் குறுகிய கால நோக்கிலும் நீதியையும் தேவையையும் எதிர்பார்த்து இருப்போருக்குஇ நான் சொல்வது ஒன்றுதான்; ஐ.நாவை நம்பி இராதீர்கள். ஐ.நா, தனது சாசனத்தின் படி நடந்துகொள்ளும் என்று எதிர்பாராமல் இருப்பது நல்லது. அது பலத்த ஏமாற்றங்களையும் தேவையற்ற துன்பங்களையும் தவிர்க்க உதவும்'. 

இச்சொற்கள், மிகவும் சாதாரணமான ஒருவர் உதிர்த்தவையல்ல. 20 ஆண்டுகளுக்கு மேலாக, ஐ.நாவில் பணியாற்றிய ஒருவரின் வார்த்தைகள். ருவாண்டா, மியான்மார், ஆப்கானிஸ்தான், கொங்கோ என பாரிய மனிதஉரிமை மீறல்கள் இடம்பெற்ற நாடுகளில் எல்லாம், ஐ.நாவின் அலுவலராகப் பணியாற்றிய ஒருவரின் வார்த்தைகள் ஆகும். 

சார்ள்ஸ் பெற்றியைத் தொடர்ந்து கருத்துரைத்த, ஐ.நாவின் இலங்கைக்கான முன்னாள் சிறப்பு அறிக்கையாளர் பப்லோ டி கிறீப்,  'பெற்றியின் கருத்துகளையே, நான் எதிரொலிக்கிறேன்' எனச் சொன்னார். தனது உரையின் நிறைவில் இரண்டு விடயங்களை அவர் அடிக்கோடிட்டார். 

'இலங்கையின் எதிர்காலம், இலங்கையர்களின் கைகளிலேயே தங்கியுள்ளது. இலங்கை மக்களே, தங்களுக்கான உரிமைகளை வெல்வதற்கும் தக்கவைப்பதற்கும் பங்களிக்க வேண்டும். அதேவேளை, மனித உரிமைகள் என்பதை, வெறுமனே ஒரு சமூகத்தின் நலன்களுக்கு மட்டுமே உரியதாகச் சுருக்கிவிடாதீர்கள். அது தவறானது. அனைத்துச் சமூகத்தினரையும் ஒன்றிணைக்கும் கருத்தாக, மனித உரிமைகளை மாற்றுங்கள். இது அனைத்து இலங்கையருக்கும் ஆனது என்பதை நினைவில் கொள்ளுங்கள்'.      

இருவரது கருத்துகளும் மிக முக்கியமானவை. கடந்த ஒரு தசாப்த காலமாகக் கிளுகிளுப்பான, பரபரப்பான, உணர்ச்சிவசமான களமாக ஜெனீவா, இலங்கையிலும் புலம்பெயர் தேசங்களிலும் ஈழத்தமிழர்களிடையே இருந்துவந்துள்ளது. 

இந்தக்களம் குறித்த நேர்மையானதும் வெளிப்படையானதுமான கருத்துகளை ஏற்கஇ எம்மில் பலர் தயார் இல்லை. ஏனெனில், போரின் நிறைவு முதல், 'தமிழ் மக்களுக்கான தீர்வு, ஜெனீவாவிலிருந்தே கிடைக்கும்' என்றுதான் பலரும் சொல்லி வந்திருக்கிறார்கள். 

கடந்த பத்தாண்டு கால, ஈழத்தமிழ் அரசியல் போக்கைத் திரும்பிப் பார்த்தால்இ சில விடயங்களைப் புரிந்து கொள்ளவியலும். 

முதலில், ஜெனீவாவில் நிறைவேற்றப்படும் தீர்மானம், தமிழ் மக்களுக்கு விடிவைப் பெற்றுத்தரும் என்றும் இனி, தமிழ் மக்களின் உரிமைகளை, ஐ.நா உறுதிப்படுத்தும் என்றும் சொல்லப்பட்டது. 

இந்தியா எவ்வாறு இலங்கை அரசுக்கு அழுத்தங்களைப் பிரயோகித்து, வட மாகாண சபைத் தேர்தலை நடத்தி, அவ்வாறே வடமாகாண சபையின் ஊடாகத் தமிழ் மக்களுக்கான விடிவைப் பெற்றுத் தரும் என்று சிலரும், மஹிந்த ராஜபக்‌ஷ அரசாங்கத்தை அகற்றிய அமெரிக்கா, இன்னோர் அரசாங்கத்தை உருவாக்குவதன் மூலம்இ தமிழருக்கான தீர்வு சாத்தியமாகும் என்று, வேறு சிலரும் சொன்னார்கள். 

வடமாகாண சபையையும் கண்டோம்; மகிந்த ராஜபக்‌ஷ அரசாங்கம் அகற்றப்பட்டுஇ நல்லாட்சி அரசாங்கத்தையும் கண்டோம். இன்று, தொடங்கிய இடத்தில் மீண்டும் வந்து நிற்கிறோம். தமிழ் மக்கள், தங்கள் மீதில்லாமல், பிற அனைத்தின் மீதும் நம்பிக்கை வைக்கிறார்களோ என்று எண்ணத் தோன்றுகிறது

இனியாவது நாம், அந்நியக் கனவுகளில் இருந்து அகல வேண்டும். எமக்கான போராட்ட வெளிகளை, நாம் உருவாக்க வேண்டும். மக்களைப் போராட்டத்தின் மையமாக்க வேண்டும். குறுகிய கட்சி அரசியலையும் வாக்கு அரசியலையும் விடுத்துஇ ஒன்றிணைந்து பயணிக்க வேண்டும். 

ஜெனீவாவை வைத்து அரசியல் செய்பவர்களது உடனடிப் பிரச்சினை ஜெனீவாவில் என்ன நடக்கும் என்பதல்ல; மாறாக ஜெனீவாவுக்குப் பிறகு எங்கு கையேந்துவது என்பதுதான்.

கலந்துரையாடலின் நிறைவுக் கருத்தாக, சார்ள்ஸ் பெற்றி உதிர்த்த சொற்கள் மனங்கொள்ளத்தக்கவை: 

'இலங்கை மக்களுக்கான எனது அறிவுரை யாதெனில், ஐ.நாவை நம்பி இராதீர்கள்; நீங்கள் ஏமாந்துபோகக் கூடும். உங்கள் எதிர்ப்பாற்றலில் நம்பிக்கை வையுங்கள். ஐ.நாவை மையப்படுத்தி, உங்கள் மூலோபாயங்களை வகுக்காதீர்கள்' என்பதாக அமைந்துள்ளது.  

தமிழ் மக்களின் உரிமைக்கும் நீதிக்குமான நெடிய போராட்டத்தின் முக்கியமான ஒரு புள்ளியில் நிற்கிறோம். எம்முன்னே, இரண்டு தெரிவுகள் உள்ளன. தமிழ் மக்களுக்கு, அன்று முதல் இன்று வரை மறுக்கப்பட்டு வருகின்ற மனித உரிமைகளும் அடிப்படை உரிமைகளும், சிங்கள, முஸ்லிம், மலையகத் தமிழ் மக்களுக்கும் மறுக்கப்படுபவற்றையும் பரந்த நோக்கில் கண்டு, இன்றைய சூழலில் அனைத்து மக்களையும் அணிதிரட்டிப் போராடுவதற்கேற்ற அரசியல் கொள்கையுடனும் வேலைத்திட்டத்துடனும் மக்களை  அணிதிரட்டப் போகிறோமா? அல்லதுஇ இன்னொரு சக்தியை 'ஆபத்பாண்டவர்' என்று நம்பிக் கையேந்தப் போகிறோமா?

