சுழற்பந்துவீச்சாளர்களின் கரங்களில் உலகக்கிண்ணம் ?

அருண் ஆரோக்கியநாதர்

இந்தியா மற்றும் அவுஸ்திரேலிய அணிகளுக்கிடையே கடந்த ஞாயி;ற்றுக்கிழமை இ;டம்பெற்ற உலகக்கிண்ண பயிற்சிப் போட்டியை அவதானித்த போது இம்முறை உலகக்கிண்ணத்தில் சுழற்பந்துவீச்சாளர்கள் முக்கிய பாத்திரத்தை வகிப்பதற்கான சாத்தியக்கூறுகள் இருப்பதை உணர்ந்துகொள்ளமுடிந்தது

பயிற்சிப்போட்டியில் இ;ந்தியா பெற்ற 214 ஓட்டங்களுக்கு சுருண்டதையடுத்து அவுஸ்திரேலியாவிற்கு வெற்றி நிச்சயம் அதனை எத்தனை ஓவர்களில் பெறுவதென்பதே கேள்வியாக இ;ருந்த நிலையில் நடைபெற்றதோ தலைகீழானது ஒருகட்டத்தில் ஒருவிக்கட்டிழப்பிற்கு 118 ஓட்டங்களை பெற்றிருந்த அவுஸ்திரேலிய அணி சுழற்பந்துவீச்சாளர்களின் அறிமுகத்துடன் எஞ்சிய 9விக்கட்டுக்களையும் 58 ஓட்டங்களுக்கு இழந்து மொத்தமாக 176 ஓட்டங்களை மாத்திரமே பெற்றது

இ;ந்திய உபகண்டத்தின் ஆடுகளங்கள் சுழற்பந்துவீச்சாளர்களுக்கு மிகவும் சாதகமானது என காலாகாலமாக ரூபவ்ருந்துவரும் நம்பிக்கையை மீளுறுதிப்படுத்தும் ஒரு நிகழ்வாகவே இந்தப் போட்டியை நான் காண்கின்றேன்

வரலாற்றைத் திரும்பிப்பார்ப்போமாக ;இருந்தாலும் இதற்கு சான்றுகளை நாம் தேடிக்கொள்ளமுடியும்.

1996ம் ஆண்டு இ;ந்திய உபகண்டத்தில் நடைபெற்ற 6வது உலகக்கிண்ண போட்டித்தொடரில் மேற்கிந்தியத்தீவுகள் அணிக்கெதிராக மொஹாலி மைதானத்தில் நடைபெற்ற அரையிறுதிப்போட்டியில் அவுஸ்திரேலிய அணி பெற்ற அபாரமான வெற்றியிக்கு அவ்வணியின் நட்சத்திர சுழற்பந்துவீச்சாளர் ஷேன் வோர்ன் மகத்தான பங்களிப்பை வழங்கியிருந்தார்

208 என்ற இலகுவான வெற்றியிலக்கை நோக்கித்துடுப்பெடுத்தாடிய மேற்கிந்தியத்தீவுகள் அணி ஒருகட்டத்தில் 2விக்கட்டுக்களை ரூபவ்ழந்து 165 பெற்று மிகவும் ஸ்திரமான நிலையில் இ;ருந்த மேற்கிந்தியத்தீவுகள் அணி ஷேன் வோர்னின் மந்திரச் சுழல்பந்துவீச்ச செய்த மாயத்தால் எஞ்சிய 8விக்கட்டுக்களையும் 37 ஓட்டங்களுக்குப்பறிகொடுத்து 202 ஓட்டங்களுக்கு சுருண்டு நிச்சயிக்கப்பட்ட வெற்றியை தாரைவார்த்தது

அந்தவகையில் துடுப்பாட்டத்திற்கு பெரும் சாதகமானதாக கொள்ளப்படும் இ;ந்திய உபகண்டத்தின் ஆடுகளங்களில் உண்மையான ஆற்றல் கொண்ட சுழற்பந்துவீச்சாளர்களால் சாதிக்க முடியும் என்பதை ஷேன் வோர்ன் நிருபித்துக்காண்பித்திருந்தார்

இதுமட்டுமன்றி உபகண்டத்தின் ஆடுகளங்கள் சுழற்பந்துவீச்சாளர்களுக்கு மிகவும் சாதகமானதென்பதற்கு இன்னமும் சான்றுகள் வரலாற்றிலே காணப்படுகின்றன.

1987ம் ஆண்டில் இ;ந்திய உபகண்டத்தில் நடைபெற்ற 4வது உலகக்கிண்ணத்தொடரில் பாகிஸ்தானின் அப்துல் காதிர் உட்பட மூன்று சுழற்பந்துவீச்சாளர்களும் 1996ம் ஆண்டு உலகக்கிண்ணப் போட்டியில் ;இந்தியாவின் அனில் கும்ளே உட்பட நான்கு சுழற்பந்துவீச்சாளர்களும் அதிகவிக்கட்டுக்களைக் கைப்பற்றிய முதல் ஆறுவீரர்கள் பட்டியலில் இடம்பெற்றிருந்தனர் என்பது சுட்டிக்காட்டத்தக்கதாகும்

அனில் கும்ளே 6வது உலகக்கிண்ணத்தொடரில் மொத்தமாக 15 விக்கட்டுக்களைக்கைப்பற்றி அத் தொடரில் அதிக விக்கட்டுக்களைக் கைப்பற்றிய பந்துவீச்சாளராகவும் சாதனையேடுகளில் தனது பெயரைப் பொறித்திருந்தார்

;இந்தத்தகவல்கள் உபகண்ட ஆடுகளங்கள் சிறந்த சுழற்பந்துவீச்சாளர்களுக்கு நிச்சயமாக சாதகமாக இ;ருந்துள்ளதென்பதை அழுத்தியுரைக்கின்றன

அவுஸ்திரேலியா-;இந்திய அணிகளுக்கிடையிலான பயிற்சிப்போட்டிப்பார்த்த பின்னர் ;இம்முறையும் வரலாறு தன்னைப்புதுப்பித்துக்கொள்வதற்கான சமிக்ஞைகள் தெரிகின்றன
1990ற்கு பின்னர் வந்தகாலப்பகுதியில்  அதீத ஆற்றல்படைத்த சுழற்பந்துவீச்சாளர்கள் பலர் விளையாடியபோதிலும் அவர்களில் சிகரங்களாக மிளிர்ந்து மும்மூர்;த்திகளாக விளங்கிய ஷேன் வோர்ன் அனில் கும்ளே முத்தையா முரளிதரன் ஆகியோரில் முதல் இ;ருவரும் ஓய்வுபெற்றுவிட்டநிலையில் முத்தையா முரளிதரன் தனது கடைசி அத்தியாயத்தில் தன்னிடமுள்ள அனைத்து அஸ்திரங்களையும் வெளிக்கொணர்ந்து முத்திரை பதிப்பார் என எதிர்பார்க்கலாம். 

