அழிவை நோக்கிச் செல்லும் உலகில் நமது வகிபாகமென்ன?

இன்று உலக சுற்றாடல் தினம்

விடைபெற்ற 2010ம் ஆண்டு என்றுமில்லாத வகையில் உலகம் காட்டுமிராட்டித்தனம் நிறைந்ததாக போய்விட்டதற்கு சான்றுபகர்கின்றதென்றால் மனிதராகிய எம்மத்தியில் சந்தேகம் தோன்றுவதற்கு பதிலாக சங்கடம் தோன்றுவதற்குத்தான் இடமுண்டு

ஏனென்றால் ஐந்தறிவு மிருகங்களில் இருந்து மனிதர்களை வேறுபடுத்திய முக்கிய காரணிகளிலொன்றான மனிதாபிமானம் தொலைந்து மனிதர்கள் மனிதத்தன்மையை வேகமாக இல்லாதொழித்துக்கொண்டிருப்பது ஒருபுறம் நடக்க இயற்கையும் தன் கோரமுகத்தைக் காண்பித்து ருத்ரதாண்டவம் ஆடிக்கொண்டிருப்பதே இதற்கு காரணமாகும்.

 இயற்கையின் சீற்றத்திற்கும் மனிதர்களின் நடவடிக்கைகளே மூலகாரணமாக இருப்பது நிருபணமாகியிருப்பதே சங்கடத்திற்கு வழிகோலுகின்றது

இன்றைய நிலையில் நாடுகள் தமது பொருளாதாரத்தை வளப்படுத்திக்கொள்வதற்காக மனிதர்களைக் காவுகொடுக்கவே தயங்காத நிலையில் இயற்கையின் கதியை எண்ணினால் கவலைகொள்வதைத்தவிர வேறுவழியில்லை

ஆனால் இயற்கையை மனிதன் தன்செயற்பாடுகளால் அழிக்க முனையும் போது மனிதர்களது வேகத்திற்கு மேலாக பன்மடங்கு அசூரத்தனமாக இயற்கை பதிலடி கொடுத்துவருவதற்கு ஆதாரம் தேடுவதற்கு வரலாற்றில் நாம் பலவருடகாலத்திற்கு பின்னோக்கி பயணிக்க வேண்டியதில்லை

எம்மிடமிருந்து அண்மையில் விடைபெற்ற 2010ம் ஆண்டிலேயே இதற்கான பதிலைத் தேடிவிடமுடியும்

பூமி அதிர்ச்சிகள்- வெப்ப கதிர்வீச்சுக்கள் -வெள்ள அனர்த்தங்கள் -எரிமலை சீற்றங்கள்- அசூர சுறாவளிகள் -கடும்பனிப்புயல் -நிலச்சரிவுகள் -வரட்சிகள் என இயற்கையின் கோரத்தாண்டவத்தில் 2010ம் ஆண்டில் ஆகக்குறைந்தது 5லட்சம் மக்கள் கொல்லப்பட்டதான உறுதிப்படுத்தப்பட்ட சான்றுகள் வெளியாகியுள்ளன.

கடந்த ஒருதசாப்ததிற்கு மேலான காலப்பகுதியில் கடந்தாண்டே மிகவும் பயங்கரமான ஆண்டாக அமைந்ததுடன் கடந்த 40வருடங்களில் இடம்பெற்ற பயங்கரவாத நடவடிக்கைகளில் கொல்லப்பட்ட மக்களின் ஒட்டுமொத்த தொகையிலும் பார்க்க அதிமான மக்கள் 2010ம் ஆண்டிலே இயற்கை அனர்த்தத்தினால் கொல்லப்பட்டுள்ளதாக அதிர்ச்சிகரமான தகவல் வெளியாகியுள்ளது

இயற்கை அனர்த்தங்கள் எதிர்பாராத வகையில் நிகழும் போதிலும் அதனால் ஏற்படும் மோசமான அழிவுகளுக்கு அனேக சந்தர்ப்பங்களில் மனிதர்களையே குறைகூறவேண்டும் என விஞ்ஞானிகளும் அனர்த்த நிபுணர்களும் சுட்டிக்காட்டுகின்றனர்

இதற்கு உதாரணமாக ஹெய்டி மற்றும் சிலி ஆகிய நாடுகளில் கடந்தாண்டு இடம்பெற்ற பூகம்பங்கள் ஒப்புநோக்கப்படுகின்றன

ஹெய்டியில் கடந்தாண்டு ஜனவரி மாதத்தில் இடம்பெற்ற பூகம்பத்தில் இரண்டு லட்சத்து 20 ஆயிரத்திற்கும் அதிகமமானவர்கள் கொல்லப்பட்டனர் .ஆனால் அதைவிடவும் அளவில் 500 மடங்கிற்கும் அதிகமான பெரிய பூகம்பம் சிலியில் இடம்பெற்றபோது அதில் 1000ற்கும் குறைவானவர்களே கொல்லப்பட்டிருந்தனர் .

ஹெய்டியில் திட்டமிடப்படாத வகையில் அமைந்திருந்த அடர்த்திமிக்க மக்கள் குடியிருப்புக்களும் மிகவும் மோசமான முறையில் நிர்மாணிக்கப்பட்டிருந்த கட்டிடங்களும் குடியிருப்புகளுமே ஹெய்டியின் பயங்கர அழிவுகளுக்கு வித்திட்டதாக சுட்டிக்காட்டப்படும் அதேவேளையில் சிலியில் மக்கள் தொகை அடர்த்தி குறைவாக காணப்பட்டமையும் பாதுகாப்பான முறையில் நேர்த்தியாக அமைக்கப்பட்டிருந்த கட்டிடங்களுமே மிகக்குறைவான இழப்புக்களுக்கு காரணமென விஞ்ஞானிகளும் அனர்த்த நிபுணர்களும் குறிப்பிடுகின்றனர்.

பொருளாதார வளர்ச்சி என்பதையே மையமாகக்கொண்ட மனிதர்களின் கட்டற்ற வேட்கையின் விளைவால் உருவான பூகோள வெப்பமயமாதல் காரணமாக பூமியின் காலநிலை வழமையிலும் பார்க்க முரணானதாக மாறிக்கொண்டிருப்பதாக பூகோள விஞ்ஞானிகள் தெரிவித்துள்ளனர் இதனால் கடுமையான காலநிலை மாற்றங்கள் கடந்தாண்டில் பதிவுசெய்யப்பட்டன. இதில் வெப்பக்கதிர்வீச்சு மற்றும் வெள்ளப்பெருக்கு என்பவை குறிப்பிடத்தக்கது

கடந்தாண்டு கோடைகாலத்தில் ரஷ்யாவில் ஏற்பட்ட கடுமையான வெப்பக்கதிர்வீச்சில் நூற்றுக்கணக்கானவர்கள் கொல்லப்பட்டனர் .ரஷ்யாவில் ஏற்பட்ட வெப்பக்கதிர்வீச்சு 111 டிக்கிரி வெப்பம் கொண்டதெனவும் இது ரஷ்யாவின் வரலாற்றில் மிகமோசமானதென்பதுடன் நூறாயிரம் ஆண்டுகளுக்கு ஒருதடவையே இவ்வாறான அசாதாரணமான வெப்பக்கதிர்வீச்சு நிகழ்வதாக வரலாற்றுச்சான்றுகள் குறிப்பிடுகின்றன ஆனால் பூகோள வெப்பமயமாதல் காரணமாக இப்படியான நிகழ்வுகள் அடிக்கடி இடம்பெறும் நிகழ்வுகளாக மாறியிருப்பது கவலைக்கிடமானது .

இது மட்டுமன்றி 18 நாடுகளில் கடந்தாண்டிலேயே அந்நாடுகளின் வரலாற்றில் வெப்பமான நாட்கள் பதிவாகியிருக்கின்றன. கடந்தாண்டில் ஏற்பட்ட தனியொரு வெப்பக்கதிர்வீச்சுபுயல்காரணமாக 17000 பேர் வரையில் கொல்லப்பட்டிருந்தனர் .

இந்த எண்ணிக்கையானவர் கடந்த 15 ஆண்டுகாலத்தில் உலகில் நிகழ்ந்த ஒட்டுமொத்த விமானவிபத்துக்களில் கொல்லப்பட்டவர்களின் எண்ணிக்கையைவிடவும் அதிகமென சுட்டிக்காட்டப்படுகின்றது. கடந்தாண்டு ஒரு பக்கம் வெப்பக்கதிர்வீச்சென்றால் மறுபக்கம் பாகிஸ்தானில் இடம்பெற்ற வரலாறுகாணாத வெள்ளப்பெருக்கில் 62000 சதுர மைல்கள் பிரதேசம் மனிதர்கள் பிரவேசிக்கமுடியாதவாறு வெள்ளத்தால் துண்டாடப்பட்டன .இலஙகையின பரப்பளவைவிடவும் இரண்டுமடங்கிற்கு அதிகமான பிரதேசம் பாகிஸ்தானில் வெள்ளத்தால் துண்டாப்பட்டதென்றால் வெள்ளத்தின்
பரிமாணத்தை விளங்கிக்கொள்ளமுடியும் .


மனிதர்கள் ஏற்படுத்தும் அழிவுகளால் இயற்கை சீற்றமெடுத்த மேற்குறிப்பிட்ட நிகழ்வுகள் எமது நாட்டிற்கு வெளியில் இடம்பெற்றவை என்பதால் அவற்றின் தாக்கங்களை விளங்கிக்கொள்ளமுடியாதவர்கள் கடந்தாண்டு நவம்பர் மாதம் 10ம் திகதி இரவுமுதல் அதிகாலை வரையில் கொழும்பில் பெய்த கடும் மழைவீழ்ச்சியையும் அதனால் ஏற்பட்ட விளைவுகளையும் எண்ணிப்பார்த்தால் காத்திருக்கும் அபாயத்தின் பயங்கரம் புரிந்துவிடும்

ஒருநாள் பெய்த மழையிலேயே பாராளுமன்றம் உட்பட தலைநகரின் பலபகுதிகள் மூழ்கிவிட்டதென்றால் பாகிஸ்தானில் போன்று தொடர்ச்சியாக வாரக்கணக்கில் மழைபெய்தால் நிலைமை எவ்வாறு இருக்கும் என்பது புலனாகிவிடும்



தனிமனிதர்களாகிய நாம் பொலித்தின் பாவனையை குறைத்தல் .வீடுகளிலும் நாம் வாழும் சூழலிலுமுள்ள கழிவுநீர் வழிந்தோடும் பகுதிகளை நேர்த்தியாக வைத்திருந்தல் போன்ற சிறிய செயற்பாடுகளுடாகவே சுற்றாடலை சிறப்பாக வைத்திருப்பதற்கு பங்களிக்கமுடியும் .

உலக சுற்றாடல் தினமாகிய இன்றைய நாளில் நாம் வாழும் இந்த உலகம் மனிதர்களின் செயற்பாடுகள் காரணமாக வேகமாக அழிவுப்பாதையை நோக்கி பயணித்துக்கொண்டிருப்பதனை உணர்ந்து அதனைத் தவிர்க்க முடியாவிட்டாலும் தாமதிப்பதற்கு எம்மால் செய்யக்கூடிய சிறிய செயற்பாடுகளையேனும் செய்தாக வேண்டும் என்பதை சிந்தனையில் நிறுத்தி செயற்படவேண்டும்

கண்ணிவெடி கவனம்

விழிப்புணர்வு என்றென்றும் அவசியம் 

இலஙகையில் யுத்தம் இன்னமும் முடிவிற்கு கொண்டுவரப்படவில்லை என்ற அறிவிப்பை சாதாரணநபரொருவர் விடுத்திருந்தால் அதனை பொருட்படுத்தாமல் இருந்துவிடலாம். கடந்த 21ம்திகதி தியத்தலாவையில் இடம்பெற்ற இராணுவ பயிற்சிநிறைவு வைபவத்தில் ஜனாதிபதி இவ்வறிவிப்பை விடுத்தமை அனைத்துதரப்பினரதும் கவனத்தை ஈர்த்திருந்தது

ஜனாதிபதி தனது உரையின் போது 'வடக்கில் இடம்பெயர்ந்த மக்களை முழுமையாக மீளக்குடியமர்த்தி அப்பகுதியில் கண்ணிவெடிகளை அகற்றியபின்னரே யுத்தம் முடிவிற்கு கொண்டுவந்ததாக அர்த்தம்' எனவும் சுட்டிக்காட்டியிருந்தார்.

2009ம் ஆண்டு மே 19ம் திகதியன்று யுத்தம் நிறைவிற்கு வந்ததாக பாராளுமன்றத்தில் ஜனாதிபதி விடுத்த அறிவிப்பின் பின்னர் ஆளும் தரப்பினர் முதற்கொண்டு பிரதான எதிர்க்கட்சியினரும் பெரும்பான்மை மக்களும் இவ்விதமான கருத்துக்களையே தெரிவித்துவந்தநிலையில் தியத்தலாவையில் ஜனாதிபதி தெரிவித்த கருத்தில் இருந்து
கண்ணிவெடிகள் எவ்வளவு பாரதூரமானவை என்பது மீளவலியுறுத்தப்பட்டிருக்கின்றது .

சிறிய மிதிவெடிகள் பெரும் கவசத்தாங்கி அழிப்பு மிதிவெடிகள் வெடிக்காத நிலையிலுள்ள குண்டுகள் முதலான பொருட்கள் ஆகியன கண்ணிவெடிகள் என்று பொதுவாக அழைக்கப்படுகின்றன.

இயல்புவாழ்க்கை என அனைத்து விடயங்களிலும் தாக்;;;கம் செலுத்துகின்ற கண்ணிவெடிகள் யுத்தம் நிறைவடைந்து பல்லாண்டு காலங்களுக்கும் ஆபத்துநிறைந்தவிடயமாக இருக்கப்போகின்றன.

அடிப்படைவசதிகளுடன் மீள்குடியேற்றப்பட்டதாக அரசாங்கமும் முகாம்களில் இருந்து கொண்டுபோய் எவ்வித வசதிகளும் இன்றி வெறுமனே கொட்டப்பட்டிருப்பதாக எதிர்க்கட்சிகளும் குறைகூறும் மக்களின் நிலை கண்ணிவெடிகளால் கவலைக்குரியதாகவே காணப்படுகின்றது

மோதல்கள் இடம்பெற்ற பகுதிகளில் வாழ்ந்த மக்களுக்கு மட்டுமன்றி வெளியிலிருந்து அப்பகுதிகளுக்கு பல்வேறு தேவைகளின் நிமித்தம் விஜயம் செய்கின்றவர்களுக்கும் கண்ணிவெடிகள் பாரிய அச்சுறுத்தலாக இனிவரும் காலங்களில் இருக்கப்போகின்றன

2009ம் ஆண்டு ஜனவரி 1ம்; திகதியிலிருந்து 2010ம் ஆண்டு நவம்பர் 30ம்திகதி வரையான காலப்பகுதியில் மொத்தமாக 432 சதுரகிலோமீற்றர்கள் நிலப்பரப்பு 'நுஒpடழளiஎந சுநஅயெவெள ழக றுயச(நுசுறு)' தொழில்நுட்பமுறை மூலமான கண்ணிவெடியகற்றல் நடவடிக்கையை அடுத்து மீள்குடியேற்றத்திற்காக விடுவிக்கப்பட்டதாக ஐக்கியநாடுகள் சபையின் தரவுகள் சுட்டிக்காட்டுகின்றன.

இதுவரை மேற்கொள்ளப்பட்ட தொழில்நுட்ப மதிப்பீடுகளுக்கு அமைவாக பெரும்பாலும் வடக்கிலும் கிழக்கில் ஆங்காங்கே விடப்பட்ட சிலபகுதிகளிலுமாக 536சதுரகிலோமீற்றர் பிரதேசம் கண்ணிவெடிகளால் நிறைந்த பிரதேசமாக அடையாளங்காணப்பட்டுள்ளது .

முல்லைத்தீவு மாவட்டத்தின் புதுக்குடியிருப்பு பிரதேசத்திலுள்ள பல கிராமசேவகர் பிரிவுகளில் இன்னமும் மதிப்பீடுகள் மேற்கொள்ளப்படவேண்டியுள்ளமை இங்கே சுட்டிக்காட்டத்தக்கதாகும்.

இராணுவப்பேச்சாளர் மேஜர் ஜெனரல் உதய மெதவெலவின் தரவுளுக்கு அமைவாக இராணுவத்தினரின் மனிதாபிமான கண்ணிவெடியகற்றல் பிரிவு(ர்னுரு) இதுவரையில் 306300 கண்ணிவெடிகளை அகற்றி அழித்துள்ளதாகவும் 1866சதுர கிலோமீற்றர் பிரதேசம் இயந்திர மற்றும் மனித முறைகளைப்பயன்படுத்தி துப்பரவாக்கப்பட்டுள்ளமை குறிப்பிடப்படுகின்றது.