ஆக்கம் தெ. ஞாலசீர்த்தி மீநிலங்கோ

"முன்னாள் ஆளுநரின் மகனுக்கு இந்த நிலை என்றால் சிறுபான்மையினரது நிலையை சிந்தித்துப்பாருங்கள்-"

 

முன்னாள் ஆளுநரும் ஜனாதிபதி சட்டத்தரணியுமான மைத்திரி குணரத்னவின் புதல்வர் மிகார குணரட்ண,  பேலியகொடை பொலிஸ் நிலையத்தில்  தாக்கப்பட்டமை தொடர்பில் விசாரணை நடத்துமாறு பொலிஸ் மா அதிபருக்கு உத்தரவிடப்பட்டுள்ளது.

பேலியகொடை பொலிஸ் நிலையத்திற்குள் சட்டத்துறை மாணவர் ஒருவர் தாக்கப்பட்டுள்ள சம்பவம் பதிவாகியுள்ளதுடன், அது தொடர்பிலான புகைப்படங்கள் தற்போது சமூக வலைத்தளங்களில் பகிரப்பட்டு வருவதாக பொதுமக்கள் பாதுகாப்பு அமைச்சர் ஓய்வு பெற்ற ரியர் அட்மிரல் சரத் வீரசேகர தெரிவித்துள்ளார்.

ஆகவே பொதுமக்கள் பாதுகாப்பு அமைச்சர் என்ற ரீதியில் இந்த சம்பவத்துடன் தொடர்புடைய அதிகாரிகளை உடனடியாக பணி நீக்கம் செய்து விசாரணைகளை முன்னெடுக்குமாறு பொலிஸ் மா அதிபருக்கு தாம் உத்தரவிட்டதாக அமைச்சர் சரத் வீரசேகர தெரிவித்துள்ளார்.

பொலிஸாரின் காட்டுமிராண்டித்தனமான இந்தத்தாக்குதல் தொடர்பாக சமூக வலைத்தளங்களில் பலரும் பதிவுகளை இட்டுவருகின்றனர். 

குறிப்பாக முன்னாள் மனித உரிமைகள் ஆணையாளர் அம்பிகா சற்குணநாதன் ,தனது டுவிட்டரில் ' முன்னாள் ஆளுநரின் மகன் கொடூரமான முறையில் பொலிஸாரால் தாக்குதலுக்கு உள்ளாகுமிடத்து வலுவற்றவர்கள் மற்றும் சிறுபான்மையினரது கதியை சிந்தித்துப்பாருங்கள்.  ஒரு சில பழங்கள் மட்டும் அழுகியிருக்கவில்லை மரமே அடியிலிருந்து அழுகிக்கிடக்கின்றது. இந்த நிறுவனமே செயலற்றுக்கிடக்கின்றது, வன்முறை நிறைந்ததாகவும் சட்டத்தின் ஆட்சிக்கு எவ்வித மதிப்பற்றதும், உரிய முறைமைகளைப் பின்பற்றாததாக காணப்படுகின்றது' என அவர் தெரிவித்துள்ளார். 

இந்தத் தாக்குதல் தொடர்பாக நீதி அமைச்சர் அலி சப்றி மற்றும் சட்டத்தரணிகள் சங்கத்தின் புதிய தலைவர் சாலிய பீரிஸ் ஆகியோர் வன்மையான கண்டனங்களைத் தெரிவித்துள்ளதுடன் தாக்குதல் நடத்தியவர்கள் மீது கடும் நடவடிக்கை எடுக்க வேண்டும் என வலியுறுத்தியிருந்தமை குறிப்பிடத்தக்கது. 

நீதியை நிலைநாட்டும் நோக்கம் இலங்கைக்கு அறவே இல்லை:சர்வதேச பொறுப்புக்கூறலே தற்போதைய தேவை!

 இறுதிப்போரில் இழைக்கப்பட்ட சர்வதேச குற்றங்களுக்கு நீதியை நிலைநாட்டும் எவ்வித நோக்கமும் இலங்கைக்கு இல்லை என தெளிவாகியுள்ளதாக சர்வதேச மனித உரிமை கண்காணிப்பகத்தின் ஜெனிவாவிற்கான பணிப்பாளர் ஜோன் ஃபிஷர் சர்வதேச பொறுப்புக்கூறலே தற்போதைய தேவை என வலியுறுத்தியுள்ளார்

ஐக்கிய நாடுகள் மனித உரிமை பேரவையின் 46வது கூட்டத்தொடரில் நேற்றையதினம் இலங்கையின் வெளிவிவகார அமைச்சர் தினேஷ் குணவர்த்தன ஆற்றிய உரையைத் தொடர்ந்தே அவர் இவ்வாறு தெரிவித்துள்ளார்.

சர்வதேச மனித உரிமைகள் கண்காணிப்பகத்தின் ஜெனிவாவிற்கான பணிப்பாளர் ஜோன் ஃபிஷர் தன து டுவிட்டரில், "இலங்கை வெளிவிவகார அமைச்சர்  மனித உரிமை பேரவையின் 46வது கூட்டத்தொடரில் சர்வதேச குற்றங்களை மறுத்துள்ளார். அளிக்கப்பட்ட வாக்குறுதிகளில் இருந்து பின்வாங்கியுள்ளார்.  மனித உரிமை ஆணையகத்தின் அறிக்கையையை ' பிரசார நடவடிக்கை' என நிராகரித்துள்ளார்.     இதனை செவிமடுத்த  பின்னர்  நீதியை நிலைநாட்டும் எந்தவித நோக்கமும் இலங்கைக்கு உள்ளதென்பதனை எவரும் நம்பமாட்டார்கள். சர்வதேச பொறுப்புக்கூறல் நடவடிக்கையே தற்போது தேவையானது." எனக் குறிப்பிட்டுள்ளார். 

வெறுமனே பிரச்சாரம் என ஐநா மனித உரிமைகள் ஆணையாளரின் அறிக்கையை உத்தியோகபூர்வமாக நிராகரித்தது இலங்கை

 

கௌரவ வெளிநாட்டு அமைச்சரின் அறிக்கை

ஐ.நா. மனித உரிமைகள் பேரவையின் 46வது அமர்வின் உயர் மட்டப் பிரிவு

2021 பெப்ரவரி 22, ஜெனீவா

 

தலைவர் அவர்களே,

உயர் ஸ்தானிகர் அவர்களே,

மரியாதைக்குரிய தூதுவர்களே,

கனவான்களே மற்றும் கனவாட்டிகளே,

 

1.      இன்று நான் உங்கள் மத்தியில் உரையாற்றும்போது, முன்னோடியில்லாத வகையில் பிரச்சாரங்கள் மேற்கொள்ளப்பட்ட இலங்கை குறித்த அறிக்கையை மனித உரிமைகள் உயர் ஸ்தானிகர் அலுவலகம் வெளியிட்டுள்ளது.

 

2.      இலங்கையை இன அடிப்படையில் பிரித்து ஒரு தனி அரசை உருவாக்க வேண்டும் என்ற நோக்கில், மூன்று தசாப்தங்களாக நீடித்த பயங்கரவாத பிரச்சாரத்திற்குப் பின்னர், உலகின் இரக்கமற்ற பயங்கரவாத அமைப்பிலிருந்து ஒற்றையாட்சி அரசு, இறையாண்மை மற்றும் பிராந்திய ஒருமைப்பாட்டைப் பாதுகாப்பதற்காக, இலங்கையின் வீர ஆயுதப் படைகள் தமிழீழ விடுதலைப் புலிகளை இராணுவ ரீதியாக நடுநிலையாக்கின.