முரளி மட்டுமன்றிதரமான பந்துவீச்சாளர்கள் பலரும் இ;ம்முறை உலகக்கிண்ணத்தொடரில் விளையாடுகின்றனர். இ;ந்த வரிசையில் ;இந்தியாவின் ஹர்பஜன் சிங் நியுஸிலாந்தின் டானியல் வெட்டோரி இ;ங்கிலாந்தின் கிரஹாம் ஸ்வான் போன்றவர்கள் திறமைகளுடன் சர்வதேச அளவில் பெரும் அனுபவத்தைக் கொண்டிருப்பது அந்த அணிகளுக்கு சாதகமானது .

 முன்னணி சுழற்பந்துவீச்சாளர்களுடன் அணிகளில் பகுதிநேர சுழற்பந்துவீச்சாளர்கள் ;இருப்பதும் முக்கியமானது என்பதை 1996 உலகக்கிண்ணம் உணர்த்திநிற்கின்றது முரளிதரன் தர்மசேனவுடன் சனத் ஜயசூரிய அரவிந்த சில்வா ஆகியோர் இ;லங்கையணி பெற்ற வெற்றிகளில் எந்தளவிற்கு பங்களிப்புச்செய்திருந்தனர் என்பது இரசியர்கள் நன்கறிந்தவிடயமாகும்

அந்தவகையில் துடுப்பாட்டவரிசைகளை பலப்படுத்திக்கொண்டு விளையாடுவதற்கு அணிகள் முன்வரும் பட்சத்தில் பகுதிநேர சுழற்பந்துவீச்சாளர்களை அதிகமாகக் கொண்ட அணிகளுக்கு அதிகமான சாதகங்கள் ;இருப்பதற்கு வாய்ப்புள்ளது.

உலகக்கிண்ணம் போன்ற மாபெரும் போட்டிக்களங்களில் புதிய வீரர்கள் தமது வருகையைப்பறைசாற்றிக்கொள்வதை கடந்தகாலங்களில் கண்ணுற்றுள்ளதால் இம்முறையும் கூட அதிகமாக அறியப்படாத வீரர்கள் முத்திரைபதிப்பதற்கு வாய்ப்புக்கள் உள்ளது

கடந்தாண்டு மேற்கிந்தியத்தீவுகளில் ;இடம்பெற்ற அணிக்கு  ;இருபது உலகக்கிண்ணப்போட்டிகளில் காண்பித்த திறமைகளுக்காக பெரிதும் பேசப்பட்ட அப்போது 17வயது இளம் சுழற்பந்துவீச்சாளர் ஜோர்ஜ் டொக்ரெல் ;இம்முறை அயர்லாந்து அணியில் விளையாடுவது அவ்வணிக்கு பெரும்பலமாக அமையலாம் .இதுபோன்ற இளம் வீரர்களுக்கு களமமைத்துக்கொடுக்கும் அரங்காக உலகக்கிண்ணம் திகழ வாய்ப்புள்ளது

இ;றுதியாக ஒருவிடயத்தைக் கூறுவதென்றால் இம்முறை உலகக்கிண்ணம் முரளிபோன்ற ஜாம்பாவன் சுழற்பந்துவீச்சாளனையும் ஹர்பஜன் வெட்டோரி ஸ்வான் போன்ற தரமான சுழற்பந்துவீச்சாளர்களையும் டொக்ரெல் போன்ற ஆற்றல் மிக்க இளம் சுழற்பந்துவீச்சாளர்களாலும் அலங்கரிக்கப்பட்டுள்ளால் ;இறுதிவரை எதிர்வுகூறமுடியாத மயிர்க்கூச்செறியும் போட்டிகள் பலவற்றை ரசிகர்களுக்கு காணக்கிடைக்கும் என்பது நிச்சயமாகும் .

வேகம் வேகம் வேகம் ............. ரசிகர்களை மயிர்க்கூச்செறியவைக்கும் 100M ஓட்டம்வேகம்

மனித இனம் தோன்றிய காலம் முதல் வேகத்தின் மீதான நாட்டம் என்றென்றுமே அதிகரித்தே சென்று கொண்டிருக்கின்றது என்றால் மிகையல்ல
.
அனைத்திலும மனித மனம் வேகத்தை விரும்பியதன் பிரதிபலிப்பே இன்று உலகில் ஏற்பட்டுள்ள அனேக முன்னேற்றங்களுக்கு அடிநாதமாக விளங்குகின்றது

வேகம் என்பது விளையாட்டிற்கும் விதிவிலக்கல்ல .விளையாட்டுலகில் அனைத்துவிதமான விளையாட்டுக்களும் இன்னோரன்ன வகையில் வேகம் பெற்றுவந்தாலும் 100 மீற்றர் ஓட்டப்போட்டிகளுக்கிருக்கும் இடம் தனித்துவமானது .

இதன் காரணமாகத்தான் சாதாரண பாடசாலைப்போட்டிகள் முதற்கொண்டு சர்வதேசப் புகழ்மிக்க ஒலிம்பிக் வரையிலும் 100 மீற்றர் போட்டிகள் என்று வந்துவிட்டால் ரசிகர்கள் மத்தியில் பீறிட்டெழுகின்ற உற்சாகத்தையும் பரவச உணர்வையும் வர்ணிப்பதற்கு வார்த்தைகளே கிடையாதென்றவகையில் விளையாட்டு நிகழ்ச்சிகளில் 100 மீற்றர் ஓட்டம் என்பது தனித்துவமானதாக திகழ்கின்றது

100 மீற்றர் ஓட்டப்போட்டியில் வெற்றிபெறுகின்ற வீரரை அன்றேல் வீராங்கனையை உலகின் வேகமான மனிதராக கருதுகின்ற காரணத்தால் அதன் மீதான ஆர்வம் அனைத்துத்தரப்பினர் மத்தியிலும் அதிகமாக இருப்பதற்கு காரணமாகின்றது

இலத்திரனியல் முறையிலான நேரக்கணிப்பு (Electronic Timing)  1968ம் ஆண்டு அறிமுகப்படுத்தப்பட்டது முதலாக இதுவரையில் 100மீற்றர் ஓட்டப்போட்டிகளில் ஆண்களுக்கான உலக சாதனை 12 தடவைகள் புதுப்பிக்கப்பட்டுள்ளன . ஆண்களுக்கான 100மீற்றர் ஓட்டத்தில் முதன் முறையாக 10செக்கன்கள் என்ற வரம்பை முறியடித்து அதற்கு குறைவான நேரத்தில் ஓட்டத்தை நிறைவுசெய்த வீரராக அமெரிக்காவைச் சேர்ந்த ஜிம்  ஹினஸ் திகழ்கின்றார் .