இலங்கை இராணுவத்தினரின் மனிதாபிமான கண்ணிவெடியகற்றல் பிரிவுடன் ஹலோ டிரஸ்ற் இ மெக் எனும் மிதிவெடி ஆலோசனைக்குழு உட்பட 6 சர்வதேச நிறுவனங்களும் 2 உள்ளுர் நிறுவனங்களும் தற்போது இலங்கையில் கண்ணிவெடி அகற்றும் பணியில் ஈடுபட்டுள்ளன

இவற்றில் மொத்தமாக 2000ற்கு அதிகமான பணியாளர்கள் சேவையில் ஈடுபட்டுள்ளனர்

கண்ணிவெடியகற்றல் என்பது மிகவும் செலவுமிக்க நடவடிக்கையாகும் . கண்ணிவெடியொன்றை புதைப்பதற்கு 3முதல் 10 அமெரிக்க டொலர்கள் வரை செல்லும் அதேவேளை ஒரு கண்ணிவெடியை அகற்றுவதற்கு 1000 அமெரிக்க டொலர்கள் வரை செலவாவதாக உலகளவில் ஏற்கப்பட்ட மதிப்பீடுகள் தெரிவிக்கின்றன.

இம்மாதம் 7ம்திகதியன்று ஹொட்டல் கலதாரியில் இடம்பெற்ற நிதி நிறுவனங்களின் பணிப்பாளர்கள் மாநாட்டில் உரையாற்றிய இலங்கை மத்தியவங்கியின் ஆளுநர் அஜித் நிவாட் கப்ரால் கண்ணிவெடி அகற்றுகின்ற செயற்பாட்டை அரசசார்பற்ற நிறுவனங்களிடம் ஒப்படைத்திருந்தால் ஆகக்குறைந்தது 2பில்லியன் அமெரிக்க டொலர்களை இலங்கை செலவிட்டிருக்க வேண்டியேற்பட்டிருக்கும் என்றும் ஒரு கண்ணிவெடியை அகற்ற சுமார் 2000 அமெரிக்க டொலர்களைச் செலவிட்டிருக்க வேண்டியேற்பட்டிருக்கும் எனவும் கூறியிருந்தார் .

இறுதியுத்தம் என்றும் நான்காவது ஈழப்போர் என்றும் அழைக்கப்பட்ட கடைசியுத்தத்திற்கு 2006ம் ஆண்டு முதல் 2009ம் ஆண்டுவரையில் 6பில்லியன் அமெரிக்க டொலர்களுக்கு குறைவான தொகை செலவிடப்பட்டிருந்ததாகவும் இதன்போது மத்திய வங்கியின் ஆளுநர் சுட்டிக்காட்டியிருந்தார்.

கண்ணிவெடியகற்றல் செலவுமிக்க நடவடிக்கை என்பதை விடவும் இலங்கையைப் பொறுத்தவiரையில் கண்ணிவெடியகற்றுபவர்கள் முகங்கொடுக்கின்ற சவால்கள் ஏராளம்.

ஒழுங்கமைவின்றி அங்கொன்றுமிங்கொன்றுமாக புதைக்கப்பட்டுள்ளமை புதைத்துவைக்கப்பட்ட கண்ணிவெடிகள் தொடர்பான தரவுகள் ஆவணப்படுத்தப்படாமை போதியகண்ணிவெடியகற்றும் இயந்திரங்கள் இன்மை என்பனவும் இவற்றில் அடங்கும்

 
தற்போதைய நிலையில் இலங்கையில் மூன்று விதமான கண்ணிவெடியகற்றல் செயற்பாடுகள் இடம்பெறுகின்றன. இதில்

 1)மனிதவலுவைப் பயன்படுத்தி மேற்கொள்ளப்படுகின்ற கண்ணிவெடியகற்றல் செயற்பாடு

2) கண்ணிவெடிகளை கண்டறியும் நாய்களின் உதவியுடன் மேற்கொள்ளப்படும் மனித வலுவுடனான கண்ணிவெடியகற்றல் செயற்பாடு

 3) இயந்திரங்களின் உதவியுடன் மேற்கொள்ளப்படுகின்ற கண்ணிவெடிகயகற்றல் செயற்பாடு என்பனவே இவையாகும்

சீரிய நிலமாக இருந்தால் மனிதர்கள் நாளொன்றிற்கு 25சதுர மீற்றர்கள் வரையான பகுதியில் கண்ணிவெடியகற்றலை மேற்கொள்ளமுடியும். பொஸினா மெஸின் ஃபிளெய்ல் மெஸின் என அழைக்கப்படுகின்ற கண்ணிவெடியகற்றும் இயந்திரங்களால் நாளொன்றிற்கு 2000 சதுர மீற்றர் பகுதியை சுத்திகரிக்கமுடியும்

என்னதான் இயந்திரங்களால் விரைவாக சுத்திகரிக்கமுடிந்தாலும் மனிதர்களாலேயே கண்ணிவெடியகற்றலை நேர்த்தியாக சாதுரியமாக மேற்கொள்ளமுடியும் என நிருபிக்கப்பட்டுள்ளது இயந்திரங்கள் கண்ணிவெடியகற்றலை மேற்கொள்ளும் போது கண்ணிவெடிகள் முற்றிலுமாக அகற்றப்படுவதற்கான வாய்ப்புக்கள் குறைவாக காணப்படுவதே இதற்கு காரணமாகும்

கண்ணிவெடி அபாயமும் விழிப்புணர்வுக் கல்வியும் 

யுத்தங்கள் ஓய்ந்து பன்னெடுங்காலம் கண்ணிவெடிகள் இயங்குநிலையில் காணப்படும் தன்மை கொண்டவை என்பதால் அதன் ஆபத்துக்கள் குறித்து என்றென்றும் அவதானமாக இருக்கவேண்டும்

ஓரிடத்தில் கண்ணிவெடி முழுமையாக அகற்றப்பட்டுவிட்டதென கண்ணிவெடி நிபுணர்களாலேயே உறுதிபடக்கூறிவிடமுடியாது கண்ணிவெடியகற்றல் செயற்பாடுகளை மேற்கொள்ளும் பகுதிக்கு நேரிலே அண்மையில் சென்றிருந்தபோது கண்ணிவெடியகற்றுகின்றவர்கள் நிலமட்டத்தில் இருந்து 15சென்ரிமீற்றர்கள் வரையான ஆழப்பகுதியிலேயே அவர்களின் செயற்பாடுகளை மேற்கொள்வதை அவதானித்தேன் .

 மழை உட்பட காலநிலை மாற்றம் மனிதரின் செயற்பாடுகள் காரணமாக 15 சென்ரீமீற்றர் ஆழத்திற்கு கீழுள்ள பகுதிக்குள் கண்ணிவெடிகள் சென்றுவிட்டால் அவற்றை அகற்றும் வாய்ப்பு இல்லாது போய்விடுகின்றது .பின்னர் ஒரு காலத்தில் அக்கண்ணிவெடிகள் வெளிக்கிளம்புகின்றபோது அதனால் ஆபத்துக்கள் காத்திருக்கின்றன என்பது தெளிவாகியது

கண்ணிவெடிகள் எத்தகைய ஆபத்தைக்கொண்டவை என கண்ணிவெடி விழிப்புணர்வு நடவடிக்கையில் ஈடுபட்டுள்ள தொண்டரான வின்சன்ற் ஜேசுதாசன் என்பவரிடம் வினவியபோது முதலில் கண்ணிவெடிகள் சாகாவரம் பெற்றவை என்பதை விளங்கிக்கொள்ளவேண்டும் .அவை ஒரு குடும்பத்தையோ சமூகத்தையே நிர்மூலமாக்கக்கூடிய பயங்கரமானவை .இதனால் தான் சமூகத்திற்கு உதவும் நோக்குடன் கண்ணிவெடி விழிப்புணர்வு பணியில் தாம் ஈடுபடுவதாக அவர் கூறினார்


பாடல்கள் மூலமும் கிராமிய மணம் கமிழ்ந்த கதைகள் மூலமும் மன்னார் வவுனியா மாவட்டங்களில் கண்ணிவெடி விழிப்புணர்வை மேற்கொண்டுவரும் இவர் மக்கள் மனங்களில் நின்றுநிலைக்கும் தமிழ் சினிமா பாடல்களின் இசையையும் தனது வரிகளையும் கொண்டு பாட்டிசைக்கும் பாங்கு அலாதியானது

'மாங்குயிலே பூங்குயிலே சேதி ஒண்ணுகேளு' என்ற பாடலை மைன்ஸ் இருக்கு; ஷெல் இருக்கு என்றும் 'ஆசைப்பட்ட எல்லாத்தையும் காசிருந்தா வாங்கலாம் அம்மாவ வாங்கமுடியுமா' என்ற பாடலை ஆசைப்பட்ட திசைகளெல்லாம் காலிருந்தா போகலாம் இல்லாட்டி போகமுடியுமா என்றும் இப்படியாக பல பாடல்களை பாடி விழிப்புணர்வை ஊட்டிவருவது பார்ப்பவர்களுக்கும் கேட்பவர்களுக்கும் மெய்சிலிர்க்கவைக்கின்றது

வின்சன்ற் ஜேசுதாசன் போன்றவர்களின் நோக்கம் இலங்கையைப் பொறுத்தவரையில் நிறைவேறிவருவதை அண்மையில் வெளியிடப்பட்ட புள்ளிவிபரங்கள் கோடிட்டுக்காட்டுகின்றன

கண்ணிவெடி அபாய விழிப்புணர்வுக் கல்வி காரணமாக இலங்கையில் இவ்வருடத்தில் கண்ணிவெடி இழப்புக்கள் குறைவடைந்திருப்பதாக தெரிவிக்கப்படுகின்றது .இவ்வருடத்தில் கண்ணிவெடிகளில் சிக்கி 18 சிறுவர்கள் அடங்கலாக 38பேர் காயமுற்றுள்ளதாகவும் இவர்களில் 4சிறுவர்கள் உட்பட 7பேர் பலியானதாகவும் ஒக்டோபர் மாத இறுதியில் வெளியான யுனிசெவ் புள்ளிவிபரத்தில் சுட்டிக்காட்டப்பட்டிருந்தது .

ஆயுதமோதல் நிறைவடைந்தபின்னர் கடந்தபோன 12மாதகாலப்பகுதியில் கண்ணிவெடிகாரணமாக மாதமொன்றிற்கு 3பேர் இலங்கையில் பாதிக்கப்பட்டுள்ளதாக தெரிவிக்கப்படுகின்றது .இது மோதல்களால் பாதிக்கப்பட்ட ஏனைய நாடுகளுடன் ஒப்பிடுகையில் பெரிதும் குறைவானதென சுட்டிக்காட்டப்படுகின்றது

2001ம் ஆண்டில் ஆப்கானிஸ்தானில் 172பேர் அளிவில் மாதமொன்றிற்கு கண்ணிவெடியால் பாதிக்கப்பட்டிருந்த அதேவேளையில் கம்போடியாவில் மாதமொன்றிற்கு 65பேர் அளவில் கண்ணிவெடிப்பாதிப்பிற்குள்ளாகினர் .

இவ்வாண்டில் முதற்பத்து மாதங்களிலும் யுத்தம் இடம்பெற்ற பகுதிகளைச் சேர்ந்த 308000 பேருக்கும் கண்ணிவெடி விழிப்புணர்வுகல்வி வழங்கப்பட்டுள்ளதாக தகவல்கள் வெளியாகியுள்ளன

இலங்கையில் மோதல் இடம்பெற்ற பகுதியைச் சேர்ந்த மக்களில் 80 சதவீதத்திற்கு அதிகமானவர்கள் கண்ணிவெடி அபாய சமிஞ்கைகளை அறிந்துவைத்திருப்பது அண்மையில் மிதிவெடி ஆலோசனைக்குழுவால் மேற்கொள்ளப்பட்ட கருத்துக்கணிப்பில் இருந்து வெளியாகியிருந்தது

என்னதான் விழிப்புணர்வு வழங்கப்பட்டாலும் மக்கள் அறிவுபெற்றாலும் அபாயம் என்றே தெரிந்துகொண்டே செயற்பாடுகளில் ஈடுபடுவதே கண்ணிவெடி அபாய கல்வியை மேற்கொள்பவர்களுக்கு முன்பாகவுள்ள மிகப்பெரிய சவாலாக உள்ளதென சுட்டிக்காட்டப்படுகின்றது

விவசாயத்திற்காகவும் இன்னோரன்ன தேவைகளுக்காகவும் நிலத்திலுள்ள காடுபற்றிய பகுதிகளை அன்றேல் குப்பைகளை எரித்தல் இரும்புபொருட்களை சேகரித்தல் குழி தோண்டுதல் காடுகளில் விறகு சேகரித்தல் பழங்கள் காய்கறிகள் தேன் சேகரித்தல் போன்றவற்றுடன் குளங்கள் ஏரிகளில் மீன்பிடித்தல் என்பனவும் கண்ணிவெடி அபாயத்தை அதிகரிக்கின்ற விடயங்களாக காணப்படுகின்றன

18வயதுமுதல் 45வயதுடையவர்களே கண்ணிவெடிகளால் அதிகபாதிப்புக்களை எதிர்கொள்வதாக ஆய்வுகளில் தெரியவந்துள்ளது மொத்த இழப்புக்களில் 20வீதமானவை இந்தப்பிரிவைச் சேர்ந்தவர்களாக காணப்படுகின்றனர்

இலங்கையைப் பொறுத்தளவில் ஏனைய துறைகளைப் போன்றே போதிய நேர்த்தியான தரவுகள் இன்மை கண்ணிவெடியகற்றல் துறையிலும் காணப்படுகின்றது இருப்பினும் கிடைக்கப்பெற்ற தரவுகளுக்கு அமைவாக 1999ம் ஆண்டுமுதல் 2008ம் ஆண்டுவரையான காலப்பகுதியில் 1272 கண்ணிவெடி விபத்துசம்பவங்கள் இடம்பெற்றுள்ளதுடன் இதில் 117பேர் கொல்லப்பட்டுள்ளமை குறிப்பிடத்தக்கது

கடந்தாண்டுகளுடன் ஒப்பிடுகையில் 2009ம் மற்றும் 2010ம் ஆண்டுகளில் கண்ணிவெடி விபத்து சம்பவங்களில் குறைவுகள் ஏற்படுவதை புள்ளிவிபரங்கள் கூறினாலும் நடைபெறும் அனைத்துசம்பவங்களும் பதிவுசெய்யப்படுகின்றனவா என்ற ஆதங்கங்களும் மக்கள் மத்தியில் காணப்படுவதை இங்கே குறிப்பிட்டாகவேண்டும்


கண்ணிவெடி ஆபத்து என்பது இலகுவில் புறக்கணித்துவிடமுடியாததொன்று என்பதை மீண்டுமாக அழுத்திக்கூறுவதுடன் இதுபற்றிய விழிப்புணர்வு ஒரிரு நாட்களுக்கு மாத்திரம் மட்டுப்படுத்தப்படாமல் காலாகாலத்திற்கும் தீவிரமாக முன்னெடுக்கப்படவேண்டும்

பாதுகாப்பும் அபிவிருத்தியும்

இலங்கையில் மூன்று தசாப்த காலமாக இடம்பெற்ற யுத்தம் நாட்டு மக்களின் உயிர் உடமை மற்றும் பொருளாதாரத்தில் ஏற்படுத்திய தாக்கங்கள் பாரதூரமானவை.

யுத்தத்தில் எத்தனை உயிர்கள் காவுகொள்ளப்பட்டன என்பது குறித்த தெளிவான தரவுகள் இல்லாமை போன்றே மக்களின் உடமைகளுக்கு ஏற்பட்ட சேதங்கள் குறித்த தெளிவான தரவுகள் காணப்படவில்லை

யுத்தம் முடிவிற்கு கொண்டுவரப்பட்டதாக அறிவிக்கப்பட்டு ஒன்றரை வருடங்கள் கடந்து விட்ட நிலையிலும் இதுபற்றிய உத்தியோகபூர்வமான மதிப்பீடுகளை மேற்கொள்வதற்கான எத்தனிப்புக்கள் மேற்கொள்ளப்படுவதாக அறியக்கிடைக்கவில்லை .

யுத்தம் நிறைவடைந்த பின்னர் ஐபிஎஸ் எனப்படும் கொள்கை கற்றலுக்கான நிறுவனம் மேற்கொண்ட ஆய்வின் பிரகாரம் 1984ம் ஆண்டு முதல் 2009ம் ஆண்டு வரை யுத்தம் இடம்பெற்ற காலப்பகுதியில் யுத்தத்திற்காக செலவிடப்பட்ட தொகையானது ஏறத்தாழ இலங்கையின் வருடாந்த மொத்த தேசிய உற்பத்தியின் நான்கு மடங்கிற்கு சமனானவை என இலங்கை வர்த்தக சம்மேளனத்தின் தலைவர் கலாநிதி அநுர ஏக்கநாயக்க கற்றுக்கொண்ட பாடங்கள் மற்றும் நல்லிணக்க ஆணைக்குழுவிற்கு முன்பாக தெரிவித்திருந்தார்.