 

3.      இலங்கையில் பணியாற்றிய ஜனாதிபதி மற்றும் இலங்கையின் எல்லைகளுக்கு அப்பால் தனது பயங்கரவாதத்தை விரிவுபடுத்தி இந்தியாவின் முன்னாள் பிரதமர் ஆகிய இரண்டு உலகத் தலைவர்களைக் கொலை செய்த உலகின் ஒரே பயங்கரவாத அமைப்பு தமிழீழ விடுதலைப் புலிகள் ஆகும்.

                       

4.      பயங்கரவாதத்தின் முடிவானது, அனைத்து உரிமைகளிலும் மிகவும் மதிக்கத்தக்க உரிமையான, சிங்கள, தமிழ் மற்றும் முஸ்லிம்கள் ஆகிய அனைத்து இலங்கையர்களின் உயிர் வாழ்வதற்கான உரிமைக்கு உத்தரவாதம் அளித்தது.

 

5.      ஆயினும்கூட, இலங்கைக்கு எதிராக ஆதாரமற்ற தீர்மானத்தைக் கொண்டுவருவதில் இலங்கைக்கு எதிராக மேலாதிக்க சக்திகள் ஒன்றிணைந்ததுடன், அது இன்றும் கூட இலங்கையின் தரப்பில் இருக்கும் நட்பு நாடுகளின் ஆதரவால் தோற்கடிக்கப்பட்டது. இந்த சபைக்கு முற்றிலுமான அரசியல் நோக்கங்கள் குறித்து மேலும் தீர்மானங்கள் முன்வைக்கப்பட்டன. ஒவ்வொரு நிகழ்விலும், நடைமுறை முறைகேடுகளையும், இதுபோன்ற செயன்முறைகள் ஐக்கிய நாடுகள் சபையின் அனைத்து உறுப்பு நாடுகளையும் பாதிக்கும் ஆபத்தான முன்னுதாரணத்தை எவ்வாறு அமைக்கும் என்பதையும் இலங்கை முன்வைத்தது.

 

6.      2015ஆம் ஆண்டில் இலங்கையில் பதவியேற்ற அரசாங்கம், மனித உரிமைகள் அரங்கில் முன்னோடியில்லாத வகையில், எமது சொந்த நாட்டிற்கு எதிரான தீர்மானம் 30/1 இன் இணை அனுசரணையாளர்களாக இணைந்தது. அது இலங்கையின் அரசியலமைப்பிற்கு இணங்காத மற்றும் வழங்க முடியாத பல கடமைகளை நிறைவேற்றியது. இது 2019இல் இடம்பெற்ற ஈஸ்டர் ஞாயிறு தின பயங்கரவாதத் தாக்குதல்களைப் புதுப்பிக்கும் நிலைக்கு தேசிய பாதுகாப்பை இட்டுச் சென்றதுடன், இதனால் நூற்றுக்கணக்கானோர் கொல்லப்பட்டனர்.

 

7.      இலங்கை மக்கள் இந்தத் தீர்மானத்தை நிராகரித்தமையானது, 2019 நவம்பரில் அதிமேதகு கோட்டாபய ராஜபக்ஷ அவர்களுக்கு வழங்கிய ஆணையின் மூலம் தெளிவாக வெளிப்பட்டது. இந்த ஆணையின் அடிப்படையில் இந்த சபையின் 43வது அமர்வில் இந்தத் தீர்மானத்தின் இணை அனுசரணையில் இருந்து இலங்கை விலகுவதாக அறிவித்தேன். இந்த சபை உட்பட ஐ.நா. அமைப்புடன் தொடர்ந்தும் ஈடுபடுவதற்கான இலங்கை அரசாங்கத்தின் உறுதிப்பாட்டையும் நான் வெளிப்படுத்தினேன்.

 

8.      மனித உரிமைகள் உயர் ஸ்தானிகர் அலுவலகத்திற்கு இலங்கை மேற்கொண்டுள்ள இந்த தன்னார்வக் கடமைகளை இலங்கையின் அரசியலமைப்புக்கு உட்பட்ட வகையில் செயற்படுத்துவதிலான தற்போதுள்ள வழிமுறைகளின் தொடர்ச்சி, ஒரு உயர் நீதிமன்ற நீதிபதியின் தலைமையில் விஷேட விசாரணை ஆணைக்குழுவொன்றை நியமித்தல், நிலையான அபிவிருத்தி இலக்குகளை அடைதல், காணிகளைத் திருப்புவதிலான முன்னேற்றம்இ வாழ்வாதாரத்தைக் குறைத்தல் மற்றும் அதற்கான புதிய வழிகளை உருவாக்குதல் போன்ற முன்னேற்றங்கள் குறித்து 2020 டிசம்பரிலும், எமது கருத்துக்களுக்கான விரிவான புதுப்பிப்புக்களை 2021 ஜனவரியிலும் வழங்கியுள்ளோம்.

 

9.      கடந்த ஆண்டு கோவிட்-19 தொற்றுநோயின் பாதிப்புக்களை இலங்கை எதிர்த்துப் போராடியபோதிலும், இந்த நடவடிக்கைகள் முன்னெடுக்கப்பட்டுள்ளன. இந்த சவால்களுக்கு மத்தியிலும், நாங்கள் ஆகஸ்ட் 2020 இல் ஒரு சுதந்திரமான மற்றும் நியாயமான பொதுத் தேர்தலை நடாத்தி, ஆசியாவின் மிகப் பழமையான நாடாளுமன்ற ஜனநாயக நாடுகளில் ஒன்றான எமது நாட்டில், மூன்றில் இரண்டு பங்கு பெரும்பான்மையுடன் புதிய அரசாங்கம் தேர்ந்தெடுக்கப்பட்டது.

 

10.    மனித உரிமைகள் பேரவை மற்றும் அதன் பொறிமுறைகளுடன் ஒத்துழைப்பு மனப்பான்மை இருந்தபோதிலும், இலங்கைக்கு எதிராக செயற்படும் கூறுகள் இந்த அமர்வின் போது இலங்கைக்கு எதிராக மற்றொரு நாடு சார்ந்த தீர்மானத்தை முன்வைக்க உத்தேசித்துள்ளன என்பதுடன், இது மனித உரிமைகள் உயர் ஸ்தானிகர் அலுவலகத்தை அடிப்படையாகக் கொண்டது. இலங்கையின் இந்த நிராகரிக்கப்பட்ட அறிக்கை முக்கியமாக உள்நாட்டு விடயங்களின் பல சிக்கல்கள் மற்றும் இறையாண்மை கொண்ட சுய மரியாதை மிக்க நாட்டின் விடயங்களை உள்ளடக்கிய வகையில், நியாயமற்ற முறையில் அதன் நோக்கத்தை விரிவுபடுத்தி மேலும் ஆணையை வழங்கியுள்ளது.

 

11.    இந்த சபையின் அவசரமான கவனத்தை ஈர்க்கும் ஒரு சூழ்நிலையை இலங்கை பிரதிநிதித்துவப்படுத்துகின்றதா என்பது குறித்து தமது சொந்தத் தீர்ப்பை வழங்குவதற்காக இந்த சபையின் உறுப்பினர்கள் மற்றும் பார்வையாளர் அரசுகளுக்கு நான் விட்டு விடுகிறேன், அல்லது இந்தப் பிரச்சாரம் அடிப்படையில் ஒரு அரசியல் நடவடிக்கையாக இருக்குமாயின், இந்த சபை நிறுவப்பட்ட மதிப்புக்கள் மற்றும் கொள்கைகளுக்கு முரணானது. குறிப்பாக சில நாடுகளால் வெளிநாடுகளில் மேற்கொள்ளப்படும் இராணுவ நடவடிக்கைகளில், வழக்குத் தொடுப்பதில் இருந்தும் தமது வீரர்களைப் பாதுகாப்பதற்காக சட்டம் இயற்றப்படும் நேரத்தில், தமது நோக்கங்களின் போலி மற்றும் பாசாங்குத்தனமான தன்மையை மட்டுமே சுட்டிக்காட்டுகின்றது. இது பயங்கரவாதத்திற்கு எதிரான போராட்டத்தில் ஈடுபட்டுள்ள நாடுகளிடையே கணிசமான மன உறுதியை இழக்கச் செய்கின்றது.