1968ம் ஆண்டு மெக்ஸிகோவில் இடம்பெற்ற ஒலிம்பிக் போட்டிகளின் போதே அவர் இந்த உலக சாதனையை ஏற்படுத்தியிருந்தார்
தற்போது ஆண்களுக்கான 100மீற்றர் உலக சாதனை ஜமெய்க்கா வீரர் உசெயின் போல்ட் வசமுள்ளது .2009ம் ஆண்டு ஒகஸ்ற் 16ம்திகதி போல்ட் தனது முன்னைய சாதனையை 0.11 செக்கன்களால் குறைத்து 9.58 செக்கன்களில் ஓடி புதிய உலக சாதனையை நிலைநாட்டியிருந்தார்

1.   உசெய்ன் போல்ட்(ஜமெய்க்கா) -9.58 செக்கன்கள் -  16.08.2009 –பேர்லின்

2.   டைஸன் கே (அமெரிக்கா)-9.69 செக்கன்கள் -            20.09.2009- ஷங்காய்

3.   அஸாபா பவல்(ஜமெய்க்கா) -9.72 செக்கன்கள் -       02.09.2008- -லுஸான்

4.   நெஸ்டா கார்டர்(ஜமெய்ககா)-9.78 செக்கன்கள்-       29.08.2010  -ரீடி

5.   மொரிஸ் கிறீன்(அமெரிக்கா)-9.79 செக்கன்கள் -      16.06.1999 – ஏதென்ஸ்



பெண்களுக்கான 100மீற்றர் உலக சாதனை கடந்த 20 வருடங்களுக்கு மேலாக முறியடிக்கப்படாமலேயே உள்ளது
1988ம் ஆண்டு ஜுலை 16ம்திகதி அமெரிக்காவின் இந்தியானா மாநிலத்தில் இடம்பெற்ற போட்டியொன்றில்100மீற்றர் தூரத்தை 10.49 செக்கன்களில் ஓடிமுடித்து அமெரிக்க வீராங்கனை ஃபுளொரன்ஸ் கிரிபித் ஜொய்னர் நிலைநாட்டிய சாதனையே இன்னமும் பெண்கள் பிரிவில் உலக சாதனையாகவுள்ளது .

பெண்களுக்கான 100 ஓட்டத்தில்; அதி சிறந்த பெறுதிகள்

1.   ஃபுளொரன்ஸ் கிரிபித் ஜொய்னர்(அமெரிக்கா)  10.49 செக்கன்கள் 16.07.1988-  இன்டியானாபொலிஸ்

2.  கார்மலிடா ஜீற்றர் (அமெரிக்கா)   10.64 செக்கன்கள் 20.09.2009 -ஷங்காய்

3.  மேரியன் ஜோன்ஸ்( அமெரிக்கா)10.65செக்கன்கள் 12.09.1998-ஜொகனஸ்பேர்க்

4.  ஷெலி ஆன்ஃபிரேசர்(ஜமெய்க்கா) 10.73செக்கன்கள் 17.08.2009- பேர்லின்

5.  கிறிஸ்ரின் ஆரோன் (பிரான்ஸ்) 10.73 செக்கன்கள் 19.08.1998- புடாபெஸ்ற்

 100 மீற்றர் ஓட்டத்தைப் பொறுத்தவரையில் சில தருணங்கள் ரசிகர்களால் என்றென்றுமே மறக்க முடியாதவையாக மனதைவிட்டு நீங்காதவையாக நிலைத்திருப்பதை இங்கே குறிப்பிட்டே ஆகவேண்டும்

அப்படியான தருணத்திற்கு சொந்தக்காரர் தற்போதுள்ள உசெய்ன் போல்ட்டோ அன்றேல் அஸாபா பவலோ அல்ல மாறாக ஊக்கமருந்துபாவித்தமைக்காக அபகீர்த்திக்குள்ளான கனடா நாட்டைச் சேர்ந்த வீரர் பென் ஜோன்ஸன் என்றால் பார்க்காதவர்களுக்கு சந்தேகம் தோன்றலாம்

 1988ம் ஆண்டு தென்கொரியாவின் சோல் நகரில் இடம்பெற்ற ஒலிம்பிக் போட்டியில் அவர் ஓடிய ஓட்டம் அப்பப்பா இன்று நினைத்தாலும் பரவசத்தின் உச்சத்திற்கு ரசிகர்களைக் கொண்டுசென்றுவிடும் . பென் ஜோன்ஸனின் உருண்டுதிரண்ட கட்டுமஸ்தான உடல்வாகு மிரட்டும் விழிகள் அசூர வேகம் என்பன இன்றும் என் கண்களுக்கு முன்னால் நிழலாடுகின்றது

 ஊக்க மருந்து பாவித்தமை பெருங்குற்றம் என்பதை நானும் ஒத்துக்கொள்கின்றேன் ஆனால் எத்தனை பேர் பாவித்தும் தப்பித்துக்கொண்டார்கள் என்று எண்ணுகையில் இது தெரிந்து தான் நடந்ததா இல்லை சூழ்ச்சியால் நடந்ததா என்பது இன்னமும் புரியாமலேயே உள்ளது

 1988ல் பென் ஜோன்ஸன் ஊக்கமருந்து பாவித்ததாக கண்டுபிடித்தவர்களால் ஏன் 2000ம் ஆண்டு சிட்னி ஒலிம்பிக் போட்டிகளில் மேரியன் ஜோன்ஸ் ஊக்க மருந்து பாவித்ததை கண்டுபிடிக்க முடியவில்லை .இறுதியில் மேரியன் ஜோன்ஸே ஒப்புக்கொண்ட பின்னர் தானே அவர் பாவித்தமை தெரியவந்தது

 இப்படியாக எத்தனை வீர வீராங்கனைகள் ஒத்துக்கொள்ளாமலேயே சாதனைக்கு சொந்தங்கொண்டாடியிருப்பர் என்று நினைத்தால் விளையாட்டின் மீதான அபிமானமே இல்லாமல் போய்விடும்

   யார் செய்தாலும் தவறு தவறுதான் .பென் ஜோன்ஸனின் பெயரைக் குறிப்பிட்டது அவர் செய்தது சரியென்று சொல்லவல்ல மாறாக வேகத்தின் அடையாளமாக அபகீர்த்திக்குள்ளான நிலையிலும் என் நினைவலைகளில் வந்துசெல்கின்றமை காரணமாகவே !