யுத்தத்திற்காக செலவிடப்பட்ட இந்தத்தொகை அபிவிருத்தி நடவடிக்கைகளுக்காக பயன்படுத்தப்பட்டிருக்குமாக இருந்தால் இலங்கை தற்போது மலேசியாவின் அபிவிருத்தி நிலையை அடைந்திருக்கும் எனவும் அவர் சுட்டிக்காட்டியிருந்தார்.

யுத்தத்தினால் அசையாச் சொத்துக்களுக்கும் நிலப்பகுதிகளுக்கும் ஏற்பட்ட நேரடித்தாக்களுக்கு மேலாக யுத்தத்தினால் ஏற்பட்ட நேர்மறைச் செலவு புரிந்துகொள்ளப்பட்டதிலும் பார்க்க மிக மிக அதிகமானதெனவும் வர்த்தக சம்மேளனத்தலைவர் கூறியிருந்தார்.

அவரது கூற்றில் பல உண்மைகள் புதைந்துகிடக்கின்றன. உதாரணமாக யுத்தம் கடந்தாண்டுடன் நிறைவடைந்து விட்டதாக பிரகடனப்படுத்தப்பட்ட போதிலும் அது ஏற்படுத்திய தாக்கம் தற்போதும் பெருமளவில் உணரப்படுகின்றது .இதற்கு அண்மையில் நிறைவேற்றப்பட்ட வரவுசெலவுத்திட்டம் சான்று பகர்கின்றது .

யுத்தம் நிறைவுபெற்ற பின்னரும் கூட பாதுகாப்பிற்கான செலவீனத்தை இன்னமும் குறைக்க முடியாத யதார்த்த நிலை காணப்படுகின்றது .

பாதுகாப்பு அமைச்சிற்கென இம்முறை வரவு செலவுத்திட்டத்தில் 21521 கோடியே 96லட்சத்து 40 ஆயிரம் ரூபா ஒதுக்கப்பட்டுள்ளது .இது கடந்த முறையைவிடவும் 1300 கோடி ருபா அதிகமானதாகும்.

யுத்தம் நிறைவடைந்த பின்னரும் நாட்டின் பாதுகாப்புக்கு ஏன் இவ்வளவு நிதி என்கின்ற கேள்விகள் கேட்பதற்கும்; அதற்குப் பதிலளிப்பதற்குமான கடப்பாடுகளை அரசியல் வாதிகளுக்கும் அரச அதிகாரிகளுக்கும் ஒதுக்கிவிட்டு பாதுகாப்பு என்ற விடயத்திற்காக செலவிடப்படுகின்ற நிதியானது நாட்டு மக்களிற்காகவும் அபிவிருத்திக்காகவும்  செலவிடப்பட்டிருக்குமேயானால் எவற்றைச் செய்திருக்கமுடியும் என இங்கே ஆராய்ந்துபார்க்கின்றோம் .

2008ம் ஆண்டு பெப்ரவரி மாதம் வெளியான மொன்டாஜ்(MONTAGE) சஞ்சீகைக்காக காலஞ்சென்ற முன்னாள் விமானப்படைத்தளபதி எயார் சீப் மார்ஷல் ஹரி குணதிலக்க எழுதியிருந்த கட்டுரையொன்றிலிருந்து மேற்கோள் காட்டுவது இதனை விளக்குவதற்கு பெருந்துணையாக அமையும் எனக்காண்கின்றேன்.

யுத்தம் ஆரம்பமான 1983ம் ஆண்டு காலப்பகுதியில் பாதுகாப்பிற்கான செலவு 1.75 பில்லியன் ரூபா அதாவது 175 கோடி ருபா மாத்திரமே இதன் படி நாளொன்றிற்கான பாதுகாப்பு செலவீனம் 4.79மில்லியன் ரூபா என சுட்டிக்காட்டியிருந்த முன்னாள் விமானப்படைத்தளபதி 24வருடகாலப்பகுதியில் (கட்டுரை 2008ல் வெளியாகியபோது) இந்த தொகை 110 மடங்கிற்கு அதிகமாக அதிகரித்துள்ளதாக சுட்டிக்காட்டியிருந்தார்  .

2008ம் ஆண்டு நிறைவேற்றப்பட்ட வரவுசெலவுத்திட்டத்தில் பாதுகாப்பிற்காக ஒதுக்கப்பட்டிருந்த தொகை 166பில்லியன் ரூபா ( நாளொன்றிற்கு 456.4மில்லியன் ரூபா) இந்தக்கட்டுரை வெளியான போது வரவுசெலவுத்திட்டத்தில் பாதுகாப்பிற்கு ஒதுக்கப்பட்ட தொகையானது வருடமுடிவில் 200பில்லியன் ரூபாவைத்தாண்டும் (நாளொன்றிற்கு 550மில்லியன் ரூபா) என முன்னாள் விமானப்படைத்தளபதி எதிர்வுகூறியிருந்தார் .அதன்படியே இறுதியில் நடந்தேறியது

பாதுகாப்பு படைத்தரப்பைச் சேர்ந்தவராக இருந்தபோதும் அவர் சுட்டிக்காட்டிய விடயமே அந்தக்கட்டுரையில் அவதானத்தை மிகவும் ஈர்த்திருந்தது .யுத்தத்திற்கு செலவிடப்படும் தொகையை இந்நாட்டிலுள்ள வறியவர்களுக்கு வீடுகளைக் கட்டிக்கொடுப்பதற்கு செலவிட்டிருந்தால் (500சதுர அடிX ரூபா 2000) என்ற அளவில் நாளொன்றுக்கு 300வீடுகள் அன்றேல் மொத்தமாக 109500 வீட்டு அலகுகளை 2006ம் ஆண்டில் அமைத்திருக்க முடியும் .நாளொன்றுக்கு 400 வீடுகள் என்ற அடிப்படையில் 2007ம் ஆண்டில் 146000 வீடுகளை அமைத்திருக்க முடியும் .

 நாளொன்றிற்கு கிட்டத்தட்ட 550 வீடுகள் என்ற அடிப்படையில் 2008ம் ஆண்டில் 200750 வீடுகளை அமைத்திருக்க முடியும் . 2006 2007 மற்றும் 2008ம் ஆண்டுகளுக்காக பாதுகாப்பிற்கு ஒதுக்கப்பட்ட தொகையைக் கொண்டு மொத்தமாக 456250 வீடுகளை அமைத்திருக்க முடியும் என முன்னாள் விமானப்படைத்தளபதி ஏயார் சீப் மார்ஷல் ஹரி குணதிலக்க சுட்டிக்காட்டியிருந்தார். இதனை இன்னுமொரு விதத்தில் குறிப்பிடுவதாயின் 2006 முதல் 2008ம் ஆண்டு வரையான காலப்பகுதியில் யுத்தத்திற்காக செலவிடப்பட்ட (467பில்லியன் ரூபா)தொகையைக் கொண்டு ஏறத்தாழ 9 மகாவலி அபிவிருத்தித்திட்டங்களை (1978ம் ஆண்டு காணப்பட்ட செலவில்) அமைத்திருக்க முடியும் எனவும் உதாரணம் காண்பித்திருந்தார் .

முன்னாள் விமானப்படைத்தளபதியின் கட்டுரை 2008ம் ஆண்டில் வெளியான பின்னர் இதுவரையில் மூன்று வரவுசெலவுத்திட்டங்கள் நிறைவேற்றப்பட்டுவிட்டன .ஒவ்வொரு முறையும் பாதுகாப்பு செலவு முன்னையதிலும் அதிகரித்திருப்பதை வைத்து நோக்கும் போது இந்தத்தொகையைக் கொண்டு எத்தனை வீடுகளைக் கட்டிமுடித்திருக்க முடியும் என ஊகிக்கமுடியும் .இது நிச்சயமாக ஒரு மில்லியன் இலக்கை தாண்டும் என்பது புலனாகின்றது.

இம்முறை வரவு செலவுத்திட்டத்தை சமர்பித்து உரையாற்றிய ஜனாதிபதி அடுத்த 06 வருடங்களில் ஒரு மில்லியன் வீடமைப்பு அலகுகளை அபிவிருத்தி செய்வதற்கு உறுதியெடுத்துள்ளதாக குறிப்பிட்டிருந்தார் .

வடபகுதியில் மாத்திரம் 160000 வீடுகள் புனரமைப்பிற்குட்படுத்தப்படவோ அன்றேல் மீளக்கட்டப்படவோ வேண்டியுள்ளதாக இவ்வருடத்தின் முற்பகுதியில் வெளியாகியிருந்த ஐக்கியநாடுகள் சபையின் மதிப்பீடுகளில் இருந்து சுட்டிக்காட்டப்பட்டிருந்தது
.
வடக்கில் மட்டுமன்றி நாடெங்கிலுமுள்ள வீடற்றவர்களுக்கும் வீடுகள் அவசியமானவர்களுக்கும் புதிதாக வீடுகளை அமைத்துக்கொடுப்பதற்கு பாதுகாப்பிற்கொதுக்கப்படும் நிதி தாராளமாக போதும் என்பதை முன்னாள் விமானப்படைத்தளபதியின் மதிப்பீடுகளின் அடிப்படையில் ஒப்புநோக்குகையில் புரிந்துகொள்ளமுடியும்.

அதனையும் தாண்டி யுத்தத்திற்கு செலவிடப்பட்ட தொகை அபிவிருத்திக்கு செலவிடப்பட்டிருக்குமானால் மலேசியாவின் நிலையை அடைந்திருக்க முடியும் என இலங்கை வர்த்தக சம்மேளனத்தின் தலைவர் சுட்டிக்காட்டியிருந்தமையை நோக்குகின்றபோது இன்னுமொரு விடயத்தை புரிந்துகொள்ளலாம் .

தற்போதைய நிலையில் இலங்கையின் பொருளாதாரத்தை 42பில்லியன் அமெரிக்க டொலர்கள் எனவும் இலங்கையர்களின் தலாவருமானம் சராசரியாக 2000 அமெரிக்க டொலர்கள் எனவும் குறிப்பிடப்படுகின்றது .இதனை வைத்துக்கொண்டு மலேசியாவின் நிலைமையை நோக்கமுடியும்

 .தென்கிழக்காசியாவின் 3வது பெரும்பொருளாதாரமாக விளங்கும் மலேசியாவின் பொருளாதாரம் 188பில்லியன் அமெரிக்க டொலர்களாக காணப்படுவதுடன் தலாவருமானம் 7000 அமெரிக்க டொலர்களாக அமைந்துள்ளது அந்தளவில் நாம் யுத்தம் காரணமாக எந்தளவிற்கு பின்தங்கியிருக்கின்றோம் என்பது தெளிவாகின்றது .

இனிவருங்காலத்திலேனும் சந்தேகங்களைக் களைந்து நிலையான சமாதானத்தை ஏற்படுத்துவதன் மூலமாக இதுவரை இழந்த அபிவிருத்தியைக் காண்பதற்கு சாதாரண மக்கள் முதற்கொண்டு அதிகாரத்தில் இருக்கின்றவர்கள் வரையில் முழுமனத்தோடு செயற்படவேண்டும்

மீள்குடியேற்றம் முழுமைபெறுவது எப்போது?

இடம்பெயர்ந்த மக்களின் மீள்குடியேற்றம் எப்போது முழுமைபெறும் என்பது பல்வேறுதரப்பட்டவர்களதும் கரிசனைக்குள்ளான விடயமாக தொடர்ந்தும் இருந்துகொண்டிருக்கின்றது
.
யுத்தம் நிறைவுபெற்றதாக பிரகடனப்படுத்தப்பட்டு 18மாதங்கள் உருண்டோடிவிட்ட நிலையிலும் அரசியல் மனிதாபிமான களங்களில் ஓங்கியொலிக்கின்ற விடயமாக மீள்குடியேற்றம் காணப்படுவதை ஏற்றுக்கொள்ளவேண்டும்.

வடக்கில் யுத்தம் தீவிரமடையத்ததொடங்கிய 2008ம் ஆண்டு ஒக்டோபர் மாதத்திற்கு பின்னர் அரசசாங்க கட்டுப்பாட்டுப்பகுதிக்கு இடம்பெயர்ந்த மக்களில் இன்னமும் சுமார் 15 ஆயிரம் பேர் மாத்திரமே மீள்குடியமர்த்தப்பட வேண்டியுள்ளதாகவும் இவர்கள் இவ்வருட இறுதிக்குள்ளாக மீள்குடியமர்த்தப்படுவர் என இந்திய வெளிவிவகார அமைச்சர் இலங்கைக்கு விஜயம் மேற்கொண்டிருந்தபோது தெரிவிக்கப்பட்ட கருத்துக்களில் நம்பிக்கை வெளியிடப்பட்டிருந்தது

எனினும் இதனை இடம்பெயர்ந்தவர்களை மீளக்குடியமர்த்துவதற்கான திட்டவட்டமான காலக்கெடுவென எந்தத்தரப்பினரும் அறிவிக்கவில்லை.
இடம்பெயர்ந்த மக்கள் இன்னமும் ழுழுமையாக மீள்குடியமர்த்தப்படவில்லை

 மீள்குடியமர்த்தப்பட்ட மக்களுக்கு உரிய வசதிகளோ நிவாரணங்கள் வழங்கப்படவில்லை அவர்கள் சொல்லோணா துன்பங்களை எதிர்நோக்கிவருகின்றனர் என எதிர்க்கட்சிகளைச் சேர்ந்த தரப்பினர் தெரிவித்துவருகின்ற அதேவேளை வடக்கில் மீள் குடியேற்றம் என்பது சுலபமானதல்ல .சகல கட்டமைப்புக்களும் அழிக்கப்பட்ட நிலையில் பெரும் தொகையான கண்ணிவெடிகள் புகைக்கப்பட்ட சூழ்நிலையில் இந்தப்பணிகளை மேற்கொள்வதாக அரச தரப்பில் பதிலளிக்கப்படுகின்றது

.

பல்வேறு குற்றச்சாட்டுக்கள் இருந்தாலும் கடந்த மே மாதத்தில் பின்னர் காணப்பட்ட நிலையில் இன்று பாரிய முன்னேற்றம் காணப்பட்டுள்ளதை புள்ளிவிபரங்கள் உணர்த்திநிற்கின்றன.

கடந்த வருடத்தின் மே மாத இறுதிப்பகுதியில் வவுனியா முகாம்களில் சுமார் மூன்று லட்சமாக காணப்பட்ட இடம்பெயர்ந்த மக்களின் எண்ணிக்கை தற்போது பத்திலொரு பங்கைவிடவும் குறைந்திருக்கின்றது
.
வுன்னியுத்தத்தின் போது இடம்பெயர்ந்த மக்களுக்காக அமைக்கப்பட்ட மற்றும் முகாம்களாக மாற்றப்பட்ட ஆனந்த குமாரசுவாமி நிவாரணகிராம் கதிர்காமர் நிவாரணகிராமம் அருணாச்சலம் நிவாரணகிராமம் ராமநாதன் நிவாரண கிராமம் ஆண்டியாபுளியங்குளம் முஸ்லிம் மகாவித்தியாலம் அருவித்தோட்டம் சிவானந்தா வித்தியாலயம் செட்டிகுளம் மகாவித்தியாலயம் கோமரசன் குளம் மகா வித்தியாலயம் பூந்தோட்டம் கல்வியியல் கல்லூரி நெலுங்குளம் கலைமகள் மகா வித்தியாலயம் தாண்டிக்குளம் மகா வித்தியாலயம் சூடுவெந்தபுலவு சுமதிபுர வீரபுரம் நலன்புரி நிலையம் ஷோன் 4(வலயம் 4) அமைக்கப்பட்ட 16 முகாம்களில் தற்போது கதிர்காமர் ஆனந்த குமாரசுவாமி மற்றும் அருணாச்சலம் ஆகிய மூன்று முகாம்கள் மாத்திரமே எஞ்சியுள்ளதாக சுட்டிக்காட்டப்படுகின்றது.

 இந்த முகாம்களில் அனுமதிப்பத்திரத்தடன் வெளியே சென்றுள்ளவர்களின் மொத்த எண்ணிக்கையையும் சேர்த்துப்பார்க்கின்றபோது 30.11.2010 காலப்பகுதியில் மொத்தமாக (17977103331) 21308  பேர் மீளக் குடியேற்றப்பட வேண்டியுள்ளமை புலனாகின்றது

கடந்தவருடத்தில் வன்னி யுத்ததத்தால் இடம்பெயர்ந்தவர் பொதுமக்களின் மொத்த எண்ணிக்கை கிட்டத்தட்ட மூன்று லட்சம் என பல்வேறு தரப்பினரும் சுட்டிக்காட்டியிருந்தனர் .