 

12.    செவிப்புலன், ஒருதலைப்பட்ச நடவடிக்கை அல்லது ஒரு கோண சந்தேகத்திற்குரிய ஆதாரங்களால் செல்லாமல், சபை செதில்களைக் கூட வைத்திருக்க வேண்டும். அதன் வழிகாட்டும் கொள்கைகளை பின்பற்றுதல் வேண்டும். இந்த சபையுடனான எமது தொடர்ச்சியான ஒத்துழைப்பு மற்றும் ஈடுபாடு இருந்தபோதிலும், இதுபோன்ற வெளிப்புறமாக இயக்கப்படும் விடயங்களை வலியுறுத்துவது பல சவால்களை ஏற்படுத்தும்.

 

13.    இந்த சபை அறிந்திருப்பதைப் போன்று, கடந்த நூறு ஆண்டுகளில் இது முழு உலகிற்கும் ஒரு முக்கியமான நேரமாவதுடன், கோவிட்-19 தொற்றுநோயைக் கடப்பதற்கும், நொறுங்கிய பொருளாதாரங்களைப் புதுப்பிப்பதற்கும் நாம் எடுக்கும் முயற்சிகளில் நாம் ஒன்றுபட வேண்டும். இந்த சபை உறுப்பினர்களிடம் அதன் தொடர்ச்சியான ஈடுபாடு மற்றும் ஒத்துழைப்பை கவனத்தில் கொண்டு, இலங்கைக்கு எதிரான எந்தவொரு தீர்மானத்தையும் நிராகரிப்பதன் மூலம் எமக்கு ஆதரவளிக்குமாறு கேட்டுக்கொள்கின்றேன். இந்த சபையின் வளங்களும் நேரமும் இலங்கையில் எந்த அளவிற்கு பயன்படுத்தப்பட்டுள்ளன என்பது தேவையற்றது என நாங்கள் நம்புவதுடன், அது உலகளாவிய தெற்கின் இறையாண்மை நாடுகளுக்கு குறை ஊக்கமளிக்கும் செய்தியைக் கொண்டு செல்கின்றது.

 

14.    இந்த சபைக்குள்ளான பிளவுகளிலிருந்து எழும் கோபம் மற்றும் வேதனையை விட, முன்னோடியில்லாத தொற்றுநோயை எதிர்கொள்வதன் மூலம், காலத்தின் தேவை ஒற்றுமையாகும். மேலே குறிப்பிடப்பட்டுள்ள சூழ்நிலைகளைப் பார்க்கும்போது, இந்தத் தீர்மானத்தை சபை நிராகரித்து, மூட வேண்டும் என கேட்டுக்கொள்கின்றோம்.

 

15.    புத்த பகவானின் வார்த்தைகளை மேற்கோள் காட்டி நிறைவு செய்கின்றேன்.

 

'சியலு சத்வயோ நிதுக் வெத்வாஇ நீரோகி வெத்வாஇ சுவபத் வெத்வா'.

 

எல்லா உயிரினங்களும் பாதுகாப்பாக இருக்கட்டும்இ

எல்லா உயிரினங்களும் துன்பத்திலிருந்து விடுபடட்டும்இ

எல்லா உயிரினங்களும் நன்றாகவும் மகிழ்ச்சியாகவும் இருக்கட்டும்.

எதிர்பார்ப்புகளுக்கு மத்தியில் ஜெனிவா கூட்டத்தொடர் இன்றையதினம் ஆரம்பம்

 

ஐக்கிய நாடுகளின் மனித உரிமைகள் பேரவையின் 46 ஆவது கூட்டத்தொடர் சுவிட்சர்லாந்தின் ஜெனீவா நகரில் இன்று  (22) ஆரம்பமாகவுள்ளது.

இதன்போது இலங்கைக்கு எதிரான குற்றச்சாட்டுகள் தொடர்பில் தயாரிக்கப்பட்ட விசேட தீர்மானம் சமர்ப்பிக்கப்படவுள்ளதாக தகவல்கள் வௌியாகியுள்ளன.

இலங்கை தொடர்பில் ஐக்கிய நாடுகள் சபையின் மனித உரிமைகள் பேரவையினால் நியமிக்கப்பட்ட பிரதிநிதிகள் குழுவில் பிரித்தானியா, கனடா, மொன்டிநீக்ரோ, வட மெசிடோனியா மற்றும் மலாவி ஆகிய நாடுகள் உள்ளடங்குகின்றன.

இலங்கையில் Covid – 19 தொற்றினால் உயிரிழப்போரின் உடல்களை கட்டாய தகனத்திற்கு உட்படுத்தும் கொள்கை, இலங்கைக்கு எதிராக ஐ.நா மனித உரிமைகள் பேரவையில் பிரதிநிதிகள் குழுவினால் சமர்ப்பிக்கப்படவுள்ள விடயங்களில் முதன்மையான விடயமாக குறிப்பிடப்பட்டுள்ளது.

இதனிடையே, ஐ.நா மனித உரிமைகள் ஆணையாளர் மிசெல் பெச்சலட்டினால் இலங்கை தொடர்பிலான அறிக்கையொன்று ஏற்கனவே சமர்ப்பிக்கப்பட்டுள்ளது.

அந்த அறிக்கையை நிராகரிப்பதாக இலங்கை அரசாங்கம் அறிவித்துள்ளது.

இம்முறை ஐ.நா மனித உரிமைகள் பேரவைக் கூட்டத்தொடரில் இலங்கை தொடர்பிலான விவாதம் எதிர்வரும் 24 ஆம் திகதி நடைபெறவுள்ளது.

இதன்போது வௌிவிவகார அமைச்சர் தினேஷ் குணவர்தன இணையவழியில் கூட்டத்தொடரில் உரையாற்றவுள்ளார்.

அத்துடன் வௌிவிவகார அமைச்சரின் தலைமையிலான குழுவொன்றும் இம்முறை ஐ.நா மனித உரிமைகள் பேரவையின் கூட்டத்தொடரில் கலந்துகொள்ளவுள்ளது.

குறித்த குழுவில் கல்வியமைச்சர் பேராசிரியர் ஜீ.எல். பீரிஸ், தொழில் அமைச்சர் நிமல் ஶ்ரீபால டி சில்வா, எரிசக்தி அமைச்சர் உதய கம்மன்பில, பொதுமக்கள் பாதுகாப்பு அமைச்சர் சரத் வீரசேகர, வலய ஒத்துழைப்பிற்கான இராஜாங்க அமைச்சர் தாரக பாலசூரிய ஆகியோர் அங்கம் வகிக்கின்றனர்.

ஜெனீவாவில் இன்று ஆரம்பமாகும் ஐ.நா மனித உரிமைகள் பேரவையின் கூட்டத்தொடர் அடுத்த மாதம் 23 ஆம் திகதி வரை நடைபெறவுள்ளது.