உலகத்தில் ஏதேதோ காரியத்திற்காகவெல்லாம் எவ்வளவோ விலை கொடுக்கின்றனர் . ஆனால் வேகத்திற்கான தம் வாழ்வையே விலையாக கொடுக்க நேரிடுவது வீரவீராங்கனைகளைப் பொறுத்தமட்டில் மிகமிக அதிகமானது என்பது எனது தனிப்பட்ட கருத்தாகும்

மங்கிவரும் மகளிர் டென்னிஸ்

உலகிலுள்ள பல்வேறு விளையாட்டுக்களின் ரசிகர்களுக்கும் மகளிர் டென்னிஸ் மீது ஒரு அலாதிப்பிரியம் உண்டு.

இதற்கு ஸ்டெபி கிராப் -கப்ரியேல்லா சபாடினி- கிறிஸ் எவர்ட் - மார்ட்டினா நவரெட்டிலோவா –ஜெனிபர் கப்ரியாட்டி – மொனிகா செலஸ் போன்ற வீராங்கனைகள் மகத்தான டென்னிஸ் ஆற்றலுடன் அழகியலையும் இணைத்து விளையாடியமையே காரணமாக அமைந்தது.

ஆனால் நிகழ்காலப்பகுதியிலோ மகளிர் டென்னிஸ் மீதான ரசிகர்களின் ஆர்வம் படிப்படியாக குறைந்துகொண்டே செல்கின்றது என்பது உணரப்பட்டுள்ள உண்மையாகும் .

தற்போதைய காலத்திலும் அழகுமிக்க வீராங்கனைகள் கவர்ச்சியாக விளையாடுவதை அவதானிக்க முடிந்தாலும் 1980ம் ஆண்டு காலப்பகுதியில் இந்தக்கட்டுரையின் ஆரம்பத்திலேயே நான் குறிப்பிட்ட வீராங்கனைகள் வெளிப்படுத்திய ஆற்றல்களை தற்போதுள்ளவர்கள் வெளிப்படுத்துவதில்லை என்பதை சாதாரண ரசிகர்களால் கூட புரிந்துகொள்ளமுடியும் .1980களிலுள்ள வீராங்கனைகளை ஒப்பிடக்காரணம் அந்த வீராங்கனைகளையே அறிவுபெற்ற காலப்பகுதியில் சிறுவயதில் காணக்கிடைத்தது

அவர்களுக்கு முன்னர் விளையாடிய பெரும் வீராங்கனைகளான பிலி ஜீன் கிங் - மாங்கிரட் கோர்ட் போன்ற வீராங்கனைகளின் ஆற்றல்களை தொலைக்காட்சிகளுடாக கூட காணக்கிடைக்கவில்லை என்பதால் தால் அவர்களை இங்கே ஒப்பிடவில்லை

தற்போது விளையாடிவரும் வில்லியம்ஸ் சகோதரிகள் அவ்வப்போது சம்பியன் பட்டங்களைக் கைப்பற்றுவது உண்மைதான் .அவர்கள் கவர்ச்சியைக் கிளறும் ஆடைகளை அணிந்து ரசிகர்களை கவர முற்படுவதையும் உணர்ந்துகொள்ளமுடிகின்றது .ஆனால் எனது பார்வையின் வில்லியம்ஸ் சகோதரிகள் பட்டங்கள் பலவற்றை கைப்பற்றியிருந்தாலும் அவர்கள் தமது உடற்பலத்தினை வைத்துக்கொண்டு ''Power Tennis" விளையாடுகின்றனரேயன்றி நுட்பத்திறனுடன் விளையாடிய ஸ்டெபி கிராப் போன்றவர்களின் ஆற்றல்வெளிப்பாடுகளை அவர்களிடத்தில் காணமுடியவில்லை

மரியா ஷரபோவா ஜஸ்ரின் ஹெனின் கிம் கிளைஸ்டர்ஸ் போன்ற வீராங்கனைகள் தற்போதும் விளையாடினாலும் அவர்களிடத்தில் ஆற்றலின் உச்சத்தில் தொடர்ச்சியாக நிலைத்து நின்று அடுத்தடுத்து சம்பியன் பட்டங்களை வெல்லும் திறன் காணப்படவில்லை.

 முதற்தர டென்னிஸ் போட்டிகளில் எத்ததைய சம்பியன் பட்டங்களையும் வெற்றிகொள்ளாமலேயே பலகோடிருபாவை சம்பாதித்த ரஷ்ய வீராங்கனை அனா கோர்னிகோவா போலன்றி மரியா ஷரபோவா தனது டென்னிஸ் வாழ்வில் மூன்று கிராண்ட்லாம் பட்டங்கள் உட்பட பல பட்டங்களை வென்றிருந்தாலும் தற்போது அவரது கவனமும் ஃபெஷன் மொடலிங் எனக்குவிந்துள்ளதால் தற்போது டென்னிஸ் ஆற்றல் வெளிப்பாடுகள் குறைந்துவிட்டன

ரொஜர் பெடரர் ரவேல் நடால் போன்ற வீரர்களின் அபரீதமான ஆற்றல்வெளிப்பாடுகளால் பீற் சாம்பிரஸ் அன்ட்றே அகாஸி; போன்ற ஜாம்பவான்களின் வெளியேற்றத்திற்கு பின்னரும் ஆடவர் டென்னிஸ் மீதான ரசிகர்களின் ஆர்வம் அதிகரிக்கின்றபோதும் மகளிர் டென்னிஸ் மீதான ஆர்வம் மங்கிவருவதற்கு டென்னிஸ் ஆட்டத்தில் அன்றி வேறு துறைகளில் அவதானம் சிதறுவதே காரணமாகும்

தாயக மண்ணில் இருதசாப்தங்களுக்கு பின்னர் ஆஷஸ் தொடர் தோல்வியை எதிர்நோக்கும் அவுஸ்திரேலியா

இங்கிலாந்து மற்றும் அவுஸ்திரேலிய அணிகளுக்கிடையே நடைபெற்றுவருகின்ற ஆஷஸ் டெஸ்ற் கிரிக்கட் தொடரின் மூன்றாவது போட்டி நாளைய தினம் பேர்த் மைதானத்தில் ஆரம்பமாகவுள்ளது.