ஆனால் இதுவரையில் மீளக்குடியமர்த்தப்பட்டவர்கள் விடுவிக்கப்பட்டவர்கள் மற்றும் தொடர்ந்தும் முகாம்களின் உள்ளவர்களின் எண்ணிக்கையை அவதானிக்கின்றபோது இந்த எண்ணிக்கை( 252064 1021308) 273372 ஆக இருப்பதை விளங்கிக்கொள்ளமுடியும்
.
இது தொடர்பாக மீள்குடியேற்ற அமைச்சின் உயர் அதிகாரியொருவரிடம் வினவியபோது வன்னியில் இருந்து மக்கள் இடம்பெயர்ந்து வந்த ஆரம்பகாலப்பகுதியில் பல இடங்களில் ஒரே ஆட்களை திரும்பத்திரும்ப பதிந்தமை காரணமாக மொத்த எண்ணிக்கை அதிகமாக கூறப்பட்டதாகவும் ஆனால் தற்போது அத்தவறுகள் நிவர்த்திக்கப்பட்ட நிலையில் தற்போதைய எண்ணிக்கையே இறுதியானதாக காணப்படுவதாகவும் சுட்டிக்காட்டினார் .

மக்களின் மீள்குடியேற்றம் தொடர்பாக வழங்கப்பட்ட வாக்குறுதிகள் பல கடந்து போயுள்ள போதிலும் முகாம்களில் எஞ்சியிருக்கின்ற மக்கள் அடுத்துவரும் மாதகாலப்பகுதியில் மீள்குடியமர்த்தப்படக்கூடும் என்ற நம்பிக்கைகள் தற்போது தெரிவிக்கப்படும் கருத்துக்களில் வெளியாகியுள்ளன.
அந்தவகையில் எஞ்சியுள்ள இடம்பெயர்ந்தோருக்கான மூன்று முகாம்களும் மூடப்படும் நாட்கள் அன்றேல் மூடப்பட்டதாக அறிவிப்பு வெளியாகும் நாட்கள் வெகுதொலைவில் இல்லை என்றே கூறவேண்டும் .

                                      காத்திருக்கும் பெரும் சவால்

வன்னியுத்தத்தின் போது இடம்பெயர்ந்த மக்களின் மீள் குடியேற்றம் முற்றுப்பெறுகின்ற காலம் அண்மிக்கும் நிலையில் இலங்கைக்கு முன்பாக பாரிய சவாலகள் காத்திருக்கின்றன .

முகாம்களில் இருந்து மீள் குடியேற்றப்பட்ட மக்கள் மீண்டும் தமது சமூகத்துடன் சேர்ந்துவாழும் சூழலை ஏற்படுத்துதல் அவர்களுக்குத் தேவையான ஆவணங்களை பெற்றுக்கொடுத்தல் தொடர்பான விடயங்கள் உட்கட்டமைப்பு வசதிகளை செய்துகொடுத்தல் சொந்தக்காலில் நிற்கத்தக்கதான வாழ்வாதாரத்தை ஏற்படுத்திக்கொடுத்தல் போன்ற உடனடித் தேவைகளுக்கு அப்பால் அம்மக்களின் எதிர்காலம் தொடர்பாக நிலவக்கூடிய அச்சங்களைக் களைதலும் பாதுகாப்புணர்வை ஏற்படுத்தலும் முக்கியமானதாகும்
.
தற்போது மீள் குடியேற்றத்திற்காக தமது கிராமங்களுக்கு செல்கின்ற மக்கள் தமது கிராமசேவகர்களிடமும் உதவி அரசாங்க அதிபரிடமும் பதிவுகளை மேற்கொள்வதற்கு அப்பால் இராணுத்தினரது பதிவுகளுக்கும் உட்படவேண்டியுள்ளதாக கூறுகின்றனர்

.இதன்போது தமக்கென இராணுவத்தினர் வழங்குகின்ற இலக்கத்துடன் புகைப்படமெடுக்கப்படுவதாகவும் சுட்டிக்காட்டுகின்றனர் .இது குறித்த பகுதியின் பாதுகாப்பை உறுதிப்படுத்துவற்காகவே மேற்கொள்ளப்படுவதாக இராணுவத்தினர் கூறுகின்றனர்
.
இருந்தபோதிலும் இவ்வாறான ஐயப்பாடுகளை ஆரம்பத்திலேயே களைவது மக்களின் சுமூகமான மீள்குடியேற்றத்திற்கு அவசியமென உணரப்படுகின்றது. தமது சொந்தக் இடங்களில் மீள்குடியேற்றப்பட்டவர்கள் பல்வேறு பிரச்சனைககளுக்கு முகங்கொடுத்துள்ளபோதிலும் அவர்கள் முகாம்களில் இருந்த காலத்தில் கூறியதைப் போன்று தமது சொந்த இடங்களில் ஒரு வித நிம்மதியுடன் வாழ்வதை அத்தகைய மக்களில் பலருடனான உரையாடல்களின் போது உணர்ந்துகொள்ளமுடிந்தது .'

கஞ்சியையோ கூழையோ குடித்தாலும் சொந்த இடத்திற்கு சென்றால் போதும'; 'பச்சைத்தண்ணிய குடித்தாலாவது எங்கட இடத்தில இருக்கணும்' 'வீடு இல்லாட்டாலும் எங்கட இடத்தில மரநிழலிலாவது நிம்மதியா உறங்கலாம்' போன்ற வார்த்தைகளை முகாம்களில் இருந்தபோது மக்கள் திரும்பதிரும்ப கூறியதை கேட்டிருக்கின்றோம்.

தமது சொந்த இடங்களுக்கு சென்றவர்கள் அந்த உணர்வை நிஜத்தில் அனுபவிப்பதை பலர் கூறக் கேட்டேன்
 .
வன்னியில் இடம்பெற்ற யுத்தத்தின் போது இடம்பெயர்ந்த மக்கள் தவிர மீள்குடியேற்றம் செய்யப்படவேண்டியுள்ள மக்கள் குறித்த விடயம் இலங்கைக்கு முன்பாகவுள்ள மற்றுமொரு சவாலாக உள்ளது.
இவர்கள் பழைய இடம்பெயர்ந்தவர்கள் என அழைக்கப்படுகின்ற பிரிவினராவர் .20வருடகாலத்திற்கு முன்னர் தமது சொந்த இடங்களில் இருந்து இடம்பெயர்ந்த ஒருலட்சத்திற்கும் அதிகமான முஸ்லிம் மக்கள் .மூன்று தசாப்த காலப்போரின் விளைவாக இந்தியாவிற்கு சென்ற தமிழ் மக்கள் இவர்களின் எண்ணிக்கையும் ஒரு லட்சத்திற்கு அதிகமாகவுள்ளது . உயர்பாதுகாப்பு வலயங்கள் காரணமாக வெளியேற்றப்பட்ட 70 ஆயிரம் வரையிலான மக்கள் என பல்வேறு பிரிவினரும் மீள்குடிமர்த்தப்படவேண்டியுள்ளனர்

மேற்குலக நாடுகளிலும் அவுஸ்திரேலியா நியுஸிலாந்து போன்ற நாடுகளிலும் அரசியல் தஞ்சம் கோரியுள்ளவர்களைத்தவிர அகதிகள் என்ற அந்தஸ்துடன் தற்போது 146098 இலங்கையர்கள் உலகிலுள்ள 64 நாடுகளில் பரந்துவாழ்ந்துகொண்டிருப்பதாக அண்மையில் ஒரு ஆங்கிலப்பத்திரிகையில் வெளியான கட்டுரையில் வாசிக்கமுடிந்தது

அகதிகளுக்கான ஐக்கியநாடுகள் உயர்ஸ்தானிகராலயத்தின் இலங்கைக்கான பிரதி வதிவிடப்பிரதிநிதி ஜெனிபர் பகோனிஸை மேற்கொள்காண்பித்து வெளியிடப்பட்டிருந்த அந்தத்தகவலில் ஒட்மொத்தமான 146098 அகதிகளில் 71சதவீதமானோர் அண்டைநாடான இந்தியாவில் குறிப்பாக தமிழ் நாட்டில் வாழ்வதாக சுட்டிக்காட்டப்பட்டிருந்தது

'அகதிகளின் எண்ணிக்கை விடயத்தில் அவதானமாக இருக்கவேண்டும்' என ஜெனிபர் பகோனிஸ் கூறியிருப்பது இந்த எண்ணிக்கையில் மேலும் அதிகரிப்பு காணப்படலாம் என்பதற்கான அறிகுறியாகவே கொள்ளப்படவேண்டும் என அந்தக்கட்டுரையில் சுட்டிக்காட்டப்பட்டிருந்தது

ஆக மொத்தத்தில் மீள் குடியேற்றம் என்பது வவுனியா முகாம்களில் எஞ்சியுள்ளவர்களை மீண்டும் அவர்களது கிராமங்களுக்கு கொண்டுசெல்வதுடன் முற்றுப்பெறுகின்ற விடயமாக அமையமாட்டாது என்பதையே இந்த விடயங்கள் உணர்த்திநிற்கின்றன
.
உண்;மையான நல்லிணக்கத்தை நோக்கியதான நகர்வுகளை முன்னெடுத்துள்ளதாக அரசாங்கத்தரப்பினர் திரும்பத்திரும்ப கூறிவருகின்றநிலையில் தமது சொந்த இடங்களில் இருந்து இடம்பெயர்ந்த அனைத்து மக்களும் மீள்குடியமர்த்தப்படவேண்டியது நல்லிணக்கத்திற்கான இன்றியமையாத அவசியம் என்பதை அனைத்துத்தரப்பினரும் ஆமோதிப்பர் என்பதில் ஐயமில்லை
 

ஸியாபோவின் நோபல் பரிசு உலகிற்கு வழங்கும் செய்தி

சீன அதிருப்தியாளர் லியு ஸியாவோபோவிற்கு 2010ம் ஆண்டிற்கான நோபல் சமாதானப்பரிசு வழங்கப்பட்டமை உலக நாடுகளிடையில் பல்வேறு கருத்துமோதல்களுக்கும் சர்ச்சைகளுக்கும் வழிகோலியிருந்தது

ஊடகங்களால் அதிகமாக அலசி ஆராயப்பட்டுள்ள இவ்விடயத்தில் முக்கியமாக கவனிக்கப்படவேண்டிய ஒரு செய்தி அடங்கிநிற்கின்றது .

கருத்துவெளியிடும் சுதந்திரத்தினை நசுக்குவதற்கு அடக்குமுறை ஆட்சியாளர்கள் முற்படுகின்றபோது தமக்குத்தாமே எத்தகைய அழிவினை அன்றேல் அபகீர்த்தியை அவர்கள் வரவழைத்துக்கொள்கின்றனர் என்பதற்கு லியு ஸியாபோவிற்கு நோபல் சமாதானப்பரிசு வழங்கப்பட்டமை நினைவுறுத்துகின்றது.

CHARTER 08 ( சரம் 08) என ஆங்கிலத்தில் அறியப்படும் சீனாவில் அரசியல் மாற்றங்களுக்கான விஞ்ஞாபனமொன்றை தயாரிப்பதற்கு துணைபுரிந்தமைக்காக கடந்தாண்டு டிசம்பர் மாதம் ஒரே நாளில் இடம்பெற்ற  விசாரணைகளையடுத்து லியு ஸியாபோ 11 ஆண்டுகள் சிறைத்தண்டனை பெற்றார். அரச அதிகாரத்திற்கு அச்சுறுத்தலாக அமைந்தமையே இவர் மீதான முக்கிய குற்றச்சாட்டாக அமைந்திருந்தது .

அனைத்துலக மனித உரிமைகள் பிரகடனம் வெளியிடப்பட்டு 60 ஆண்டுகள் பூர்த்தியடைந்த 2008ம் ஆண்டு டிசம்பர் மாதம் 10ம் திகதி வெளியிடப்பட்ட சரம் 08 விஞ்ஞாபனத்தில் ஆரம்பத்தில் புத்திஜீவிகள் மற்றும் மனித உரிமை ஆர்வலர்கள் என 350ற்கு அதிகமான சீனர்கள் கையொப்பமிட்டிருந்தனர் . தற்போதோ சீனாவிற்கு உள்ளும் வெளியுமாக பத்தாயிரத்திற்கு அதிகமானவர்கள் இந்த விஞ்ஞாபனத்தில் கையொப்பமிட்டுள்ளமை குறிப்பிடத்தக்கது . சீனாவில் அரசியல் மாற்றத்திற்கான Charter
  08 விஞ்ஞாபனம் முன்னாள் செக்கோஸ்லோவாக்கியாவில் அதிருப்தியாளர்களால் வெளியிடப்பட்ட சோவியற் யூனியனுக்கு எதிரான Charter 77 ன் பெயரையும் பாணியையும் பின்பற்றியதாகவே அமைந்திருந்தமை சுட்டிக்காட்டத்தக்கது

லியு ஸியாபோவை சிறையடைத்ததன் மூலமாக அரசியல் மாற்றத்திற்கான வேர்களை முளையிலேயே கிள்ளிவிடுவதற்கு சீன அரசாங்கம் முயற்சித்த போதிலும் அதற்கு மாற்றான விடயமே நடந்தேறியுள்ளது .அடக்;குமுறை மூலம் உண்மையின் குரலை நசுக்கிவிடுவது எளிதல்ல அது இன்னுமின்னும் விஸ்வரூபமெடுத்து உலகையே ஆட்கொள்ளும் என்பதையே இது உணர்த்திநிற்கின்றது

தற்போது 54வயதுடைய ஸியாபோவின் பெயர் 1989ம் ஆண்டில் சீனத்தலைநகர் பீஜிங்கிலுள்ள தியனமென் சதுக்கத்தில் ஆட்சியாளர்களால் ஈவிரக்கமற்றமுறையில் மாணவர்களது ஆர்ப்பாட்டம் அடக்கியொடுக்கப்பட்டபோது முதலில் பிரபலமாக அறியப்பட்டிருந்தது

ஆனால் சீனா கடந்தாண்டில் அவரை சிறையடைத்ததன் பின்னர் தற்போது உலகிலுள்ள ஒவ்வொரு நாட்டிலும் லியு ஸியாபோவின் பெயரும் அவரது முன்னெடுத்த பணியின் நோக்கமும் நன்கறியப்பட்டதாகிவிட்டது .

அசூர வேகத்தில் பொருளாதார வளர்ச்சிகண்டுவரும் சீனாவில் ஜனநாயகம் என்பதே கிடையாது என்ற எண்ணக்கருவில் மாற்றத்தை ஏற்படுத்தும் வகையில் சீனாவின் உயர்மட்டத்தலைவர்கள் அரசியல் தாராளமயமாக்கல் குறித்த கருத்துக்களை வெளிப்படுத்த முறபடும் நிலையில் ஸியாபோவினை சிறையடைத்ததால் அவரது பெயர் நோபேல் சமாதானப்பரிசு உயர்ந்ததோடன்றி சீனாவிற்கு சர்வதேச அளவில் பாரியளவிலான அபகீர்த்தியை உண்டுபண்ணியுள்ளது.

ஸியாபோவிற்கு வழங்கப்பட்ட நோபேல் பரிசு இன்னுமின்னும் அதிகமான அதிருப்தியாளர்கள் உலகின் பல்வேறு பகுதிகளிலும் சர்வாதிகார ஆட்சியை நடத்திவருகின்றவர்களுக்கு எதிராக சிறிய அளவிலான எதிர்ப்பினைக்காண்பிப்பதற்கு சக்தியையும் உத்வேகத்தையும் கொடுக்கும் என நம்பிக்கை வெளியிடப்பட்டுள்ளது
.
சிறுதுளி பெருவெள்ளம் என்ற முதுமொழியை நாம் கேட்டதுண்டு சிறிய எதிர்ப்பு செயல் பெரிய தாக்கத்தை உண்டுபண்ணும் என்பதற்கு லியு ஸியாபோ சிறந்த உதாரணமாக திகழ்கின்றார்.

சர்வபலம் பொருந்திய ஆட்சியாளர்களுக்கு முன்பாக நாம் என்ன செய்யமுடியும் எமது இந்த சிறிய செயற்பாட்டால் என்ன மாற்றம் தான் நிகழ்ந்துவிடப்போகின்றது போன்ற எண்ணக்கருக்களைக் கொண்டிருப்பவர்களையும் கண்திறந்துபார்க்க வைப்பதாக சிந்திக்க வைப்பதாக முக்கியமாக செயற்படத்தூண்டுவதாக ஸியாபோவின் நோபல் பரிசு அமைந்துள்ளதென்றால் மிகையல்ல

வெறுமனே பெயரளவிலன்றி மாற்றுவலுவுள்ளோர் மனதளவிலும் ஏற்றுக்கொள்ளப்படவேண்டும்

                                                              அருண் ஆரோக்கியநாதர்

'ஒவ்வொரு பூக்களுமே சொல்கிறதே வாழ்வென்றால் போராடும் போர்க்களமே ஒவ்வொரு விடியலுமே சொல்கிறதே இரவானால் பகலொன்று வந்திடுமே' என்ற நம்பிக்கை தரும் பாடல்வரிகளை ஒரு முறையேனும் முணுமுணுக்காதவர்கள் நம்மில் வெகுசிலராகவே இருக்கக்கூடும் .