அனுசரணை நாடுகள் வெட்கித் தலைகுனிய வேண்டும்: ஐ.நா.வின் ஆரம்ப வரைபு கடும் ஏமாற்றமளிக்கிறது: - சி.வி.விக்னேஸ்வரன்

 

 ஐக்கிய நாடுகள் சபையில் இலங்கை தொடர்பாக கொண்டுவரப்பட்டுள்ள ஆரம்ப வரைபு(Zero Draft) கடும் ஏமாற்றமளிக்கிறது என தமிழ் மக்கள் தேசியக் கூட்டணியின் தலைவரும் நாடாளுமன்ற உறுப்பினருமான சி.வி.விக்னேஸ்வரன் குறிப்பிட்டுள்ளார்.

இந்த வரைபையிட்டுஇ பிரித்தானியா, கனடா, ஜேர்மனி, மொன்டிநீக்குறோ, மசிடோனியா வடக்கு ஆகிய உள்ளகக் குழு அங்கத்துவ நாடுகளின் தலைவர்கள் வெட்கித் தலைகுனிய வேண்டும் என அவர் கூறியுள்ளார்.

இவ்வார கேள்வி பதிலில், ஜெனீவா தூதுக் குழுக்களிடையே இலங்கை சம்பந்தமாக கையளிக்கப்பட்ட 'சீரோ' வரைபு குறித்து ஊடகவியலாளரால் கேட்கப்பட்ட கேள்விக்குப் பதிலளிக்கும்போதே அவர் இவ்வாறு குறிப்பிட்டுள்ளார்.

அவர் தெரிவிக்கையில், 'குறித்த முதல் வரைபானது குறைபாடு உள்ளதாகவும் ஏமாற்றம் தருவதாகவும் இருக்கின்றது. அதுவும் மனித உரிமைகள் உயர்ஸ்தானிகரின் காரியாலயத்தினதும் உயர்ஸ்தானிகர் பச்சலெட் அவர்களினதும் சிபாரிசுகளுக்குக் குறைவாகக் குறித்த வரைவு காணப்படுவது மிகவும் மன வேதனை அளிக்கின்றது.

குறித்த வரைவு 30/1 தீர்மானத்தின் படிநிலைக்குக்கூட குறைவாக இருக்கின்றது. அந்தத் தீர்மானமும் அதனுடைய குறைபாடுகளால்தான் தோல்வியடைந்தது.

தமிழ் மக்களுக்குத் தேவையானதும் சர்வதேச சமூகம் எதிர்பார்ப்பதுமான குறிக்கோள்கள் சம்பந்தமாகப் பார்க்கும்போது இவ்வாறான ஒரு வரைபு இலங்கை அரசாங்கத்திற்கு முரணான ஒரு கருத்தைக் கொண்டு செல்வதாக அமைகின்றது. தாமதம் அடையும் நீதி மறுக்கப்பட்ட நீதியாகும். ஏற்கனவே, ஆறு வருடங்கள் சென்றுவிட்டன. இலங்கை அரசாங்கம், தான் செய்வதாகக் கூறியவற்றில் எதனையும் மனமுவந்து செய்யவில்லை.

இலங்கைக்கான ஐக்கிய நாடுகள் மனித உரிமைப் பேரவையின் உள்ளகக் குழுவானது வெகுஜன கொலையாளிகளையும் கற்பழிப்பாளர்களையும் பாதுகாக்கும் வண்ணம் இவ்வாறான ஒரு வரைபைத் தயாரித்தமை மன வேதனையையும் அதிர்ச்சியையும் அளிக்கின்றது. இலங்கை அரசாங்கத் தலைவர்கள் இதுகண்டு விருந்துகளிலும் களியாட்டங்களிலும் ஈடுபடுவார்கள்.

இவ்வாறான வரைபானது போர்க் குற்றங்களையும் மனிதத்திற்கு எதிரான குற்றங்களையும் இனப் படுகொலைகளையும் எந்தவிதப் பயமும் இன்றி இயற்றலாம் என்ற ஒரு கருத்தை உலகளாவிய அரசாங்கங்களுக்குக் கொடுப்பதாக அமையும். மனித உரிமைகள் சம்பந்தமாகவும் அடிப்படை நன்னடத்தை சம்பந்தமாகவும் கவனம் செலுத்தும் யாவருக்கும் இவ்வாறான ஒரு வரைபு மன வேதனையை அளிக்கும்.

பிரித்தானியா, கனடா, ஜேர்மனி, மொன்டிநீக்குறோ,  வடக்கு மசிடோனியா ஆகிய உள்ளகக் குழு அங்கத்துவ நாடுகளின் தலைவர்கள் வெட்கித் தலைகுனிய வேண்டும். இவ்வாறான வரைவுகள் ஐக்கிய நாடுகளின் வருங்காலத்திற்கு நன்மை பயக்காது என்பதை நாம் உணர வேண்டும்.

அதேநேரம், இலங்கையின் வடக்கு கிழக்கில் இருந்தும் உலக நாடுகளில் இருந்தும் நடைபெற்ற பொத்துவில் முதல் பொலிகண்டி வரையான பேரணி, தமிழ் மக்களிடையே மதிப்பு மிக்க அரசியல் தீர்வொன்றைக் கொண்டுவர வேண்டும் என்பதில் புது வேகத்தையும் ஐக்கியத்தையும் வெளிப்படுத்தியுள்ளதைக் காண்கிறோம்.

புதியதொரு தீர்மானமானது பாதிக்கப்பட்ட தமிழ் மக்களையும் அவர்களுடைய பாதுகாப்பையும் நலவுரித்துக்களையும் அவர்களின் வருங்கால எதிர்பார்ப்புக்களையும் காப்பாற்றுவதாக அமைய வேண்டும். தமிழ் தலைவர்கள் என்று கூறுவோர் சிலர் உறுப்பு நாடுகளிடம் சென்று எங்கள் பிரச்சினைகளைக் குறைத்துக் கூறினார்களோ தெரியவில்லை.

இலங்கை பற்றிய நடவடிக்கையானது இன்று ஐ.நா. பேரவையை ஒரு தராசில் தடுமாறிக் கொண்டிருக்க வைத்துள்ளது' என்று குறிப்பிட்டுள்ளார்.

சாட்சிகளை பாதுகாக்க மனித உரிமை ஆணையாளர் நடவடிக்கை அவசியம்- வெளியானது புதிய தீர்மான Zero draft விபரம்

 

போர்க்காலத்தில் இழைக்கப்பட்டதாக கூறப்படும் போர்க்குற்றங்கள் மற்றும் பாரதூரமான மனித உரிமை மீறல்கள் தொடர்பான சாட்சிகளை ஒருங்கிணைப்பதற்கும் பாதுகாப்பதற்கும்  மனித உரிமைப் பேரவையைக் கோருவதென்ற யோசனை ஜெனிவாவில் கொண்டுவரப்படவுள்ள இலங்கை தொடர்பான புதிய தீர்மானத்தின் ஆரம்ப வரைவில் (Zero draft)சேர்த்துக்கொள்ளப்பட்டுள்ளது. 

எதிர்காலத்தில் இலங்கை விடயத்தில் தொடரப்படவுள்ள வழக்கு விசாரணைகளுக்கு தயார்ப்படுத்தும் வகையிலேயே இந்த நடவடிக்கைக்கு கோரப்பட்டுள்ளமை குறிப்பிடத்தக்கது. 

Zero draft என்பது கொண்டுவரப்படவுள்ள புதிய தீர்மானத்தின் உள்ளடக்கத்திற்கு அடிப்படையாக அமைகின்ற ஆவணமாகும்.இறுதித் தீர்மானம் எடுக்கப்படமுன்பாக இதில்  முதல் வரைபு இரண்டாம் வரைபு என பல மாற்றங்கள் மேற்கொள்ளப்படுவது வழமை என ஐநாவைப் பற்றிய அறிவுள்ள ஆய்வாளர் ஒருவர் சுட்டிக்காட்டினார். 