கடந்த வாரம் அடலைட்டில் நிறைவடைந்த இரண்டாவது டெஸ்ற் போட்டியில் ஓர் இனிங்ஸ் மற்றும் 71 ஓட்டங்களால் வெற்றிபெற்ற இங்கிலாந்து அணி இதுவரை நடைபெற்ற இரண்டு போட்டிகளின் முடிவுகளுக்கு அமைவாக 1ற்கு 0 பூச்சியம் என்ற அடிப்படையில் முன்னணி வகிக்கின்றது .

24 வருடங்களுக்கு பின்னர் அவுஸ்திரேலிய அணியை இங்கிலாந்து அணி இனிங்ஸ் வி;த்தியாசத்தில் தோற்கடித்தமை குறிப்பிடத்தக்கது முதலாவது டெஸ்ற் போட்டியின் போது இரட்டைச்சதமடித்த இங்கிலாந்து அணியின் ஆரம்பத்துடுப்பாட்டவீரர் அலிஸ்டர் குக் இரண்டாவது போட்டியிலும் 149 ஓட்டங்க்ளைப் பெற்று அணிக்கு சிறப்பான அத்திவாரத்தை பெற்றுக்கொடுத்திருந்தார்

.பிறிஸ்பேர்ன் கபா மைதானத்தில் நடைபெற்ற போட்டியின் இரண்டாவது இனிங்ஸில் ஆட்டமிழக்காது 235 ஓட்டங்களைப் பெற்றதன் மூலம் அம்மைதானத்தில் அதுவரையில் அதிகூடிய ஓட்டங்களாக காணப்பட்ட டொன் பிரட்மனின் ஓட்ட எண்ணிக்கையை முறியடித்திருந்த அலிஸ்டர் குக் இரண்டாவது போட்டியில் பெற்ற சதத்தின் மூலம் பிரட்மனின் மற்றுமொரு சாதனையை சமன்செய்திருந்தார் .

26வயதிற்கு முன்பாக 15 சதங்களைப் பெற்ற டொன் பிரட்மனின் சாதனையையே அலிஸ்டர் குக் சமன்செய்திருந்தார். 26வயதிற்குள் அதிக டெஸ்ற்  சதங்களைப் பெற்றவர் என்ற சாதனை தற்போது சச்சின் டெண்டுல்கர் வசமுள்ளது .டெண்டுல்கர் 26வயதிற்குள் 19சதங்களைப் பெற்றமை குறிப்பிடத்தக்கது


அடிலைட்டில் இடம்பெற்ற இரண்டாவது டெஸ்ற் கிரிக்கட் போட்டியின் திருப்புமுனையான ஆட்டமாக கெவின் பீற்றர்ஸனின் துடுப்பாட்டமே அமைந்தது .மிகவும் அபாரமாக துடுப்பெடுத்தாடிய பீற்றர்ஸன் விமர்சகர்களின் ஐயப்பாடுகளுக்கெல்லாம் பதிலளிக்கும் வகையில் அற்புதமாக விளையாடி 227 ஓட்டங்களைப் பெற்றுக்கொடுத்து இங்கிலாந்து அணி மிக வலுவான மொத்த ஓட்டத்தை பெறுவதற்கு வழிவகுத்தார்

கடந்த மார்ச் மாதத்திற்கு பின்னர் அதாவது 18 மாதங்களுக்கு பின்னர் டெஸ்ற் போட்டிகளி;ல் கெவின் பீற்றர்ஸன் குவித்த முதலாவது சதமாக இது அமைந்ததுடன் டெஸ்ற் கிரிக்கட் வாழ்வில் பெற்ற அதிகூடிய ஓட்டங்களாகவும் 30வயதுடைய பீற்றர்ஸன் டெஸ்ற் கிரிக்கட் அரங்கில் அறிமுகமாகிய ஐந்துவருடகாலத்தில் பெற்ற 17வது சதமாகவும் அமைந்தது

இரண்டாவது டெஸ்டில் அவுஸ்திரேலிய அணியின் தோல்வியைவிடவும் அது தோல்வியைத்தழுவிய விதம் பல்வேறு கேள்விகளுக்கும் மாற்றங்களுக்கும் வழிகோலியுள்ளது

முதலாவது போட்டியில் பந்துவீச்சில் பிரகாசிக்கத்தவறிய நிலையில் கடந்த சில ஆண்டுகாலமாக அவுஸ்திரேலியாவின் முக்கிய பந்துவீச்சாளராக திகழ்ந்த மிச்சேல் ஜோன்ஸனை அணியில் இருந்து நீக்கும் கடும் முடிவை எடுக்க நிர்ப்பந்திக்கப்பட்ட அவுஸ்திNலிய அணி இரண்டாவது போட்டியில் அடைந்த அவமானகரமான தோல்விக்குப் பின்னர்கடுமையான அதிரடி முடிவுகளை எடுக்கும் நிர்ப்பந்தம் ஏற்பட்டுள்ளது

பந்துவீச்சில் மட்டுமன்றி துடுப்பாட்டத்திலும் தன்னை மீளாய்விற்குட்படுத்த வேண்டிய நிலைமை அவ்வணிக்கு தோன்றியுள்ளது .

கடந்த தசாப்தகாலத்தில் அவுஸ்திரேலிய அணியின் துடுப்பாட்ட முதுகெலும்பாக திகழ்ந்த அணித்தலைவர் ரிக்கி பொன்டிங்கின் துடுப்பாட்டம் ஒருகாலத்தில் சச்சின் டெண்டுல்கர் பிரயன் லாராவுடன் ஒப்பிட வைத்த அந்த அசாத்திய மேதாவிலாசத் தன்மையை இழந்துள்ளமை மட்டுமன்றி சாதாரண வீரருக்குரித்தான ஓட்டக்குவிப்பையும் இழந்துள்ளமை அவ்வணிக்கு பெரும் பின்னடைவைக்கொடுத்துள்ளதென்றே கூறவேண்டும்

 இரண்டாவது டெஸ்ற் போட்டியையடுத்து ஐசிசி வெளியிட்டுள்ள துடுப்பாட்டவீரர்களுக்கான தரவரிசையில் 2001ம் ஆண்டிற்குப் பின்னர் முதற்தடவையாக ரிக்கி பொன்டிங் முதல் இருபது வீரர்கள் வரிசசையில் கூட இடம்பெறாமை அவரது துடுப்ப்hட்ட வீழ்ச்சியை உறுதிப்படுத்துகின்றது

ஆரம்பத்துடுப்பாட்டவீரராக கடந்த சில ஆண்டுகளாக தொடர்ச்சியாக பிரகாசித்துவந்த சைமன் கடிச் காயமுற்றுள்ளமையும் தொடரின் ஏனைய போட்டிகளில் அவர் விளையாடமாட்டார் என அறிவிப்பு வெளியாகியுள்ளமையும் அவ்வணியின் நிலைமையை மேலும் கவலைக்கிடமாக்கியுள்ளது .