மாற்றுத்திறனாளிகள் மாற்றுவலுவுள்ளோர் என தற்போது பரவலாக அடையாளப்படுத்தப்படுகின்றதும் அங்கவீனர்கள் உடல் ஊனமுற்றோர் என கடந்தகாலங்களில் சமூகத்தில் இருந்து ஓரங்கட்டப்பட்ட பிரிவினரை ஊக்கப்படுத்துகின்ற வகையில் எழுதப்பட்ட இப்பாடலைக் கேட்கின்றபோதெல்லாம் உள்ளத்தில் எழுகின்ற உணர்ச்சிப் பெருக்கை வெறுமனே வார்த்தைகளில் வர்ணித்துவிடமுடியாது.

மாற்றுவலுவுள்ளோருக்கான சர்வதேச தினமான இன்று எமது சமூக அமைப்பில் தவிர்க்க முடியாத பாகமாக மாறிவிட்டுள்ள இந்த கௌரவத்திற்கு பாத்திரமான மக்களையும் அவர்கள் எதிர்கொள்கின்ற சிக்கல்களையும் அவர்களுக்கு எம்மால் செய்யக்கூடிய விடயங்களையும் சிந்தித்துப்பார்ப்பது சாலவும் பொருத்தமானதாகும்.

உலக சனத்தொகையில் ஏறத்தாழ 10 சதவீதமானோர் அதாவது சுமார் 650மில்லியன் மக்கள் அங்கவீனத்தைக் கொண்டிருப்பதாக உலக வங்கியின் அறிக்கையொன்றில் சுட்டிக்காட்டப்பட்டுள்ளது

யுஎன்டிபி என அறியப்படும் ஐக்கிய நாடுகள் அபிவிருத்தி நிகழ்ச்சித்திட்டத்தின் தரவுகளுக்கு அமைவாக உலகில் அங்கவீனத்தைக் கொண்டிருப்பவர்களில் எண்பது வீதமானவர்கள் வளர்முக நாடுகளிலேயே இருப்பதான அதிர்ச்சித்தகவல் வெளியிடப்பட்டுள்ளது.

 அங்கவீனம் இருக்குமானால் அது உங்களை உலகின் மிகப்பெரிய சிறுபான்மைக்குழுவின் அங்கத்தவராக மாற்றிவிடும் என்ற அளவில் அதன் உண்மையான பரிமாணம் பாரியதாகக் காணப்படுகின்றமையை நாம் வாழும் சமூதாயத்தினை அவதானித்தாலே உணர்ந்துகொள்ளமுடியும் .
அங்கவீனம் என்றதுமே நம்மவர்களில் பலருக்கு உடல் அவயவங்கள் அற்றவர்களே கண்முன் தோன்றுவர் .ஆனால் நிஜத்தில் அங்கவீனத்தை உடையவர்களின் மொத்தத் தொகையுடன் ஒப்பிட்டுப்பார்க்கையில் இவர்களின் எண்ணிக்கை குறைவானதென்பது வியப்பாகத் தோன்றலாம் .

இதனை மேலும் தெளிவாக கூறுவதென்றால் நம் கண்களுக்கு உடனே தெரியாத அங்கவீனத்தைக் கொண்டிருப்பவர்களே சமூகத்தில் அதிகளவில் காணப்படுகின்றனர் என்பதே நிதர்சனமாகும் . சமூக விஞ்ஞானத்தின் வளர்ச்சியின் விளைவாக உடலியல் குறைபாடுகளுக்கு மேலாக அறிவியல் குறைப்பாடுகள் அபிவிருத்திக் குறைபாடுகள் போன்றவற்றால்; பாதிக்கப்பட்டவர்களைக் கூட அங்கவீனர்கள் என்ற பரந்துபட்ட பிரிவாக வகைப்படுத்துகின்றனர்.

அங்கவீனத்தைக் கொண்டிருப்பவர்களின் எண்ணிக்கை கிரமமாக அதிகரித்துவருவதனை புள்ளிவிபரங்கள் உறுதிப்படுத்திநிற்கின்றன .

அ)எச்ஜவி எயிட்ஸ் போன்ற புதிய நோய்களின் தோற்றம் மன அழுத்தம் மதுப்பாவனை போதைபாவனை போன்ற தீங்கான விடயங்களால் ஏற்படும் பாதகமான தாக்கங்கள்

ஆ) வயதெல்லை அதிகரிப்பும் முதியோர்களின் பெருகிவரும் எண்ணிக்கையும் இவர்களில் பல உடற்சீரியக்கமற்றவர்களாக காணப்படுகின்றனர்

இ) போசாக்கீன்மை நோய்த்தாக்கம் சிறுவர்களைத் தொழிலுக்கமர்த்தல் போன்ற பல காரணங்களால் அடுத்துவரும் 30 ஆண்டு காலப்பகுதியில் உலகில் குறிப்பாக வளர்முக நாடுகளில் அங்கவீனத்தைக் கொண்டிருக்கும் சிறுவர்களின் எண்ணிக்கையில் அதிகரிப்பு ஏற்படும் என கூறப்பட்ட எதிர்வுகூறல் நிஜமாகிவருகின்றமை

ஈ)ஆயுத மோதல்கள் மற்றும் வன்முறைகள்

ஆகியன அங்கவீன அதிகரிப்பிற்கு முக்கிய காரணமாக சுட்டிக்காட்டப்படுகின்றன.

70வயதிற்கு மேலாக ஆயுட்காலத்தைக் கொண்ட நாடுகளில் வாழும் மக்கள் சராசரியாக 8 ஆண்டுகளை அன்றேல் தமது ஆயுளின் 11.5வீதத்தை அங்கவீனத்துடன் கழிக்க நேரிடுவதாக ஆய்வு முடிவொன்றில் தெரிவிக்கப்பட்டுள்ளது

இலங்கையும் அங்கவீனமும்

இலங்கையில் அங்கவீனர்களின் தொகை குறித்து சமூக சேவைகள் அமைச்சின் கீழ் இயங்கும் திணைக்களமொன்றின் அதிகாரியொருவரைத் தொடர்புகொண்டு வினவியபோது இலங்கை சனத்தொகையில் சுமார் ஏழுவீதமானோர் அங்கவீனத்தைக் கொண்டிருப்பதாக குறிப்பிட்டார் .
.
இந்த எண்ணிக்கை கடைசியாக 2001ம் ஆண்டில் மேற்கொள்ளப்பட்ட குடிசன மதிப்பீட்டுக்கமைவானதென தெரிவித்த அந்த அதிகாரி யுத்தத்திற்கு பின்னரான உண்மையான நிலவரம் அடுத்தவருடம் இடம்பெறவுள்ள குடிசன மதிப்பீட்டின் பின்னரே தெரிய வரும் எனச் சுட்டிக்காட்டினார்.

பிறப்பு அங்கவீனத்தைக் கொண்டவர்களுடன் பின்னர் முதுமை நோக்கிய வாழ்வில் அங்கவீனத்தைக் கொண்டவர்களைத் தவிர யுத்த வன்முறைகளால் அங்கவீனர்களானவர்களின் எண்ணிக்கையும் அடங்கும்.

இலங்கையில் மூன்றுதசாப்தகாலமாக இடம்பெற்ற யுத்தால் காவுகொள்ளப்பட்ட உயிர்களிலும் அதிகமாக அங்கவீனத்திற்குட்பட்டவர்களின் எண்ணிக்;கை காணப்படும் என்பதைச் சொல்வதற்கு மேதைகள் தேவையில்லை.

பொதுமக்கள் அரச படையினர் விடுதலைப்புலிகள் இயக்க உறுப்பினர்கள் ஏனைய இயக்கங்களைச் சேர்ந்த உறுப்பினர்கள் என யுத்தத்தால் நாட்டின் பலபகுதிகளிலும் வாழ்கின்ற மக்கள் அங்கவீனமுற்றுள்ளனர் .இதில் வடக்கு கிழக்கை சேர்ந்த தமிழ் மக்களது எண்ணிக்கையே அதிகமானதாக இருக்கும் என்பதில் மாற்றுக்கருத்துக்கள் இருக்கும் என நினைக்கவில்லை .

 தமிழ் மக்களில் எத்தனைபேர் யுத்தத்தால் அங்கவீனமாகினர் என்ற உத்தியோகபூர்வமான தரவுகள் இல்லை இதற்கு வடக்கு கிழக்கில் கடந்த 30வருடகாலமாக குடிசனமதிப்பீடு இடம்பெறாமையும் முக்கியகாரணமாகும் .

     யுத்தத்தால் அவயவங்களை இழந்தோரின் நிலை
யுத்தம் நிறைவடைந்ததாக பிரகடனப்படுத்தப்பட்டு 16 மாதங்கள் கடந்துவிட்ட நிலையிலும் அவயவங்களை இழந்த ஆயிரக்கணக்கானோர் உதவிகளுக்காக காத்திருப்பதாக ஐரின்(IRIN) செய்திச்சேவை அண்மையில் சுட்டிக்காட்டியிருந்தது

 அவயவங்களை இழந்தவர்களுக்கு செயற்கை அவயவங்களை பொருத்தும் பணியினை மேற்கொண்டுவரும் Sri Lanka School of Prosthetics and Orthotics நிறுவனத்தை மேற்கோள் காட்டி வெளியிட்டுள்ள தகவலின் அடிப்படையில் இலங்கையில் கணக்கெடுக்கப்பட்டுள்ள 160000 அவயவங்களை இழந்தோரில் 90 சதவீதமானோர் தரமான செயற்கைக்கால்களைப் பெறுவதில் சிரமங்களை எதிர்நோக்கியிருப்பதாக தெரிவிக்கப்பட்டுள்ளது.இவர்களில் அனேகமானோர் சிவில் யுத்தத்துடன் தொடர்புடைய நிலக்கண்ணிவெடி மற்றும் குண்டுவெடிப்புக்கள் காரணமாகவே அவயவங்களை இழந்ததாகவும் சுட்டிக்காட்டப்பட்டுள்ளது

2009ம் ஆண்டின் முற்பகுதியில் யுத்தத்தின் போது இடம்பெற்ற ஷெல் தாக்குதலில் தனது இருகால்களையும் இழந்து இன்னும் செயற்கை கால்களை பெற்றுகொள்ள முடியாதநிலையிலுள்ள முல்லைத்தீவைச் சேர்;ந்த 25வயதுடைய ஜெகநாதன் சிவகுமாரன் என்ற இளைஞரின் கருத்தையும் ஜரிஎன் செய்திச் சேவை பதிவுசெய்துள்ளது.

'நான் பணத்திற்காக ஒரு விலங்கினைப் போன்று வீதிகளில் பிச்சையெடுத்துக்கொண்டிருக்கின்றேன் .யுத்தத்தால் அங்கவீனாகிய நான் இன்னமும் அதனால் வேதனைப்பட்டுக்கொண்டிருக்கின்றேன்'  என்கிறார் ஜெகநாதன் சிவகுமாரன்

அவயவங்களை இழந்தவர்களுக்கு பொருத்தப்படும் செயற்கை அவயவங்களிலும் உடலுக்கு மிகநெருங்கி ஒத்திசைவாக காணப்படுபவை உடலுக்கு கடினமானவை என வித்தியாசம் உள்ளன.

மனித உடலுக்கு மிகவும் நெருக்கமானதும் ஒத்திசைவானதுமான அவயவங்களைத்தயாரிப்பதற்கு உபயோகப்படுத்தப்படுகின்ற மூலப்பொருட்கள் அமெரிக்காவில் இருந்து இறக்குமதி செய்யப்படுகின்றதுடன் அவற்றின் விலை மிகவும் அதிகமானதாகும் .அதனுடன் ஒப்பிட்டுப்பார்க்கையில் இந்தியாவில் இருந்து தருவிக்கப்படும் மூலப்பொருட்கள் விலைகுறைவானதாக காணப்படுகின்ற போதிலும் அது பயனாளர்களுக்கு எளிதாக இருப்பதில்லை என சுட்டிக்காட்டப்படுகின்றது.

அமெரிக்காவில் இருந்து இறக்குமதிசெய்யப்படும் உயர்தரம் வாய்ந்த செயற்கை அவயவம் ஒன்றைப்பெறுவதற்கு 5000 முதல் 12000 அமெரிக்க டொலர்களை செலவிடவேண்டிய நிலை காணப்படுகின்றது .வருடமொன்றிற்கே சராசரியாக 4500 அமெரிக்க டொலர்களை சம்பாதிக்கின்ற இலங்கை மக்களால் இத்தகைய உயர்தர செயற்கை அவயவங்களை பெற்றுக்கொள்ள முடியாதநிலை காணப்படுகின்றது.

காட்டில் விறகுதேடச்சென்ற போது நிலக்கண்ணிவெடியில் சிக்கி 2007ம் ஆண்டில் வலது காலை இழந்த யாழ்ப்பாணத்தைச் சேர்ந்த 41வயதுடைய ஷங்கர் கமலராஜன் என்பவரது கருத்;தையும் ஐரிஎன் செய்திச்சேவை பதிவுசெய்திருந்தது இவ்வருடத்தின் பெப்ரவரி மாதத்திலேயே உள்ளுர் சமூக நிறுவனமொன்றின் அனுசரணையின் மூலமாக ஷங்கருக்கு செயற்கைக்கால் கிடைத்திருந்தது

தனக்கேற்பட்ட நிலைமை குறித்து கருத்துவெளியிட்ட ஷங்கர் ' என்னால் எதனையுமே செய்துகொள்ள முடியாத நிலை காரணமாக இரண்டு வருடகாலங்களை நான் பிச்சைக்காரனைப் போன்று கழிக்க நேர்ந்தது .உணவின்றி பட்டினி கிடந்த நாட்களும் உள்ளன. கடந்த காலத்தில் முடக்கப்பட்ட நிலையிலான ஏற்பட்ட உளவியல் தாக்கத்திலிருந்து விடுபட்டு (செயற்கைகாலுடன் கூடிய) புதிய வாழ்விற்கு என்னை இசைவாக்கிக்கொள்ள முயற்சித்துவருகின்றேன்' எனக் கூறினார்.

ஆனால் அனுசரணையாளர்களின் உதவியைப் பெற்றுக்கொள்ள முடியாதுள்ள பலரின் நிலைமை கேள்விக்குரியதாகவே காணப்படுகின்றது .

அங்கவீனமுற்றோரின் வாழ்வை மேம்படுத்தும் பணியில் ஈடுபட்டுள்ள அமைப்புக்களிலொன்றான லெனாட் செசாயர் அமைப்பின் முகாமையாளர் அலி ஷப்றியிடம் வினவியபோது அங்கவீனமுற்றவர்களுக்கு உதவுவதற்கு தமக்கு மனமிருந்தபோதும் போதிய வளங்கள் பற்றாக்குறையாக இருப்பதாக சுட்டிக்காட்டினார் . இதன்காரணமாகவே பாரிய தேவைகளைக் கொண்டிருக்கும் வடக்கு கிழக்கு பிரதேசத்தில் தமது சேவையை விஸ்தரிக்க முடியாதுள்ளதாகவும் குறிப்பிட்டார்.

அங்கவீனமுற்றோருக்கு நிதி மற்றும் வளங்கள் மூலமாக உதவுகின்ற தேவை பெரிதாக இருக்;கின்றது அதனைவிடவும் இலங்கை மக்களும் ஆட்சியாளர்களும் பாரிய தேவையைப் பூர்த்திசெய்யவேண்டும் என அலி ஷவ்றி சுட்டிக்காட்டினார்.

அங்கவீனமுடையவர்களுக்கு சமூகத்தில் தரப்படுகின்ற அங்கிகாரமும் சந்தர்ப்பங்களும் தற்போது மிகமிக குறைவானதாகவே காணப்படுகின்றது.இவ்விடயத்தில் மக்களின் மனநிலையிலும் அதிகாரங்களிலுள்ளவர்களின் அணுகுமுறைகளிலும் கொள்கை வகுப்பிலும் நடைமுறைப்படுத்தலிலும் மாற்றங்கள் ஏற்படவேண்டும் என ஷவ்றி தெரிவித்தார்.

அங்கவீனமுடையவர் பாரபட்சமாக பார்க்கப்படும் நிலைமை உலகளவில் பரவலாக காணப்படுகின்றது

2004ம் ஆண்டில் பிரித்தானியாவில் மேற்கொள்ளப்பட்ட ஆய்வில் அங்கவீனமுற்றவர்கள் வன்முறை அன்றேல் பாலியல் வன்புணர்ச்சிக்குட்படுத்தப்படுவதற்கான அதிக சாத்தியக்கூறுகளைக் கொண்டிருப்பதாக சுட்டிக்காட்டப்பட்டுள்ளது

உலகில் உழைக்கும் வயதைச் சேர்ந்தவர்களில் 386மில்லியன் பேர் ஏதோ ஒரு வகையான அங்கவீனத்தைக் கொண்டிருப்பதாக சர்வதேச தொழிலாளர் ஸ்தாபனம் தெரிவித்துள்ளதுடன் சில நாடுகளைப் பொறுத்தவரையில் அங்கவீனமுடையவர்கள் மத்தியில் வேலையில்லாப்பிரச்சனை 80சதவீதமாக காணப்படுவதாக சுட்டிக்காட்டுகின்றது

அங்கவீனமுடையவர்கள் தமக்கு வழங்கப்பட்ட வேலைகளை செயற்திறனுடைய முறையில் செய்யமாட்டார்கள் என காலகாலமாக நிலவிவரும் தப்பபிப்பிராயங்களும் அவர்களை வேலையில் சேர்த்துக்கொண்டால் அதிக சலுகைகளை வழங்கவேண்டும் என்ற எண்ணமுமே அங்கவீனமுற்றவர்கள் மத்தியில் காணப்படும் தொழிலின்மை பிரச்சனைக்கு முக்கிய காரணமாகும்.