இலங்கையில் இடம்பெற்றதாகக் கூறப்படும் போர்க்குற்றங்கள் மற்றும் பாரதூரமான மனித உரிமை மீறல்கள் தொடர்பான சாட்சிகளை ஒருங்கிணைக்கவும் பாதுகாத்துப் பேணவும் சிரியாவில் அமைக்கப்பட்டது போன்ற பக்கச்சார்பற்ற சுயாதீனமான சர்வதேசப் பொறிமுறையை  இலங்கையில் ஐநா மனித உரிமைகள் பேரவை அமைக்க வேண்டும் என  மனித உரிமை  அமைப்புக்கள் கோரியுள்ளன.

உள்நாட்டுப் பொறிமுறையினூடாக பொறுப்புக்கூறலை நிலைநாட்டுவதில் இலங்கையில் தொடர்ச்சியாக போதிய ஆர்வம் காணப்படவில்லை  என இந்த ஆரம்ப வரைபில் சுட்டிக்காட்டப்பட்டுள்ளதுடன் முன்னர் அமைக்கப்பட்ட ஆணைக்குழுக்கள் மனித உரிமை விடயத்தில் செயற்பட்டவிதம் தொடர்பாக ஆராய்வதற்காக ஜனாதிபதி கோட்டாபய ராஜபக்ஸவால் அமைக்கப்பட்டுள்ள புதிய ஆணைக்குழு போதிய சுயாதீனத்தன்மையைக் கொண்டிருக்க வில்லை எனவும் குறிப்பிடப்பட்டுள்ளது. 

  ஐநா மனித உரிமைகள் பேரவை சாட்சிகளைப் பாதுகாப்பதற்கான பொறிமுறையை ஏற்படுத்த வேண்டும் என ஆரம்ப தீர்மான வரைபில் தெரிவிக்கப்பட்டுள்ளமைக்கு  இலங்கை அரசாங்கம்,வலுவான எதிர்ப்பை பதிவுசெய்யும் என Daily FT பத்திரிகை சுட்டிக்காட்டியுள்ளது.  அத்தோடு 13வது திருத்தம் தொடர்பாக குறிப்பிடப்பட்டுள்ளமையையும் நீக்க வேண்டும் என இலங்கை அரசாங்கம் கோரும் என அறியமுடிவதாகவும் அச்செய்தியில் மேலும் தெரிவிக்கப்பட்டுள்ளது.  . 

Daily FTயில் வெளியான செய்தி இதோ:

Zero draft of SL resolution calls for OHCHR to ‘consolidate and preserve’ war-time abuse evidence

• Govt. will oppose call for OHCHR to preserve evidence, wants removal of 13A reference
• Activists call early draft “weak” and disappointing
• Draft likely to be revised significantly before vote in March

---

An early draft of the UN Human Rights Council resolution on Sri Lanka has called on the Office of the High Commissioner for Human Rights to preserve and analyse evidence on alleged war-time abuses in preparation for future trials.

A ‘zero draft’ of the UNHRC resolution on Sri Lanka, which is subject to revision, calls on High Commissioner Michelle Bachelet’s office to “consolidate, analyse and preserve” evidence.

The OHCHR evidence reservation mechanism is the most salient feature of the draft resolution in its current form, even as fears mount locally and internationally that evidence gathered in cases identified as ‘emblematic’ by the UN could be compromised or lost. 

Human rights organisations have called for a Syria-style International, Impartial and Independent Mechanism to be set up on Sri Lanka by the Human Rights Council to preserve and gather evidence on alleged war crimes and violations.

The draft resolution noted the persistent lack of accountability through domestic mechanisms and said the new Commission of Inquiry set up by President Gotabaya Rajapaksa to go into the findings of commissions previously set up to study human rights issues as lacking in independence.

Daily FT learns that the Government will object strongly to the OHCHR evidence preservation mechanism in the draft resolution. Sri Lanka is also objecting to the reference to the 13th Amendment in the UNHRC draft resolution currently in circulation, Daily FT learns.

Senior Government Ministers have called for the provincial council system set up by the 13th Amendment to be scrapped, a move likely to irk New Delhi.

The draft resolution calls on Bachelet’s office to provide a written report on Sri Lanka’s compliance with the resolution by March 2022, with a comprehensive report due in September 2022, when the resolution will come up for review.

Despite a damning report by High Commissioner Bachelet calling for decisive international action to prevent a human rights disaster in Sri Lanka, the current draft resolution falls far short of her recommendations, activists said. 

“The draft resolution is fundamentally weak and extremely disappointing,” Attorney-at-Law and former Senior Law Lecturer at the Jaffna University Dr. Kumaravadivel Guruparan told Tamil Guardian.

“The Core Group has not taken the recommendations of the High Commissioner seriously and has ignored calls from victims for decisive action,” he added.

This week, a group of 20 eminent persons, including former UN High Commissioners on Human Rights, experts and former heads of state, called for action from the UN Human Rights Council on Sri Lanka. “The international community failed Sri Lanka in 2009,” the open letter to the Council said. “We cannot fail again.”

காணாமற்போனவர்களுக்கு நீதி கோரி உறவினர்கள் தீச்சட்டி போராட்டம்

 

காணாமற்போன தமது உறவுகளுக்கு நீதி கோரி வடக்கு, கிழக்கு வலிந்து காணாமல் ஆக்கப்பட்டவர்களின் உறவினர்களால் இன்று தீச்சட்டி போராட்டம் முன்னெடுக்கப்பட்டது.

பேராட்டத்தில் ஈடுபட்டவர்கள் கறுப்பு நிற ஆடைகளை அணிந்தவாறு போராட்டத்தில் கலந்துகொண்டனர்.

கிளிநொச்சி பிள்ளையார் ஆலய முன்றலில் ஆரம்பமாகிய போராட்டம் A9 வீதி ஊடாக கிளிநொச்சி கந்தசுவாமி ஆலயம் வரை சென்றடைந்தது

வடக்கு, கிழக்கு வலிந்து காணாமல் ஆக்கப்பட்டவர்களின் உறவினர்கள் கிளிநொச்சி மாவட்டத்தில் தொடர் சுழற்சி முறை கவனயீர்ப்பு போராட்டத்தை ஆரம்பித்து இன்றுடன் நான்கு ஆண்டுகள் நிறைவடைகின்ற நிலையில், இந்தப் போராட்டம் முன்னெடுக்கப்பட்டது.

இலங்கையில் நலிந்து வரும் மனித உரிமைகளை சர்வதேச சமூகம் புறக்கணிக்கக் கூடாது-மன்னிப்புச்சபை வேண்டுகோள்

 இலங்கையில் நலிந்து வரும் மனித உரிமைகளை சர்வதேச சமூகம் புறக்கணிக்கக் கூடாது. தண்டனையிலிருந்து விலகும் சுழற்சித் தொடரை முடிவிற்குக் கொண்டுவந்து, இலங்கை அரசாங்கத்தை முழுமையாக பொறுப்புக்கூற வைத்திருப்பதற்கு மனித உரிமை சபை நடவடிக்கைகள் எடுக்க வேண்டும் என சர்வதேச மன்னிப்புச்சபை ( அம்னஸ்டி இன்டர்நஷனல்) கோரிக்கை விடுத்துள்ளது. 

இலங்கை அரசாங்கம் மாற்றுக்கருத்துக்களைக் கொண்டவர்களின் குரல்வளைகளை நசுக்கிவருவதுடன் வரலாற்று ரீதியான குற்றங்களுக்கான நீதியைப் பெறுவதற்கு தடங்கல்களை ஏற்படுத்திவருவதாக சர்வதேச மன்னிப்புச்சபை சுட்டிக்காட்டியுள்ளது. 