மார்க்கஸ் நோர்த்தின் துடுப்பாட்டம் நோர்த்தில் இருந்து சவுத்திற்கு போய்விட்டதாக அவுஸ்திரேலிய அணியின் முன்னாள் வீரர் கிறேக் சப்பல் அண்மையில் எழுதிய கட்டுரையொன்றில் சுட்டிக்காட்டியிருந்தார் அந்தவகையில் மார்க்கஸ் நோர்த்தின் துடுப்பாட்டம் ஏமாற்றமளிப்பதாகவுள்ளது

மூன்றாவது டெஸ்ற் போட்டிக்கான அணியில் சைமன் கடிச்சின் இடம் கைமாறப்போவது உறுதியாகிவிட்டாலும் மார்க்கஸ் நோர்த்துடைய இடமும் நிச்சயமில்லை என தகவல்கள் வெளியாகியுள்ளன

தற்போதுள்ள வீரர்களைப் பார்க்கையில் ஷேன் வொட்ஸன் ரிக்கி பொன்டிங் மைக்கல் கிளார்க் மைக்கல் ஹஸி பிரட் ஹடின் ஆகியோரின் சாதனைகள் நிருபிக்கப்பட்டதொன்றாக காணப்படுவதால் அவர்கள் தமக்கேயுரியதான உயரிய துடுப்பாட்ட ஆற்றலைக் கண்டுகொள்ளும் நிலையில்  துடுப்பாட்டத்தை அவுஸ்திரேலியா சரிசெய்துகொள்வதற்கு வாய்ப்புள்ளது .

ஆனால் பந்துவீச்சே அவ்வணிக்கு பெரும் தலைவலியாக உருவெடுத்துள்ளது கடந்த 30வருடகாலத்தில் தாம் கண்ணுற்ற மிக மோசமான பந்துவீச்சாக தற்போதுள்ள பந்துவீச்சாளர்களின் ஆற்றல் வெளிப்பாடுகள் காணப்படுவதாக அவுஸ்திரேலிய அணியின் முன்னாள் ஜாம்பவான்கள் சுட்டிக்காட்டியுள்ளனர் .

அவுஸ்திரேலிய அணியின் பந்துவீச்சு எந்தளவிற்கு அதளபாதாளத்திற்கு சென்றுள்ளதென்பதற்கும் அந்நாட்டு ரசிகர்களிடையே எத்தகைய தாக்கத்தை ஏற்படுத்தியிருக்கின்றதென்பதற்கும் ஆதாரமாக அவுஸ்திரேலிய ரசிகர்கள் ஓய்வுபெற்ற நட்சத்திர சுழற்பந்துவீச்சாளர் ஷேன் வோர்னை மீண்டும் அணிக்கு திரும்புமாறு கோரியுள்ளனர் .

இதற்காக www.bringbackwarne.com என்ற பெயரில் அவுஸ்திரேலியாவின் கிரிக்கட் ரசிகர்கள் இணையத்தளமொன்றை ஆரம்பித்துள்ளதுடன் வோர்னிற்கு ஒரு மில்லியன் டொலர்களை வழங்கத்தயாராக இருப்பதாக தெரிவித்துள்ளனர் .

இது எந்தளவிற்கு அவுஸ்திரேலிய நிலைமை மோசமாகியுள்ளதென்பதற்கு ஒரு அறிகுறியாக நோக்கப்படுகின்றது

மறுபுறத்தில் இங்கிலாந்து அணி நாளுக்கு நாள் பலம்பெற்றுவருவதை அதன் ஆற்றல் வெளிப்பாடுகள் உணர்த்திநிற்கின்றன .தற்போதைய அணியின் துடுப்பாட்டவீரர்கள் அனைவரும் ஏறத்தாழ ஆற்றலின் உச்சத்தில் காணப்படுவதுடன் அவுஸ்திரேலியா குறித்து கடந்தகாலத்தில் கொண்டிருந்த அச்சமுடக்கநிலையை களைந்து சுதந்திரமாக அடித்தாடுவதைக் காணமுடிகின்றது

அணித்தலைவர் அன்ட்று ஸ்ரோஸ் ஆரம்பத்துடுப்பாட்டவீரர் அலிஸ்டர் குக் ஜொனத்தன் ட்ரோட் கெவின் பீற்றர்ஸன் போல் கொலிங்வுட் இயன் பெல் மட் ப்றயர் என அவ்வணியின் துடுப்பாட்டவரிசையைக் காணும் போதே எதிரணிக்கு அச்சநிலை ஏற்படும் வகையில் ஆற்றல்கள் பிரமிக்கவைப்பதாய் மாறிவருகின்றன

இங்கிலாந்து அணியின் பந்துவீச்சு ஜேம்ஸ் அன்டர்ஸன் கிரஹாம் ஸ்வான் ஆகியோரின் சிறப்பான ஆற்றல் வெளிப்பாடுகளாலும் ஏனைய வீரர்களின் பக்கத்துணையாலும் வலுவானதாக காணப்படுகின்றது .முக்கிய பந்துவீச்சாளரான ஸ்டுவர்ட் ப்ரோட் உபாதைகாரணமாக தொடரின் எஞ்சிய போட்டிகளில் பங்கெடுக்க முடியாத நிலை ஏற்பட்டுள்ள போதும் மேலதீக வீரர்கள் திறமைசாலிகளாக இருப்பதால் அவரின் வெற்றிடத்தை இங்கிலாந்து அணியால் இலகுவில் நிவர்த்தித்துவிடமுடியும்

ஆக மொத்தத்தில் பாரிய மாற்றங்கள் இடைப்பட்ட காலத்தில் ஏற்படாதவிடத்து கடந்த 1986-87ம் ஆண்டுக்கு பின்னர் முதற்தடவையாக அவுஸ்திரேலிய மண்ணில் ஆஷஸ் டெஸ்ற் தொடரை இங்கிலாந்து அணி வென்றெடுப்பதற்கான வாய்ப்புக்கள் தற்போதைய நிலையில் பிரகாசமாகத் தெரிகின்றன

போரிய அழிவிற்கு பின்னர் அன்றேல் தோல்விக்குப் பின்னர் மீண்டெழுவதற்கு உதாரணமாக சாம்பலில் இருந்து மீள உயிர்த்தெழும் ஃபீனிக்ஸ் பறவையை கோடிட்டுக்காண்பிப்பர். அவுஸ்திரேலிய அணி தற்போதைய ஆஷஷ் தொடரின் எஞ்சிய மூன்று போட்டிகளிலும் சாம்பலில் இருந்து மீள உயிர்த்தெழும் ஃபீனிக்ஸ் பறவை போன்று மீண்டெழுமா அன்றேல் வீழ்ச்சி மேல் வீழ்ச்சிகாணுமா என்பதற்கு காலம்தான் பதில் சொல்ல வேண்டும் .