ஆனால் மனதை ஒருமுகப்படுத்தி நேரத்தை வீணடிக்காது வேலைசெய்வதில் அங்கவீனமுடையவர்கள் எவருக்குமே சளைத்தவர்களோ இரண்டாம்தரமானவர்களோ கிடையாது என்பது பல இடங்களில் நிருபிக்கப்பட்டுள்ளது.

அங்கவீனமுடையவர்களை அங்கவீனர்கள் என்று அழைப்பதற்கு பதிலாக மாற்றுவலுவுள்ளோர் மாற்றுத்திறனாளிகள் மாற்றுத்திறன் உடையோர் என அழைப்பதெல்லாம் நல்ல மாற்றங்களே .ஆனாலும் மக்களாகிய நாமும் அதிகாரத்திலுள்ளவர்களும் இந்த பெயர்மாற்றத்தினால் மாத்திரம் நன்மைகிட்டும் என்றுவிட்டு பொறுப்புக்களை தட்டிக்கழித்துவிடமுடியாது .

இவர்கள் விடயத்தில் இதயசுத்தியுடன் உளப்பூர்வமாக நாம் எமது சிந்தனைப்போக்கையும் செயற்பாடுகளையும் மாற்றிக்கொள்ள இன்றைய தினத்திலேனும் நாம் உறுதிபூணவேண்டும்

உலகத்திற்கு சிலி நாடு தந்த படிப்பினைகள்

வறுமை பட்டினி இயற்கை அனர்த்தங்கள் யுத்தம் சுரண்டல் ஆக்கிரமிப்பு என உலகில் மனிதப் பெறுமதிகளை குறைக்கின்ற செய்திகள் அண்மைக்காலமாக அதிகரித்துவருகின்ற நிலையில் மனிதகுலம் மாபெரும் வளர்ச்சியைக்காண்பதற்கு அடித்தளமாக இருந்த மனிதாபிமானம் நம்பிக்கை பொறுப்புக்கூறும் தன்மை கடும் உழைப்பு விடாமுயற்சி புதிய தேடல் போன்ற மகத்தான குணாம்சங்களை எடுத்துக்காட்டிய நிகழ்வு கடந்தவாரத்தில் நிகழ்ந்திருந்தது

 சிலியின் தங்கம் மற்றும் தாமிர சுரங்கத்தில் 2000 அடிக்கு கீழான ஆழத்தில ;சிக்கியிருந்த 33 சுரங்கத்தொழிலாளர்கள் 69நாட்களுக்கு பின்னர் மீட்கப்பட்ட நிகழ்வு உலகமக்களின் பெரும் அவதானத்தை ஈர்த்திருந்தது

இந்தச்சுரங்கத்தொழிலாளர்களுக்கு என்ன நடந்தது எப்படி நடந்தது மீட்புபணிகள் எவ்வாறு முன்னெடுக்கப்பட்டன போன்ற விடயங்களெல்லாம் கடந்த ஒருவாரகாலத்திற்கும் மேலாக ஊடகங்களில் அதிக அதிகமாக ஆராயப்பட்டு செய்திகள் வெளியாகியிருந்தன

மனித உயிரின் பெறுமதியை எவ்வாறு மதித்து செயற்படவேண்டும் என்பதற்கு இந்த மீ;ட்புச்சம்பவம் எடுத்த்துக்காட்டாக அமைந்ததுடன் இவ்வாறான அனர்த்தங்களின் போது விபத்தில் சிக்கிக்கொண்டவர்கள் எவ்வாறு நடந்துகொள்ளவேண்டும் அதற்கு தலைமைத்துவம் கொடுப்பவர்கள் எங்கனம் செயற்படவேண்டும் என்பதற்கும் இது உதாரணமாகியது

பொருளாதாரத்தில் தமது நாடு வளர்ச்சியடையவேண்டும் என்பதற்காக மனித உயிர்களைப்பற்றிப்பற்றிய பொறுப்பின்றி செயற்படுகின்ற நாட்டுத்தலைவர்களுக்கு இந்த சம்பவம் சிறந்த பாடமாக அமைந்திருக்கின்றது

சிலி நாட்டின் தற்போதைய ஜனாதிபதி செபஸ்டியன் பினேரா பெருங்கோடிஸ்வரராக இருந்தபோதிலும் அவர் தனது நாட்டுமக்களின் உயிரைக்காப்பாற்றுவதில் வெளிப்படுத்திய தலைமைத்துவம் போற்றத்தக்கது

வெறுமனே 33பேர்தானே என்று அந்த கோடீஸ்வரர் உல்லாசத்தில் மூழ்கியிருக்கவில்லை மாறாக சம்பவ இடத்திற்கே நேரில் சென்று மீட்புப்பணிகளை பார்வையிட்டும் தேவையான நேரத்தில் உத்தரவுகளை வழங்கியும் தனது பொறுப்பை செவ்வனே செய்திருந்தார்
அவரைத்தவிர சுரங்கத்தில் சிக்கிக்கொண்டவர்கள் நெருக்கடி நிலையின் போது நடந்துகொண்ட பாங்கு அதிலும் சுரங்கத்தில் இருந்தவர்களுக்கு தலைமைதாங்கிய லூயிஸ் உருஸா செயற்பட்ட பாங்கும் தற்போது பெரும் அவதானத்தை ஈர்த்துள்ளன .

உலகமே அவர்கள் இறந்திருக்கக்கூடும் என எண்ணியிருந்த நம்பிக்கையற்ற தருணத்தில் அதளபாதாளத்தில் இருந்து கொண்டு உயர் ஒழுக்க விழுமியத்தை பேணிய சுரங்கத்தொழிலாளர்கள் சுயநலமாக செயற்படாமல் தம்வசம் இருந்த உணவுப்பொருட்கள் போன்றவற்றை மிகச் சிக்கனமாக புத்திசாதுரியத்துடன் பாவித்து உதவிகிட்டும் வரையில் தமது உயிரைத்தக்கவைத்துக்கொண்டமை இங்கே சுட்டிக்காட்டத்தக்கது

சுரங்கத்தில் இருந்தவர்களுக்கு தலைமைதாங்கிய லூயிஸ் உருஸாவின் வழிகாட்டலில் அவர்கள் உணவையும் பானத்தையும் சிறுசிறு பருக்கையாக அதாவது அருமருந்தாக பயன்படுத்தியிருக்கின்றனர்

இருப்பவற்றை ஒரே நேரத்தில் தின்றுகுடித்துவிட்டு நாளைக்கு என்ன செய்வோம் என்று திண்டாடும் மக்களுக்கும் இது பாடமாகும்
அதிலும் பார்க்க சிறந்த பாடம் விபத்து அனர்த்தம் நேரும் தருணங்களில் வெளி உதவிகள் வந்து சேரும் வரையில் எமது சுயபுத்தியைப் பாவித்து உதவிகளை பெறத்தக்கவாறு எமது உயிரை பாதுகாத்துவைத்திருப்பது எங்கனம் என்பதாகவே இருந்தது

 மீட்கப்பட்டபின்னர் இந்த சுர்ங்கத்தொழிலாளர்களுக்கு உலக நாடுகளில் இருந்து சுற்றுலா அழைப்புக்களும் பரிசுப்பொருட்களும் புகழாரங்களும் குவிந்துகொண்டிருக்க அவர்கள் அனைத்திலும் மேலாக ஒன்றைப்பற்றி சிந்தித்துவருகின்றார்கள் என்பதே தற்போது பிந்திய செய்தியாக கிடைத்திருக்கின்றது

ஆம் சுரங்கத்தில் இருந்து மீட்கப்பட்டவர்கள் அனைவரும் இணைந்து சுரங்கப்பாதுகாப்பு குறித்த நிறுவனமொன்றை அமைத்து விழிப்புணர்வை ஏற்படுத்துவதற்கு திட்டமிட்டுள்ளார் என்ற செய்தியே அதுவாக இருக்கின்றது

ஆகமொத்தத்தில் சிலி சுரங்த்தொழிலாளர்கள் அதளபாதாளத்தில் இருந்து மீட்கப்பட்டது நம்பிக்கையற்ற நிலையில் இருள் சூழ்ந்த பொழுதுகளில் நம்பிக்கை கீற்றாகவும் புதிய வெளிச்சமாகவும் அமைந்திருக்கின்றதென்றால் மிகையல்ல. குறிப்பாக இவ்வாண்டு முற்பகுதியில் இடம் பெற்ற கடும் பூகம்பத்தால் சின்னாபின்னமாகியிருந்த சிலி மக்களின் மன உணர்வுகளுக்கு பெரும் உத்வேகத்தையும் மகிழ்ச்சியையும் இந்த சம்பவம் வழங்கியிருக்கின்றது

சுpலி நாட்டு சம்பவம் மனிதாபிமானம் நம்பிக்கை பொறுப்புக்கூறும்தன்மை விடாமுயற்சி கடும் உழைப்பு புதிய தேடல் ஆகிய மனித குணாம்சங்களின் எடுத்துக்காட்டாக விளங்கிநின்றது

சமூக வலையமைப்பின் வியக்கவைக்கும் வியாபிப்பு

பேஸ்புக் என்பதை நாம் ஏதோ மூன்றாவது நபருக்குரிய விடயம் என அலட்சியம் செய்துவிட்டு இருந்துவிடமுடியாது. இது எமது உறவுகள் நண்பர்கள் அயலவர்கள் சம்பந்தப்பட்டதாக இருப்பதே இதற்கு முக்கியமானமான காரணமாகும் 


தற்போதைய நிலையில் உலகளவில் வயதுவித்தியாசமின்றி மிகவேகமாக வளர்ச்சிகண்டுவருகின்ற அன்றேல் பரவி வியாபித்துவருகின்ற வலையமைப்பு எதுவென்றால் அதற்கு பதில் 'Facebook' பேஸ்புக் என்பதாகத்;தான் இருக்க முடியும்
 .
2004ம் ஆண்டு பெப்ரவரி மாதம் 4ம்திகதி ஆரம்பிக்கப்பட்ட சமூக வலையமைப்பான பேஸ்புக் இணையத்தளத்தில் இவ்வாண்டு ஜுலைமாதத்தில் 500மில்லியனுக்கு மேற்பட்ட அங்கத்தவர்கள் அன்றேல் பயனாளர்கள் உள்ளதான தகவல் ஆச்சரியமிக்கதாகவே அமைந்திருக்கும்
பேஸ்புக் இணையத்தளத்தில் முதல் 100மில்லியன் பாவனையாளர்கள் இணைந்துகொள்வதற்கு 1665நாட்கள் எடுத்தன .2008ம் ஆண்டு ஒகஸ்ற் 26ம்திகதியே 100மில்லியன் பாவனையாளர்கள் என்ற இலக்கு எட்டப்பட்டது

 அதற்குப்பின்னர் அசூர வேகத்தில் பேஸ்புக்கின் அங்கத்துவம் கூடிக்கொண்டு செல்கின்றதை நோக்கமுடியும் 100மில்லியனில் இருந்து 200மில்லியன் எண்ணிக்கையைத் தொடுவதற்கு 225நாட்களும் 300மில்லியனைத் தொடுவதற்கு 160நாட்களும் 400மில்லியன் எண்ணிக்கையை எட்டுவதற்கு 143நாட்களும் 400ல் இருந்து 500மில்லியனைத் தொடுவதற்கு 166நாட்களும் எடுத்துள்ளன.


தினமும் லட்சத்திற்கு மேற்பட்டவர்கள் புதிதாக பேஸ்புக் அங்கத்தவர்களாக இணைந்துகொண்டிருப்பதன் காரணமாக ஜுலை மாத பிற்பகுதியில் 500மில்லியன்களை எட்டிய பேஸ்புக் இணையத்தளத்தின் கடந்தவாரத்தில் அங்கத்தவர்கள் எண்ணிக்கை 520 மில்லியன்களாக அதிகரித்திருக்கின்றது
அமெரிக்கா கனடா மற்றும் ஸ்கண்டிநேவிய நாடுகளில் 40வீதத்திற்கு அதிகமானவர்கள் பேஸ்புக்கின் தீவிர அங்கத்தவர்களாக உள்ளமை சுட்டிக்காட்டத்தக்கது

                                       உலகளவில் பேஸ்புக்கின் வளர்ச்சி 
                                          

பேஸ்புக் இணையத்தளத்தில் அங்கத்தவர்களாக இருப்பவர்களுக்கு சராசரியாக 130 இணைய நண்பர்கள் பேஸ்புக்கில் இருப்பது ஆய்வில் கண்டறியப்பட்டுள்ளது

உலக சனத்தொகையில் 14 பேரில் ஒருவர் தற்போது பேஸ்புக்கில் அங்கத்தவர்களாக உள்ளனர் என்ற செய்தி ஒருபக்கம் அதன் அசூர வளர்ச்சியைக் காண்பித்தாலும் மறுமுனையில் நமது சமூகத்தில் ஏற்பட்டுவருகின்ற சமூக கலாசார மாற்றத்தினையும் காண்பித்து நிற்கின்றதென்றே கூறவேண்டும்
 .
ஓய்வின்றி மக்கள் உழைத்துக்கொண்டிருக்கின்ற பரபரப்பான உலகத்தில் நண்பர்களின் பிறந்தநாள்களை நினைவில் வைத்திருப்பது ஒருநண்பரின் இணையத் தோட்டத்திற்குள் சென்று பூச்சியை விடுவது காய்கறிகளைப் பரிசளிப்பது என்பதையெல்லாம் பேஸ்புக் வந்ததன் பின்னரே சாத்தியமாகின.
பிறந்தநாள் திருமணங்கள் பட்டமளிப்பு விழாக்கள் பதவியுயர்வுகள் வருடாந்த நிறைவு தினக்கொண்டாட்டங்கள் போன்ற பல தனிப்பட்ட நிகழ்ச்சிகள் பற்றிய தகவல்கள் கூட சுடச்சுட பேஸ்புக் ஊடாக பரிமாறப்படுகின்றன தகவல்கள் மட்டுமன்றி புகைப்படங்களும் ஏன் பிடித்த பாடல்களும் கட்டுரைகளும் கூட பேஸ்புக்கில் பரிமாறப்படுகின்றன.

வீடுகள் அலுவலகங்கள் பொது இடங்கள் ஏன் கைத்தொலைபேசிகளை வைத்திருப்பவர்களில் கணிசமானவர்கள் தாம் செல்லுகின்ற இடங்களில் எல்லாம் பேஸ்புக் இணைய வலையமைப்பில் அதிகமதிகமாக நேரத்தை செலவிட்டு வருவதனை ஆய்வுகள் உறுதிசெய்கின்றன .

பேஸ்புக் இணையத்தளத்தில் அங்கத்தவர்களாக இருக்கின்றவர்கள் ஒவ்வொருமாதமும் அண்ணளவாக 700 பில்லியன் நிமிடங்களை செலவிடுவதாக தற்போது தகவல்கள் வெளியாகியுள்ளன
.
ஓவ்வொரு மாதமும் பேஸ்புக் அங்கத்தவர்கள் 30பில்லியனுக்கு அதிகமான புகைப்படங்கள் செய்திக் கட்டுரைகள் இணையத்தளங்களுக்கான தொடர்புக் குறிகாட்டிகள் (web links)போன்றவற்றை பேஸ்புக் இணையத்தளத்தினூடாக பகிர்ந்துகொண்டுள்ளதாக சுட்டிக்காட்டப்படுகின்றது .
பேஸ்புக் என்பது ஒரு தனிநாடாக கருதப்படுமானால் அது சீனாவிற்கு இந்தியாவிற்கு அடுத்து அதிக சனத்தொகை கொண்டநாடாக இருக்கும்  அத்தோடு பேஸ்புக் 70 உத்தியோகபூர்வ மொழிகளில் உள்ளமையால் அதன் பல்கலாசாரத்தன்மையை எந்தவொருநாட்டாலும் இலகுவில் எட்டிவிடமுடியாது இது பேஸ்புக்கின் பாரிய பரிணாமவளர்ச்சிக்கு சான்றுபகர்வதாகவும் அமைந்திருந்தது

உலகில் இலங்கை உட்பட 212 நாடுகளைச் சேர்ந்தவர்கள் பேஸ்புக்கில் அங்கத்தவர்களாக உள்ளனர் .ஆகக்கூடுதலாக அங்கத்தவர்களைக் கொண்ட நாடாக பேஸ்புக் தலைமையகம் அமைந்துள்ள அமெரிக்கா திகழ்கின்றது அமெரிக்காவில் 133மில்லியன் பேர் பேஸ்புக் அங்கத்தவர்களாக திகழ்கின்றனர். 260 அங்கத்தவர்களுடன் ஆகக்குறைந்த அங்கத்தவர்களைக் கொண்ட நாடாக நாரு(Nauru) உள் 

Kjy; gj;J ehLfs;

mnkhpf;fh -   138.6 kpy;ypad;

gphpj;jhdpah-   27.2 kpy;ypad;

,e;NjhNdrpah- 26.8 kpy;ypad;  

JUf;fp-       22.6kpy;ypad;

Gpuhd;];-      18.8 kpy;ypad
fdlh        17 kpy;ypad;

;,j;jhyp-      16.5 kpy;ypad;

gpypigd;];    16.4kpy;ypad;  

nkf;]pNfh    15.1 kpy;ypad;

,e;jpah       13.6 kpy;ypad;

           ,yq;ifapy; Ng];Gf;fpd; jhf;fk; vg;gbAs;sJ?