'புதியஆடையில் உள்ள பழைய பிசாசு: அச்சத்திற்கு மீண்டும் திரும்பிய இலங்கை'  என்ற தலைப்பில் இன்று வெளியிட்டுள்ள அறிக்கையிலேயே இவ்வாறு சுட்டிக்காட்டப்பட்டுள்ளது. அந்த அறிக்கையின் முழுமையான விபரம் பின்வருமாறு:

மாற்றுக்கருத்துக்களைக் கொண்டவர்கள் மீது மறுப்புரை மீது இலங்கை அரசாங்கத்தால் ஆரம்பிக்கப்பட்டுள்ள புதுபிக்கப்பட்ட கடும் நடவடிக்கையானது சிவில் சமூக சுதந்திரத்தை வன்மையாக கட்டுப்படுத்துகின்றது. அத்தோடு, சர்வதேச சட்டத்தின் கீழ்,  முரண்பாடு காலக்கட்டத்தில் நடைபெற்ற குற்றங்களுக்கான நீதியை பெறும் முயிற்சிகளையும் தடை செய்கின்றது என சர்வதேச மன்னிப்புச்சபை இன்று வெளியிடப்பட்ட புது அறிக்கை ஒன்றில் கூறுகின்றது.

அறிக்கை 'புதியஆடையில் உள்ள பழைய பிசாசு: அச்சத்திற்கு மீண்டும் திரும்பிய இலங்கை' ஆனது,  30 வருட ஆயுத போராட்டத்தில் நாட்டில்  நடைபெற்ற குற்றங்களுக்கு எதிராக இடைக்கால நீதி செயல்முறைகளை தடைசெய்யவும் அக் குற்றங்களுக்கு எதிராக குரல் கொடுப்போரை அடக்குவதற்கும் நடாத்தப்பாட்ட ஒருங்கிணைந்த முயற்சிகளில் இலங்கை அரசாங்கம் மனித உரிமை அமைப்புகள், ஊடகங்கள், சட்டத்தரணிகள், அரசியல் எதிர்ப்பாளர்கள் மற்றும் சட்டத்தை அமலாக்கும் அலுவலர்களை எவ்வாறு இலக்கு வைத்தது என்பதை வெளிப்படுத்துகின்றது.

'கடந்த வருடகாலத்தில், இலங்கை அரசாங்கம் நாட்டின் சிவில் பரப்பை தீவிரமாக மாற்றியமைத்துள்ளது. இது தற்போது கருத்து வேறுபாடு/ மறுப்புரை தெரிவிக்கும் குரல்கள் நோக்கி அதிகரித்து வரும் விரோதம் மற்றும் சகிப்பற்றத்தன்மையால் வரையறுக்கப்படுகின்றது' என சர்வதேச மன்னிப்புச்சபையின்  செயலாளர் நாயகத்தின் பணிப்பாளர் டேவிட் க்ரிஃபித்இஇ  கூறினார். 

'வெறுமனே,  அதிகாரிகளை அதிருப்திபடுத்தும் செயல்களில் ஈடுபடுதல் அல்லது கருத்துக்களை தெரிவித்தல் போன்ற காரணங்களால், எல்லா மட்டங்களிலும் உள்ள மக்கள் அச்சுறுத்தப்பட்டு, மிரட்டல்களுக்கு உள்ளாக்கப்பட்டு, துஷ்பிரயோகத்திற்கு உள்ளாக்கப்பட்டு மற்றும் சிறையில் அடைக்கப்பட்டிருக்கின்றார்கள். மறுப்புறைக்கு எதிரான பிரச்சாரத்தை இலங்கை அரசாங்கம் துண்டிக்க வேண்டும். அத்துடன், கருத்து தெரிவிக்கும் சுதந்திரம், அமைதியான முறையில் ஒன்றுகூடுதல் மற்றும் ஒருங்கு சேர்வதற்கான சுதந்திரம், தனிப்பட்ட பாதுகாப்பிற்கான உரிமை மற்றும் ஆதாரமின்றி தன்னிச்சை தடுப்புக்காவலில் வைப்பதிலிருந்து சுதந்திரம் ஆகிய சர்வதேச சட்டத்தின் கீழுள்ள கடமைகளை மதிக்க வேண்டும்.'

மாசி மாதம் 2020 இல் ஐ.நா மனித உரிமை சபையிலிருந்து அணுகப்பட்ட முரண்பாட்டுக்கால குற்றங்களுக்கான நீதி மற்றும் நல்லிணக்க செயல்முறைகளில் விலகியதிலிருந்து, நீதியை அணுகுவோருக்கு எதிராக கடும் நடவடிக்கை எடுப்பதுடன், நீதி மற்றும் பொறுப்புக்கூறும் தன்மையை உறுதிப்படுத்தும் முயற்சிகளை தடைசெய்யும் நோக்கத்துடன் அதிகாரிகள் செயல்படுகின்றார்கள்.

22 மாசி மாதம் வரை 23 பங்குனி மாதம் சந்திக்கும் போது, கடந்த மாதம் மனித உரிமைகளுக்காக ஐ.நா உயர் ஆணையாளரால் வெளியிடப்பட்ட, இலங்கை மீதான பாதகாமான அறிக்கையில் உள்ள பரிந்துரைப்புகளை அமுல்படுத்துமாறு அம்னஸ்ரி இன்ரனஷனல் ஐ.நா மனித உரிமை சபைக்கு தெரிவிக்கின்றது.

'நீதி மற்றும் பொறுப்புக்கூறலுக்கு எதிராக அரசாங்கம் எடுக்கும் தீவிரமான நடவடிக்கைகளால்   இலங்கையில் நலிந்து வரும் மனித உரிமைகளை சர்வதேச சமூகம் புறக்கணிக்கக் கூடாது. தண்டனையிலிருந்து விலகும் சுழற்சித் தொடரை முடிவிற்குக் கொண்டுவந்து, இலங்கை அரசாங்கத்தை முழுமையாக பொறுப்புக்கூற வைத்திருப்பதற்கு மனித உரிமை சபை நடவடிக்கைகள் எடுக்க வேண்டும். அத்துடன், சர்வதேசத்தால் ஏற்றுக்கொள்ளப்படும் புதிய நீதி முறைகளும் ஆரம்பிக்கப்பட வேண்டும்.' என டேவிட் க்ரிஃபித் கூறினார்.

                                நீதி மற்றும் பொறுப்புக்கூறல்

மனித உரிமை மீறல்கள் மற்றும் துஷ்பிரயோகங்கள், மற்றும் பாதிக்கப்பட்டவர்களுக்கு சார்பாக பரிந்துரைப்பு செய்வதில் விசாரணையை மேற்கொள்ளுதல், ஆவணப்படுத்தல், வழக்குத்தொடுத்தல் அல்லது அறிக்கையிடுதல் போன்றவற்றில்  பங்கு வகித்தோரை இலக்குவைக்கும் செயல்வடிவத்தை அம்னஸ்ரி இன்ரனஷனலின் கண்டுபிடிப்புகள் வெளிப்படுத்துகின்றன. இதில், குறைந்தபட்சம் 6 தடவைகள் வழக்கறிஞர்களை இலக்குவைத்த சம்பவங்கள் அடங்கும்.

ஹிஜாஸ் ஹிஸ்புல்லா, சிறுபான்மையின உரிமைகளுக்கான பரிந்துரையாளர் மற்றும் முக்கியத்துவம்வாய்ந்த சட்டத்தரணிக்கு எதிராக இலங்கையின் கடுமையான தீவிரவாதத்தை தடுக்கும் சட்டம் உட்பட ஏனைய சட்டங்கள் பயன்படுத்தப்பட்டன.  ஒருவித குற்றமிழைத்ததற்கான ஆதாரம் நீதிமன்றத்தில் சமர்பிக்கப்படாமல் இவர் 10 மாத காலமாக தடுப்புக்காவலில் வைக்கப்பட்டிருக்கின்றார்.