கிரிக்கட் ரசிகர்களின் பேரபிமானம் பெற்ற ஆஷஷ் கிண்ண கிரிக்கட் தொடர் நாளை ஆரம்பம்

கிரிக்கட் விளையாட்டின் மிகப்பழைமையானதும் பாரம்பரியம் மிக்கதுமான ஆஷஷ் கிண்ண டெஸ்ற் கிரிக்கட் தொடரின் மற்றுமொரு அத்தியாயம்  நாளையதினம் அவுஸ்திரேலியாவில் ஆரம்பமாகின்றது

கடந்த இரண்டு தசாப்தகாலத்தில் முதற்தடவையாக அவுஸ்திரேலிய மண்ணில் ஆஷஷ் தொடரொன்றை வென்றெடுக்கும் நம்பிக்கையுடன் இங்கிலாந்து அணியும் தமது அணியின் பெயரைக் கட்டிக்காக்கும் திடசங்கற்பத்துடன் அவுஸ்திரேலிய அணியும் களமிறங்குகின்றன.

1986ஃ87 கிரிக்கட் பருவகாலத்திலேயே 2ற்கு 1 என்ற போட்டிகள் வித்தியாசத்தில் இங்கிலாந்து அணி அவுஸ்திரேலிய மண்ணில் கடைசியாக வெற்றியீட்டியிருந்தது .அதற்கு பின்னர் அவுஸ்திரேலியா மண்ணில் இடம்பெற்ற 5 ஆஷஷ் தொடர்களிலும் இங்கிலாந்து அணி படுமோசமான தொடர் தோல்விகளைத் தழுவியுள்ளது

இந்த 5 ஆஷஷ் தொடர்களிலும் இருநாடுகளும் 25 டெஸ்ற்போட்டிகளில் விளையாடியுள்ளதுடன் இதில் இங்கிலாந்து அணி 18 போட்டிகளில் தோல்வியைத்தழுவியுள்ளதுடன் மூன்றில் மாத்திரமே வெற்றிபெற்றுள்ளமை சுட்டிக்காட்டத்தக்கது .

இருந்தபோதிலும் இம்முறை முடிவுகள் வித்தியாசமாக இருப்பதற்கான சாத்தியக்கூறுகள் காணப்படுகின்றன.

இதற்கு அண்மைக்காலமாக இங்கிலாந்து அணி வெளிப்படுத்திவருகின்ற சிறப்பான ஆற்றல் வெளிப்பாடுகளும் நம்பிக்கையூட்டும் பயிற்சிப்போட்டி முடிவுகளும் மட்டுமன்றி அவுஸ்திரேலிய அணியின் ஆட்டத்திறனில் காணப்படும் சோபையிழப்பும் அவ்வணியின் வீரர்கள் சிலரது உடற்திடநிலை குறித்த கரிசனைகளும் காரணமாகும் .

தற்போதைய நிலையில் இங்கிலாந்து அணி சர்வதேச கிரிக்கட் பேரவையின் தரப்படுத்தலில் அவுஸ்திரேலியாவிலும் மேலாக இருப்பதுடன் கடந்த இருவருடங்களில் சிறப்பான வெற்றி தோல்வி விகிதாசாரப் பெறுதியைக் கொண்டிருக்கின்றது.

கடந்த 2வருடங்களில் இங்கிலாந்து அணி 12 டெஸ்ற் போட்டிகளில் வெற்றிபெற்றும் 4போட்டிகளில் தோல்வியடைந்துமுள்ள அதேவேளையில் அவுஸ்திரேலிய அணியோ 12 டெஸ்ற் போட்டிகளில் வெற்றிபெற்றும் 6 போட்டிகளில் தோல்வியடைந்துமுள்ளமை சுட்டிக்காட்டத்தக்கது.

கடந்த முறை அவுஸ்திரேலிய மண்ணில் இடம்பெற்ற ஆஷஷ் தொடருக்கு முன்பான 2வருட காலப்பகுதியில் அவுஸ்திரேலிய அணி விளையாடிய டெஸ்ற் போட்டிகளில் 15ல் வெற்றி பெற்றிருந்ததுடன் 2ல் மாத்திரமே தோல்வியைத் தழுவியிருந்து .

அந்த 2 டெஸ்ற் தோல்விகளும் இங்கிலாந்து மண்ணில் 2005ல் இடம்பெற்ற ஆஷஷ் தொடரின் போது சந்தித்த தோல்விகளாகும். அந்தத் தோல்விகளைத் தவிர விளையாடிய அனைத்துப்போட்டிகளிலும் அவுஸ்திரேலிய அணி அபார வெற்றிகளைக் குவித்திருந்தது. இதில் பலம்வாய்ந்த தென் ஆபிரிக்க அணிக்கெதிராக 2006/7 பருவகாலத்தில் தாயகத்திலும் வெளியிலும் விளையாடிய ஆறுபோட்டிகளில் ஈட்டிய 5 வெற்றிகளும் அடங்கும் என்பது குறிப்பிடத்தக்கதாகும்.

இவ்வாறான உச்சநிலையில் இருந்தபோதே 2006ஃ 7 பருவகாலத்தில் அவுஸ்திரேலிய மண்ணில் கடைசியாக இடம்பெற்ற ஆஷஷ் தொடரில் அவுஸ்திரேலிய அணி 5-0 என்ற கணக்கில் இங்கிலாந்து அணியை வெள்ளையடிப்புச் செய்து அமோக வெற்றியீட்டியிருந்தது .

அந்த ஆஷஷ் தொடருடன் அவுஸ்திரேலிய அணியின் ஜாம்பவான் வீரர்களான ஷேன் வோர்ன் கிளென் மக்கிராத் மத்தியு ஹெய்டன் ஜஸ்ரின் லாங்கர் மற்றும் டேமியன் மார்டின் ஆகியோர் ஓய்வுபெற்றதுமே அவுஸ்திரேலிய அணியின் வீழ்ச்சி ஆரம்பமாகியது .