674 480 அங்கத்தவர்களுடன் இலங்கை இந்த வரிசையில் 74வது இடத்திலுள்ளது


.இலங்கையின் மொத்த சனத்தொகையில் 3.14வீதமென்பதுடன் இணையவசதியுடையவர்களில் மூன்றிலொரு பங்கு(37.97%) என்பதும் சுட்டிக்காட்டத்தக்கது

                                       இலங்கையில் பேஸ்புக்கின் வளர்ச்சிவீதம் 

இலங்கையில் பேஸ்புக் அங்கத்தவர்களில் 435,040 பேர் ஆண்களாகவும் 228,740 பேர் பெண்களாகவும் உள்ளனர்

                     இலங்கையில் பேஸ்புக் பயன்படுத்துபவர்களின் வயதுவீதம் 
                                      

.
அறிமுகமான ஆரம்பத்தில் இளைஞர் யுவதிகள் மத்தியிலேயே பிரபலமாகியிருந்த பேஸ்புக் தற்போது சிறுவர்கள் முதற்கொண்டு பெரியவர்களையும் வேகமாக கவர்ந்து அதன் வலையமைப்பில் உள்வாங்கிவருகின்றது

காலை எழுந்தவுடன் பத்திரிகை படிப்படி அன்றேல் தேநீர் கோப்பி அருந்துவது போன்று தற்போது காலை எழுந்ததுமே பல்துலக்காமல் பேஸ்புக் பார்க்கும் பழக்கம் ஒருசாரரிடையே ஏற்பட்டுள்ளது காலையில் மாத்திரம் என்றால் பரவாயில்லை நாள் பொழுதிலும் ஏன் பின்னிரவுவேளையிலுமே பேஸ்புக்கில் தொங்கிக்கொண்டிருப்பவர்களின் எண்ணிக்கை அதிகரித்துக்கொண்டே செல்கின்றது

இலங்கையிலுள்ள பல அலுவலகங்களில் பணியாளர்கள் அதிகமதிகமான நேரத்தை பேஸ்புக்கில் செலவிடுவதனை அறியமுடிகின்றது காலையில் வேலைக்கு வந்தவுடனேயே இறைவனுக்கு வழிபாடுசெய்கின்றனரோ இல்லையோ பேஸ்புக் இணைப்பில் தம்மை ஈடுபடுத்திக்கொண்டே பணியை ஆரம்பிக்கின்றனர் பணியாளர்கள் அதிகமதிகமான நேரத்தை பேஸ்புக்கில் செலவிட்டு நேரடிவீணடிப்பு செய்வதால் சில நிறுவனங்களில் பேஸ்புக் பார்ப்பதையே தடைசெய்கின்ற நிலைமையும் நேரக்கட்டுப்பாடுகளை விதிக்கின்ற நிலைமையும் ஏற்பட்டுள்ளதை அறியமுடிகின்றது இதே நிலைதான் உலகின் ஏனைய பல இடங்களிலும் காணப்படுகின்றது


பேஸ்புக் ஏற்படுத்தியுள்ள சமூக மாற்றம்

புதிய எண்ணங்களின் படைப்புத் தலைமையகமாக உலகில் விளங்கிநிற்கின்ற ஹாவார்ட் பல்கலைக்கழக மாணவர்களால் உருவாக்கப்பட்ட பேஸ்புக் ஆரம்பத்தில் ஹாவார்ட் பல்கலைக்கழகத்திற்குள் பரவி இன்றோ 500 மில்லியன் அங்கத்தவர்களைக் கொண்டு பாரிய விருட்சமாக மாறிநிற்பது மட்டுமன்றி கணனி மற்றும் இணைய உலக ஜாம்பவான்களான கூகுள் அப்பிள் யாகூ மற்றும் மைக்ரோசொப்ட் போன்ற நிறுவனங்களையும் இணையத்தை பாவனையாளர்களுக்கு நெருக்கமானதாக பயன்பாட்டிற்கு எளியதாக மாற்றுவதற்கு ஊந்துசக்தியாக விளங்கிநிற்கின்றது

பேஸ்புக் இணையத்தளத்தின் இணைஸ்தாபகரும் பிரதம நிறைவேற்று அதிகாரியுமான மார்க் சூக்கர்பேர்கும் அவரது ஹாவர்ட் பல்கலைக்கழக முன்னாள் நண்பர்களும் தமது தூரதரிசனப்பார்வையுடனான கண்டுபிடிப்பின் மூலமாக தனித்தீவுகளாக தகவல்களை தமக்குள்ளேயே அடக்கி வாழ்ந்த மக்களின் எண்ணக்கருக்களில் பாரிய மாற்றத்தைக் கொண்டுவந்துள்ளதுடன் ; தமக்கிடையே அதிகமதிகமான தகவல்களை பகிர்ந்துகொள்வதற்கு வழிவகை செய்துள்ளனர்

பேஸ்புக்கை மையமாக் கொண்ட முதலாவது திரைப்படம் ஒக்டோபர் மாதம் முதலாம் திகதி திரைக்கு வரவுள்ளது இந்த திரைப்படத்திற்கு 'Social Network' எனப் பெயரிடப்பட்டுள்ளது

பேஸ்புக் தற்போது மிகவும் தீவிரமாக கவனத்திற்குட்படுத்தப்படவேண்டிய தவிர்க்கப்படமுடியாத விடயம் என்றாகிவிட்டுள்ளது மக்கள் தமது எண்ணக்கருக்களை ஒருவர்மற்றவருடன் பகிர்ந்துகொள்கின்றபோதே சமூக விழுமியங்கள் வடிவம் பெறுகின்றன என்பதற்கமைவாகவே பேஸ்புக் தவிர்க்கப்படமுடியாத விடயமாகியுள்ளது.
 .
பேஸ்புக் என்ற கட்டாற்றுவெள்ளத்தில் அதனை விரும்பாதவர்களும் இழுத்துச்செல்லப்படுவது தவிர்க்க முடியாததாகிவிட்டுள்ளது பேஸ்புக் ஏற்படுத்திவிட்டுள்ள கலாசார மாற்றம் என்பது நம்மால் அதனை புறக்கணித்துவிட்டு இருந்துவிடமுடியாது என்பதையே யதார்த்த நிலை உணர்த்திநிற்கின்றது

இதற்கு உதாரணமாக பேஸ்புக்கில் இணைய தனிப்பட்டரீதியில் ஒருவர் விரும்பாதவிடத்தும் தமது உறவினரின் புகைப்படத்தை பார்பதற்கோ அன்றேல் தமது நிறுவனத்தினை விளம்பர ஊக்குவிப்பிக்காகவோ இதில் இணைந்துகொள்ளும் தேவை ஏற்பட்டுள்ளமையை சுட்டிக்காட்டமுடியும்

பேஸ்புக்கை நாம் மூன்றாம் தரப்புவிடயம் என புறக்கணத்து இருந்துவிடமுடியாது என்பதற்கு அதன் சமூகத்தில் அது ஆழமாக ஊடுருவியிருப்பதும் மற்றுமொரு முக்கிய காரணமாகும் ..பெற்றோருக்கு தெரியாமலேயே அவர்கள் பிள்ளைகள் அதில் அங்கத்தவர்களாக இருக்கக்கூடும் அன்றேல் சகோதரர்கள் நண்பர்கள் மற்றும் அயலவர்கள் அதில் அங்கத்தவர்களாக இருக்கக்கூடும் .அந்த வகையில் இதனை அறிந்துவைத்திருப்பதால் அதனால் ஏற்படக்கூடிய பாதகமான தாக்கங்களைக் கட்டுப்படுத்தமுடியும்

' உங்கள் வாழ்க்கையிலுள்ள மக்களுடன் தொடர்பை ஏற்படுத்தவும் பகிர்ந்துகொள்ளவும் பேஸ்புக் துணைசெய்கின்றது ' என்பதே பேஸ்புக் இணையத்தளத்தின் விருதுவாக்காக உள்ளது ஒருகோணத்தில் பார்த்தால் இது மிகவும் உண்மை போன்றே தெரிகின்றது ஆனால் பேஸ்புக்கிலுள்ள புகைப்படங்கள் மற்றும் தகவல்களை எடுத்துக்கொண்டு அதனை தீய நோக்கங்களுக்காக பயன்படுத்தும் செய்திகளையும் நாம் அடிக்கடி கேள்விப்படுகின்றோம்
.
பேஸ்புக்கின் சார்பாக குரல் கொடுப்பவர்கள் அதிலே ஒருவரின் தனிப்பட்ட புகைப்படங்கள் மற்றும் விபரங்களின் இரகசியத்தன்மையை பேணிப்பாதுகாக்கின்ற வடிவமைப்புக்களைச் செய்யமுடியும் என தமது தரப்பு வாதத்தை முன்வைக்கலாம்.

இருந்தபோதிலும் பேஸ்புக்கினால் பல அபாயங்கள் உள்ளதாகவும் அதிலே முக்கியமான கவனிக்கப்படவேண்டடிய மறைவான ஐந்து அபாயங்களை இணைய நிபுணர்கள் சுட்டிக்காட்டியுள்ளனர்


                                                    அபாயங்கள்


• எமது விபரங்கள் மூன்றாம் தரப்பினருடன் பகிர்ந்துகொள்ளப்படுகின்றன
• பேஸ்புக் வடிவமைப்பாளர்கள் ஒவ்வொரு முறையும் தமது இணையத்தளத்தை மீள்வடிவமைப்பிற்குட்படுத்தும் போது இரகசியத்தன்மை கட்டமைப்புக்கள் (Privacy Settings ) பாதுகாப்புக்குறைவான நிலைக்கு தள்ளப்படுகின்றது
• பேஸ்புக் விளம்பரங்கள் கணனி உரிமையாளர்களின் அனுமதியின்றியே கணனிகளின் மென்பொருள்களுக்கு சேதம் விளைவிக்கும் நாசகார மென்பொருட்களை (malware) தாங்கிவரக்கூடியவை
• உங்களது உண்மையான நண்பர்கள் தெரியாமலேயே உங்களை மிகவும் இக்கட்டான நிலைக்கு கொண்டுசெல்கின்றனர்
• வேண்டத்தகாதவர்கள் உண்மையான பெயர்களில் போலியான பேஸ்புக் பக்கங்களை உருவாக்குகின்றனர்
            
பேஸ்புக்கை மக்கள் தமது விருப்பு வெறுப்புக்களை வெளிப்படுத்துகின்ற நவீன ஊடகமாக பார்க்கப்படுகின்றது. குரலற்ற மக்களின் குரலாக பேஸ்புக்கை பயன்படுத்தப்படுவதை பல்வேறு செய்திகளின் போது நாம் அவதானிக்கின்றோம் . உதாரணமாக காஷ்மீர் பிரச்சனையில் பாதிக்கப்படுகின்ற மக்களின் தரப்பைச் சேர்ந்தவர்கள் பிரதான மற்றும் பாரம்பரியரிய ஊடகங்களால் மறைக்கப்படுகின்ற செய்திகளை பேஸ்புக் மூலமாக உலகிற்கு வெளிப்படுத்துகின்றனர்

மறுமுனையில் இந்திய அரசிற்கு சார்பானவர்கள் காஷ்மீர் பிரச்சனை பற்றிய தமது நிலைப்பாடுகளைத் தாங்கிய கருத்துக்களை வெளிப்படுத்துகின்றமை காணமுடியும்.

விரும்பத்தகாத தகவல்கள் பேஸ்புக் மூலமாக உலகிற்கு வெளிப்படுத்தப்படுவதன் காரணமாக அதற்குள் புலனாய்வு அமைப்பைச் சேர்ந்தவர்கள் ஊடுருவி தகவல்களை சேகரிப்பதான செய்திகளும் கடந்தநாட்களில் வெளியாகியிருந்தன


பேஸ்புக்கிற்கு எதிரான முறைப்பாடுகள்

தமது தனிப்பட்ட தகவல்களையும் புகைப்படங்களையும் அனுமதியின்றி பயன்படுத்துதல் திரிவுபடுத்துதல் தவறாக பிரசுரித்தல் ஆகியனவே பேஸ்புக்கிற்கு எதிரான உலகளாவிய முறைப்பாடுகளில் பொதுவானதாக காணப்படுகின்றது

இலங்கையில் கூட பேஸ்புக் குறித்து பல முறைப்பாடுகள் வெளியாகியிருப்பதை செய்திகளில் பார்த்திருக்கின்றோம்
பேஸ்புக் தொடர்பாக கிடைக்கும் முறைப்பாடுகளில் அனேகமானவை  நண்பர்களாக இருந்து பின்னர் கோபித்துக்கொண்டவர்கள் நண்பர்களாக இருந்த காலத்தில் பேஸ்புக்கில் இருந்தோ வேறு இணையத்தளங்களில் இருந்தோ தரையிறக்கம் செய்த புகைப்படங்களை திரிவுபடுத்தி ஆபாசமான முறையில் பேஸ்புக்கில் அன்றேல் வேறு இணையத்தளங்களில் பிரசுரித்துள்ளமை பற்றியதாகவே உள்ளதென இலங்கை பொலிஸ் திணைக்களத்தின் பெண்கள் மற்றும் சிறுவர்கள் பிரிவின் பொறுப்பதிகாரி சி ஐ பாலச்சந்திர தெரிவித்தார் கருத்துவெளியிடுகையில் 'என இவ்வாறான ஆறு பேஸ்புக் அங்கத்தவர்களுக்கு எதிராக நடவடிக்கை எடுக்குமாறு ' எனக் குறிப்பிட்டார்

இதனைத்தவிர போலிவிபரங்களைத் தெரிவித்து சிறுவயது பெண்களுடன் காதல்தொடர்புகளை ஏற்படுத்தி ஏமாற்றுகின்றமை போன்ற முறைப்பாடுகள் குறித்தும் கேள்விப்பட்டிருக்கின்றோம் .
.
கனடா நாட்டின் வன்கூவர் நகரில் ரவுடிக் கும்பலொன்று 16வயது இளம்பெண்ணொருவருக்கு போதையூட்டிய பின்னர் அவரை பாலியல் வல்லுறவிற்குட்படுத்தியதை கண்ணுற்றவர்கள் அதனைப் புகைப்படமெடுத்து பேஸ்புக்கில் போட்டு;ள்ளமை தொடர்பான செய்திகளை இருநாட்களுக்கு முன்பாக சர்வதேச ஊடகங்கள் பிரசுரித்திருந்தன

நம்மவரிடையிலும் தற்போது பேஸ்புக் பாவனை புற்றீசல் போன்று பெருகிக்கொண்டு செல்கின்றது பேஸ்புக் தரும் நன்மைகளை அனுபவிப்பவர்கள் அதனால் ஏற்படக்கூடிய பாதகங்களை அறிந்திருப்பதால் மேலும் பாதுகாப்பான முறையில் சாதங்களை அனுபவிக்கமுடியும்


 பேஸ்புக் வர்த்தகம்

பேஸ்புக் என்ன தான் சமூக வலையமைப்பாக இருப்பினும் அதுவும் லாபத்தைக்குறிக்கோளாக்கொண்ட வர்த்தக நிறுவனமே
பேஸ்புக்கின் பெறுமதி தற்போது 22முதல் 25பில்லியன் அமெரிக்க டொலர்கள் என மதிப்பீடு செய்யப்பட்டுள்ளது

இதில் பேஸ்புக் பயன்படுத்துகின்ற ஒவ்வொருவரும் 50டொலர்கள் முதல் 500டொலர்கள் வரையில் மறைமுகமானவகையில் பேஸ்புக்கின் மொத்தபெறுமதியில் பங்களிப்புச்செய்கின்றனர் என்ற செய்தி பலருக்கு புதிதாக இருக்கலாம் .பேஸ்புக்கிலுள்ள 524மில்லியன் பயனாளர்களின் மிகப்பெரும் எண்ணிக்கையான தகவல்களே இதற்கு காரணமாகும் அதாவது பேஸ்புக் அதன் பயனாளர்கள் அன்றேல்அங்கத்தவர்களிடமிருந்து இருந்து திரட்டும் தகவல்களை விளம்பர நிறுவனங்கள் உட்பட பல நிறுவனங்களுக்கு விற்பனை செய்துவருமானமீட்டிவருகின்றது