வலிந்து காணாமல் ஆக்கப்பட்ட வழக்கில்காணாமல் போனவர்களின் குடும்பங்கள் சார்பாக அமுலாகிய சட்டத்தரணி அசலா செனவிரத்ன, சமூக ஊடகம் மற்றும் வழக்கில் குற்றம் சாட்டப்பட்ட அதிகாரிகளால்இ வன்முறை மற்றும் பாலியல் ரீதியான துஷ்பிரயோகம் போன்றவற்றால் அச்சுறுத்தப்பட்டார்.

சர்வதேச சட்டத்திற்கு எதிராக புரிந்த குற்றங்களுக்கான நீதியை நாடும் குற்ற விசாரணையாளர்களும் கண்காணிப்பிற்கு உள்ளாகின்றார்கள். குற்ற விசாரணையின் முன் பணியாளர் பதவியிறக்கம் செய்யப்பட்டு பின்பு ஆதாரங்களை உருவாக்கிய வழக்கின் கீழ் குற்றஞ்சாட்டப்பட்டுள்ளார். தற்போதும் அவர் சிறைகாவலில் உள்ளதோடு, ஆயுதப்படையினர்களால் இழைக்கப்பட்ட துஷ்பிரயோக குற்றச்சாட்டில் விசாரணைகளை முன்னெடுத்ததன் காரணமாக எதிரீட்டு நடவடிக்கையாக பழிவாங்கப்படுகின்றார் என்று நம்புகின்றார்.

மனித உரிமைகள் மற்றும் மனிதாபிமான சட்டங்களை மீறிய குற்றச் சாட்டுகள் பரவி வரும் நிலையில், யுத்தத்தின் இறுதி கட்டத்தில் தலைமையில் இருந்த இராணுவ தலைமை உறுப்பினர்களுக்கு புதிய நிர்வாகத்தின் கீழ் பதவி உயர்வு மற்றும் சிவில் வகிநிலைகள் உட்பட அதிகார வகிநிலைகள் வழங்கப்படுகின்றது. நியாயத்தை கோரும் பாதிக்கப்பட்ட மக்கள் மீது இது பயங்கரமான விளைவை கொண்டிருந்தது.

அரசாங்கத்தால் கொண்டுவரப்பட்ட சட்டப்பூர்வமான திருத்தங்கள் ஆகியன, நீதியை பெறக்கூடிய நம்பகத்தன்மை உள்ள உள்ளூர் வழிமுறைகளை எவ்வாறு வலு குறைவடையச் செய்தது என்பதை இவ் அறிக்கை குறிப்பிடுகின்றது. மேலும், ஜனாதிபதியால் நியமிக்கப்பட்ட விசாரணை ஆணைக்குழுக்கள், எவ்வாறு மனித உரிமை மீறல் குற்றவாளிகளுக்கான பொறுப்புக்கூறலை மாற்றியமைக்க முயிற்சிக்கின்றது என்பதையும் இவ் அறிக்கை குறிப்பிடுகின்றது.

                            குடியுரிமை இடம் மீதான தாக்குதல்

மறுப்புக்கூறலை தடுப்பதற்கு புதிய கருவிகளையும் செயல்முறைகளையும் அறிமுகப்படுத்துவதில் இலங்கை அரசாங்கம் நேரத்தை வீணடிக்கவில்லை

அரச சார்பற்ற நிறுவனங்கள் மற்றும் மனித உரிமை அமைப்புகளுக்கு எதிராக கரி பூசும் பிரச்சாரத்தை அரசு நபர்கள் முன்னெடுத்த அதேவேளையில் மனித உரிமை மீறல்களை வெளிப்படுத்திய பின் ஊடகவியலாளர்கள்மரண அச்சுறுத்தல்கள் பெற்றதோடு புலனாய்வு மற்றும் விசாரணைக்களுக்கு அழைக்கப்பட்டனர். 

மனித உரிமை அரச சார்பற்ற அமைப்புகளின் அலுவலகங்களுக்கு அரசு பாதுகாப்பு அதிகாரிகளின் வருகை கடந்த பதினான்கு மாத காலமாக அதிகரித்து வருகின்றது. அக் காலக் கட்டத்தில் அத்தகைய 18 வருகைகளை அம்னஸ்ரி இன்ரனஷனலின் பதிவு செய்துள்ளது. வருகையின் போது, அதிகரிகள் பதிவு விவரங்கள், ஊழியர்கள் மற்றும் நன்கொடையாளரின் வங்கி விவர்ங்கள் பற்றி விசாரித்தனர். சில ஊழியர்களின் தனிப்பட்ட வகிவிடத்திலும் அவ் அதிகாரிகள் வருகைதந்திருந்தனர். 

குடியியல் மற்றும் அரசியல் உரிமைகள் மீதான சர்வதேச உடன்பாட்டொழுங்கு (ICCPR) சட்டம் உட்பட, பேச்சு சுதந்திரத்தை மட்டுப்படுத்துவதற்கு சட்டங்கள் தவறாக பயன்படுத்தப்படுகின்றது. முன் குறிப்பிடப்பட்ட சட்டமானது ரம்ஸி ரஸீக் அவர்களை கைதுசெய்து குற்றஞ்சாட்டப்படாத நிலையிலும் வழக்கறிஞ்சரை முறையே அணுகவிடாத நிலையிலும் ஐந்து மாத காலத்திற்கும் மேலாக தடுப்பில் வைத்திருக்க பயன்படுத்தப்பட்டது. இவர் முகப்புத்தகத்தில் கோவிட்-19 ஆல் இவர்களின் கட்டாயத் தகனத்திற்கு எதிராக கண்டனம் தெரிவித்தமைக்காக, பேனா மற்றும் விசைப்பலைகையை ஆயுதமாக பயன்படுத்தி கருத்தியல் போரட்டத்திற்கு அழைப்புவிட்டார் என்ற ரீதியால் கைது செய்யப்பட்டு தடுப்புக்காவலில் உள்ளார்.

21 ஆம் திகதி தை மாதம் 2021 இல் வெளியிடப்பட்ட மனித உரிமைக்கான உயர் ஆணையாளர் அலுவலக அறிக்கை பதிவிறக்கத்திற்கு இங்கு காணப்படும். 22 ஆம் திகதி மாசி மாதம் தொடக்கம் 23 ஆம் திகதி பங்குனி மாதம் வரை மனித உரிமை சபை தனது 46ஆவது அமர்வில் சந்திக்கும். இதன் போது, கனடா, ஜெர்மனி, மொன்டநீக்ரொ,வடக்கு மசதோனியா மற்றும் ஐக்கிய இரச்சியம்- இலங்கை மீது தலைமைதாங்கும் தற்போதைய முதன்மை குழுவில் அடங்கும் நாடுகள்- மனித உரிமைக்கான உயர் ஆணையாளர் அலுவலக அறிக்கையைத் பின்தொடரும் பிரகடனத்தை அறிமுகப்படுத்த எதிர்பார்க்கப்படுகின்றது. 

தை மாதம் 2021 ஆம் ஆண்டு அம்னஸ்ரி இன்ரனஷனல் வெளியிட்ட இலங்கையில் உள்ள நிலைப்பாட்டின் மதிப்பீடு அறிக்கையில், மனித உரிமை ஆணைக்குழு நடவடிக்கைகளுக்கான எதிர்பார்ப்புகளை தெளிவாக குறிப்பிட்டுள்ளது.