எனவே அங்கத்தவர்களின் விபரங்கள் மூன்றாவது தரப்பினருக்கு செல்வதை தடுக்க முடியாததென்பது சுட்டிக்காட்டத்தக்கது


பேஸ்புக்கை பாதுகாப்பாக பயன்படுத்துவதற்கான சில ஆலோசனைகள்

1. எவரும் பார்க்கக்கூடாதென நீங்கள் எண்ணுகின்ற புகைப்படத்தை பேஸ்புக்கில் பதிவேற்றம் (upload) செய்யாதீர்கள் .
2. நிஜவாழ்வில் நண்பர்கள் வட்டாரத்தில் இல்லாதவர்களை பேஸ்புக்கில் நண்பர்களாக சேர்த்துக்கொள்ளாதீர்கள்
3. பேஸ்புக் இணையத்தளத்திலுள்ள பாதுகாப்பு கட்டமைப்பை (Privacy settings) பயன்படுத்தும் வகையில உங்களின் அறிவை வளர்த்துக்கொள்ளுங்கள் .நமது  Password ஐ மூன்றாம் தரப்பினரிடம் முடியுமானவரையில் வழங்கக்கூடாது
4. பெற்றோர்கள் இணையத்தளத்தில் தமது பிள்ளைகளின் நடவடிக்கை தொடர்பாக விழிப்புணர்வுடன் இருப்பதுடன் தமது பார்வைக்குப்படும் இடத்திலேயே இல்லங்களில் கணனிகளை வைத்திருக்கவேண்டும்
குறிப்பு இது ஏனைய சமூக இணையத்தளங்களுக்கும் பொருந்தும் என்பது சுட்டிக்காட்டத்தக்கது

பேஸ்புக் தவிர 100ற்கு மேற்பட்ட சமூக இணையத்தளங்கள் உள்ளன .பேஸ்புக்கிற்கு முன்னதாக ஆரம்பிக்கப்பட்ட Myspace இணையத்தளம் ஆரம்பத்தில் மிகவும் பிரபல்யமாக இருந்தது எனினும் 2008ம் ஆண்டு ஏப்ரல் மாதத்தில் இதனை பேஸ்புக் முறியடித்தது அதற்கு பின்னர் பேஸ்புக்கின் வளர்ச்சி அபரிமிதமானது .பேஸ்புக் அளவிற்கு இல்லாவிட்டாலும் Twitter Orkut Buzz Hi5 tagged ஆகியனவும் எம்மவர்களிடையே ஒரளவிற்கு அறியப்பட்ட சமூக இணையத்தளங்களாக உள்ளன

இறுதியாக ஒன்றைக் கூற வேண்டுமெனில் எமது வாழ்க்கைக்கு நாமே பொறுப்புக்கூறவேண்டியவர்கள் ஆகவே நாம் நம்மை எப்படி நிஜவாழ்விலும் இணையத்தளங்களிலும் வெளிப்படுத்துகின்றோமே அதுவே எமக்கு சாதகமான அன்றேல் பாதகமான விளைவுகளைக்கொண்டுவருகின்றது எனவே ஒழுக்க விழுமியங்களைப் பின்பற்றி சிந்தித்துச் செயற்படுவதன் மூலம் பாதக விளைவுகளை தவிர்த்துக்கொள்ளமுடியும் என்பதே எனது கருத்தாகும் .
  


http://www.virakesari.lk/news/head_view.asp?key_c=27669

.

http://www.virakesari.lk/news/head_view.asp?key_c=27669

சீனாவின் வளர்ச்சியும் சாவல்களும்

                                                    --அருண் ஆரோக்கியநாதர்

http://www.virakesari.lk/news/head_view.asp?key_c=27643

சீனாவைப் பற்றி நிகழ்காலத்தில் உலகில் பேசப்படுகின்ற போதெல்லாம் அனேகமாக அதன் அசூர வளர்ச்சி பற்றிய பிரமிப்புக்கள் அன்றேல் அதன் செயற்பாடுகள் பற்றிய ஐயப்பாடுகளே முன்வைக்கப்படுகின்றன.

உலகின் இரண்டாவது மிகப்பெரிய பொருளாதாரத்தை கொண்ட நாடாக கடந்தபல தசாப்தகாலமாக கருதப்பட்ட ஜப்பானை முந்திக் கொண்டு இவ்வாண்டின் ஓகஸ்ற் மாதத்தில் இரண்டாம் இடத்தை பிடித்த சீனா  2027ம் ஆண்டில் உலகின் மிகப்பெரிய பொருளாதாரத்தை கொண்ட நாடாக திகழும் என பிரபல பொருளாதார ஆய்வு நிறுவனமான கோல்ட்மன் சக்ஸ் நிறுவனம் எதிர்வுகூறியிருக்கின்றது

இந்தச் செய்திகள் இன்றைய உலகப்போக்கில் சீனாவை புறக்கணித்துவிட்டு எதனையுமே செய்துவிடமுடியாதென்ற நிலைமை ஏற்றப்பட்டுள்ளதனை விரும்பியோ விரும்பாமலோ ஒப்புக்கொள்ளச்செய்கின்றது

ஜயாயிரமாண்டுகளுக்கு மேலான வரலாற்றைக் கொண்ட சீனா 1949ம் ஆண்டு ஒக்டோபர் மாதம் முதலாம் திகதி மாவோ ஸேதுங் தலைமையிலான கம்யூனிஸக் கட்சியினால் மக்கள் சீனக் குடியரசாக ஸ்தாபிக்கப்பட்டமுதல் கொண்டு இம்மாதம் முதலாம் திகதி வரையில் 61 ஆண்டுகளைக் கடந்துவந்துள்ளது

சீனாவின் தேசிய தினத்தை முன்னிட்டு கடந்தவாரத்தில் ஏற்பாடுசெய்யப்பட்டிருந்த நிகழ்ச்சியொன்றில் சீனாவைப் பற்றி ஒளிபரப்பபட்ட விவரணத் தொகுப்பொன்றைக் காணக்கிடைத்தது

இந்த இடைப்பட்ட காலத்தில் சீனா எத்தகைய அசூர வளர்ச்சியைக் கண்டுநிற்கின்றது என்பiதை அந்த விவரணதொகுப்பை கண்ணுற்றவர்கள் ஏகமனதாகவே ஆமோதித்தனர்

கடந்தகாலத்தில் சீனாவைப் பற்றி பேசுபவர்கள் உலகில் அதிக சனத்தொகை கொண்ட நாடு சீனப்பெருஞ்சுவர் இராட்சத பண்டா தியனமென் சதுக்கம் டெராகொட்டா போர்வீரர்கள் சீனாவின் புராதன நாகரீகம் பண்டைய நகரங்கள் குறித்தே பேசியதைக் கேள்விப்பட்டிருக்கின்றோம்

ஆனால் இன்று அதன் பாரிய அபிவிருத்தியடைந்த தலைநகர் பீஜிங் ஹொங்கொங் ஷங்காய் நகரங்கள் அதன் முன்னேற்றம் கண்டுவரும் கைத்தொழில் துறை வியக்கவைக்கும் நெடுஞ்சாலைகள் வானுயர்ந்த கட்டிடங்கள் வலுவான பொருளாதாரம் வளர்ச்சி பெறும்வாழ்க்கைத்தரம் பற்றிப் பேசுகின்றதை காணமுடிகின்றது .

இன்றைய உயர் நிலையோக்கிய பயணத்திற்கு; சீனத்தலைவர் டெங் ஸியாவோபிங் 1978ம் ஆண்டில் மேற்கொண்ட தூரதரிசனமிக்க நடவடிக்கைகளே காரணம் என சுட்டிக்காட்டப்படுகின்றது .கடும் போக்கு கம்யூனிஸக் கொள்கைகளுக்கு பதிலாக திறந்த பொருளாதாரக் கொள்கைகளை அவர் அறிமுகப்படுத்தியிருந்தார் . அன்று இருந்ததிலும் பார்க்க 90 மடங்குகளாக சீனாவின் பொருளாதாரம் இன்று பெருகியுள்ளதாக புள்ளிவிபரங்கள் சான்றுபகர்கின்றது

இந்தக்காலப்பகுதியில் 300மில்லியன் மக்களை சீனா வறுமையில் இருந்து வெளிக்கொண்டுவந்திருப்பதாக ஐநா குறிப்பிடுகின்றது

எந்தவொரு நாட்டையும் போலன்றி கடந்த முப்பது ஆண்டுகாலமாக சீனப்பொருளாதாரம் வருடாந்தம் சராசரியாக 10வீத பொருளாதார வளர்ச்சி வேகத்;தை கொண்டு பயணித்துக்கொண்டிருப்பதுடன் தற்போதைய நிலையிலும் வேகமான பொருளாதார வேகத்தை கொண்டிருக்கின்றது

சீனா எதிர்நோக்கும் சவால்கள்

யதார்த்தத்தை வெளிப்படுத்திய சீனத் தூதுவர்

சீனாவின் 61வது தேசிய தினத்தை முன்னிட்டு இடம்பெற்ற நிகழ்ச்சியில் பிரதம அதிதியாக கலந்துகொண்டு பேசிய சீனத்தூதுவர் யாங் ஸியுபிங் சீனாவில் பொருளாதார மறுமீரமைப்புக்கள் மேற்கொள்ளப்பட்டு திறந்த பொருளாதாரம் 1978ல்  அமுல்படுத்தப்பட்டது முதலாக உலகை உலுக்கு கின்ற மாற்றங்களை சீனா கண்டுநிற்பதாக குறிப்பிட்டார் .

சீனர்கள் தமது நாட்டின் சாதனைகள் தொடர்பாக பெருமைப்பட்டுக்கொள்கின்ற அதேவேளை எதிர்நோக்கியிருக்கின்ற என்றுமில்லாத பல பெரும் சவால்கள் தொடர்பிலும் தெளிவாக விளங்கிக்கொண்டிருப்பதாக சீனத் தூதுவர் சுட்டிக்காட்டினார்.

' சோசலிஸ சமத்துவத்தின ஆரம்பக்கட்டத்திலேயே சீனா இன்னமும் உள்ளதுடன் தொடர்ந்துமே அபிவிருத்தியடைந்துவருகின்ற நாடாகவே இருக்கின்றது சீனாவின் மொத்த தேசிய உற்பத்தி தலா வருமானம் சமீபத்தில் தான் 3000 அமெரிக்க டொலர்கள் இலக்கை தாண்டியுள்ளது .இதன்படி உலகளவில் 104வது இடத்திலேயே காணப்படுகின்றது .சமச்சீரற்ற அபிவிருத்தியானது மிகமுக்கிய பிரச்சனைகளிலொன்றாக அமைந்துள்ளது பல கிராமப்புறங்களும் தூரப்பிரதேசங்களும் இன்னமுமே மிகவும் வறுமைமிக்கதாக காணப்படுகின்றது 135மில்லியன் மக்கள் இன்னமும் நாளொன்றுக்கு ஒருடொலர்களுக்கம் குறைந்த வருமானத்தை ஈட்டுபவர்களாகவே காணப்படுகின்றனர் .சீனா உண்மையான அபிவிருத்தியையும் முன்னேற்றத்தையும் அடைவதற்கு பல தாசப்தகாலங்கள் பத்திற்கும் மேற்பட்ட சந்ததியினரின் கடுமையான முயற்சிகள் அவசியமாகும் .

உலகின் இரண்டாவது பொருளாதார சக்தியாகசீனாவின் ஒட்டுமொத்த பொருளாதாரம் வளர்ச்சி கண்டுள்ளபோதிலும் பொருளாதார அபிவிருத்தி சமத்துவமீன்மையானது பெரும் தலைவலியாக உருவெடுத்துள்ளதனை சீனத்தூதுவரின் கருத்துக்களில் இருந்து அறிந்துகொள்ளமுடிந்தது

உலகின் மிகப்பெரும் பொருளாதார வல்லரசாக திகழும் அமெரிக்காவின் வருடாந்த மொத்த தேசிய உற்பத்தி 14 ரில்லியன் அமெரிக்க டொலர்களாக உள்ளதுடன் தலா வருமானம் 46000 அமெரிக்க டொலர்களுக்கு அதிகமாக இருக்கின்றது

 ஜப்பானின் வருடாந்த மொத்த தேசிய உற்பத்தி தலா வருமானம் 32000 அமெரிக்க டொலர்களுக்கு அதிகமாக உள்ளது

4.99ரில்லியன் அமெரிக்க டொலர்கள் மொத்த தேசிய உற்பத்தியுடன் உலகின் இரண்டாவது பொருளாதார சக்தியாக திகழுகின்ற சீனாவில் மக்களின் சராசரி தலா வருமானம் 3000 அமெரிக்க டொலர்கள் அளவிலேயே இருக்கின்ற நிலையில் தம்மை உண்மையான பொருளாதார வல்லரசு என அழைக்க முடியாததென்பதை சீனத்தரப்பே ஒப்புக்கொண்டுள்ளமை யாதார்த்தைத்தை அவர்கள் நன்குணர்ந்துகொண்டுள்ளமையை தெளிவுபடுத்துகின்றது

சீனாவின் அபிவிருத்தி உலகிற்கு நன்மைகளைக் கொண்டுவந்துள்ளதுடன் அது உலகப்பொருளாதாரத்தினதும் வர்த்தகத்தினதும் வளர்ச்சியை வலுவாக ஊக்குவித்துள்ளதாக சீனத்தூதுவர் சுட்டிக்காட்டியதுடன் தமது நாட்டை வளர்த்துக்கொள்வதற்கு அமைதியான சர்வதேச சூழலை எதிர்பார்த்துநிற்பதாகவும் 1.3 பில்லியன்களாகவுள்ள சீனாமக்கள் சிறப்பான முன்னேற்றமிக்க வாழ்க்கை வாழ்வதற்கு தமது ஓட்டுமொத்த நேரத்தையும் சக்தியையும் அபிவிருத்தியில் ஈடுபடுத்துவது தொடர்பில் கவனம் செலுத்தவேண்டும் எனவும் குறிப்பிட்டிருந்தார் .
.

தமது சொந்த அபிவிருத்தி மூலமாக உலக சமாதானத்திற்காக பங்களிப்புச்செய்வதாகவும் சீனத்தூதுவர் தெரிவித்திருந்தார்

ஐயப்பாடுகளைப் போக்கும் கருத்துக்கள்

சீனாவின் அசூர வளர்ச்சியானது பல்வேறு தரப்பிலும் அச்சங்களையும் ஐயப்பாடுகளையும் ஏற்படுத்திவிட்டுள்ள நிலையில் சீனத்தூதுவர் இதனைத் தெளிவுபடுத்தும் விதமாக சில கருத்துக்களை முன்வைத்திருந்தார்.

' (அபிவிருத்தியென்பது )சீனா தேர்ந்தெடுத்துள்ள உபாயத் தெரிவாகும் .சமாதானமான அபிவிருத்தி என்ற பாதையில் சீன மக்கள் தொடர்ந்தும் தம்மை உறுதியுடன்  அர்ப்பணித்திருப்பர்.சீனாவின் அபிவிருத்தி யாரையும் புண்படுத்தவோ அன்றேல் அச்சுறுத்தவோ மாட்டாது . வளர்ச்சி பெற்றதும் ஆதிக்கத்தை நாடிய பெரும் வல்லரசுகளின் பாதையை சீனா ஒருபோதுமே பின்பற்ற மாட்டாது. சீனா எவ்வளவுக்கு எவ்வளவு அபிவிருத்தி காண்கின்றதோ அவ்வளவிற்கு அவ்வளவு சர்வதேச பொறுப்புக்களை ஏற்றுக்கொள்ளும் .ஏனையவர்களின் நலன்களை விலைகொடுத்து தனது சுயநலனை சீனா ஒருபோதுமே முன்னெடுக்கமாட்டாது. சீனாவின் அபிவிருத்திக்கு நீண்டகாலங்கள் ஸ்திரமான சர்வதேச சூழல் அவசியமானது குறிப்பாக அண்டைநாடுகளில் ஸ்திரமான நிலை அவசியமானது .இலங்கை உட்பட அண்டைநாடுகளுடன் சிறப்பான அயலக நட்புறவையும் ஒத்துழைப்பையும் கட்டியெழுப்புகின்ற கொள்கையை சீனா தொடர்ந்தும் பின்பற்றும் '

சீனத்தூதுவரின் கருத்துக்கள் நம்பிக்கையை ஏற்படுத்துவதாக இருக்கின்றபோதிலும் சீனாவின் வளர்ச்சியும் அதன் செயற்பாடுகளும் இலங்கையிலுள்ள சில தரப்பினரைப்போன்றே உலகிலும் அச்சத்துடனும் ஐயப்பாட்டுடனும் நோக்கப்படுவதை இங்கே சுட்டிக்காட்டுதல் சாலப்பொருத்தமாகும்.