இந்நிலையில் கடைசியாக 2009ம் ஆண்டில் இங்கிலாந்து மண்ணில் இடம்பெற்ற ஆஷஷ் தொடரில் 2ற்கு 1 என்ற கணக்கில் அவுஸ்திரேலிய அணி ஆஷஷ் தொடரை இழந்தது . இதன் மூலமாக இரண்டு முறை(2005இ2009) இங்கிலாந்து மண்ணில் ஆஷஷ் தொடரை இழந்த அவுஸ்திரேலிய அணிக்கு தலைமைதாங்கியவர் என்ற அவப்பெயரை ரிக்கி பொன்டிங் ஈட்டிக்கொண்டதுடன் அவரது கிரிக்கட் எதிர்காலம் தொடர்பான விமர்சனங்களுக்கும் ஆளானார்.

ஆனால் தமது தாயகத்தில் இம்முறை ஆஷஷ் தொடர் இடம்பெறுவதாலும் இங்கிலாந்தில் அடைந்த தோல்விகளுக்கு பழிவாங்குவதற்கு நீண்டகாலமாகவே அவுஸ்திரேலிய அணி திடசங்கற்பங்கொண்டிருப்பதாலும் இறுதிவரையில் விறுவிறுப்பைத்தரும் தொடராக இம்முறை தொடர் அமையும் என எதிர்பார்க்கலாம் .

ஆஷஷ் டெஸ்ற் கிரிக்கட் தொடர் வரலாறு

இங்கிலாந்து அவுஸ்திரேலிய அணிகளுக்கு இடையிலான டெஸ்ற் கிரிக்கட் தொடர் 1877ம் ஆண்டிலேயே ஆரம்பித்து விட்டபோதும் இரு அணிகளுக்கும் இடையிலான ஆஷஷ் தொடர் 9 போட்டிகளின் பின்னர் 1882ம் ஆண்டிலேயே ஆரம்பமாகியது .

1882ம் ஆண்டில் இங்கிலாந்திற்கு சுற்றுப்பயணம் மேற்கொண்ட அவுஸ்திரேலிய அணி ஒரு போட்டியில் மாத்திரமே விளையாடியது. துடுப்பாட்ட வீரர்களுக்கு மிகவும் சவாலான லண்டன் ஓவல் மைதானத்தில் இடம்பெற்ற இந்தப்போட்டியில் முதலில் துடுப்பெடுத்தாடிய அவுஸ்திரேலிய அணி அதன் முதல் இனிங்ஸில் 63 ஓட்டங்களை மாத்திரமே பெற்றது .

பதிலளித்த இங்கிலாந்து அணி அதன் முதல் இனிங்ஸில் 101 ஓட்டங்களைப் பெற்று 38 ஓட்டங்களால் முன்னிலை பெற்றது .இதனைத் தொடர்ந்து இரண்டாவது இனிங்ஸை ஆரம்பித்த அவுஸ்திரேலிய அணியால் 122 ஓட்டங்களை மாத்திரமே பெறமுடிந்தது இதன் படி இங்கிலாங்து அணிக்கு 85 ஓட்டங்களைப் பெறவேண்டும் என்ற வெற்றி இலக்கு நிர்ணயிக்கப்பட்டது . ஆனால் இங்கிலாந்து அணியோ 78 ஓட்டங்களுக்கே சுருண்டு 7 ஓட்டங்களால் தோல்வியைத்தழுவியது .

தமது காலனித்துவ நாட்டிடம் அடைந்த படுதோல்வியைத்தாங்க முடியாது பெருந்துயர் அடைந்த இங்கிலாந்து ஊடகங்கள் இதற்கு பெரும் பிரசாரங்களைக் கொடுத்து செய்திவெளியிட்டன

இங்கிலாந்தின் ஸ்போர்டிங் டைம்ஸ் என்ற பத்திரிகை இங்கிலாந்து அடைந்த தோல்வியை மரண அறிவித்தலாக பிரசுரித்திருந்தது
இங்கிலாந்து கிரிக்கட் 1882ம் ஆண்டு ஓகஸ்ற் மாதம் 29ம் திகதி ஓவல் மைதானத்தில் மரணித்து விட்டதாகவும் இதனை ஆழ்ந்த துயரத்துடன் நண்பர்களுக்கும் ஆதரவாளர்களுக்கும் அறிவித்துக்கொள்வதாக அதில் தெரிவிக்கப்பட்டிருந்தது இதன் பின்னரே ஆஷஷ் தொடர் இரு நாடுகளுக்கும் இடையே உத்தியோக பூர்வமாக விளையாடப்பட்டுவருகின்றது

இரு அணிகளுக்கும் இடையே இது வரை நடைபெற்றுள்ள 65 டெஸ்ற் தொடர்களில் அவுஸ்திரேலிய அணி 31 தொடர்களிலும் இங்கிலாந்து அணி 29 தொடர்களிலும் வெற்றி ஈட்டியுள்ளன .ஐந்து தொடர்கள் வெற்றி தோல்வியின்றி நிறைவடைந்துள்ளன

2009ம் ஆண்டுவரையான இரு அணிகளுக்கும் இடையிலான போட்டிகளின் பெறுபேறுகளுக்கு அமைவாக அவுஸ்திரேலிய அணி மொத்தமாக 122 டெஸ்ற்களிலும் இங்கிலாந்து அணி 97 போட்டிகளிலும் வெற்றி பெற்றுள்ளதுடன் 86 போட்டிகள் வெற்றி தோல்வியின்றி நிறைவடைந்துள்ளமை சுட்டிக்காட்டத்தக்கது

வலுவுள்ள சமூகம் படைப்பதற்காய் உடலினை உறுதிசெய்வோம்

                                                                               ஏகலைவன்


இன்றைய அவசர உலகில் பலருக்கு பணம் சம்பாதிப்பதே குறியாய் இருப்பதால் உடல்திடநிலை குறித்து பலரும் அக்கறை செலுத்துவதில்லை


இந்த உலகப் போக்கு இலங்கையையும் விட்டுவைக்கவில்லை.
இலங்கையில் கடந்த 20-30 வருடங்களில் நீரழிவு மற்றும் உயர் இரத்த அழுத்தம் போன்ற நோயாளர்களின் எண்ணிக்கையில் அதிகரிப்பு ஏற்பட்டுள்ளது .

நாட்டின் மொத்த சனத்தொகையில் 10சதவீதமானவர்கள் நீரழிவு நோயினாலும் 25 சதவீனமானவர்கள் உயர் இரத்த அழுத்த நோயினாலும் பாதிக்கப்பட்டுள்ளதாக சுகாதார அமைச்சினால் வெளியிடப்பட்ட புதிய புள்ளிவிபரத் தகவல்கள் சுட்டிக்காட்டுகின்றன
.
இதற்கு புகைபிடித்தல் மதுபானம் அருந்துதல் மன அழுத்தம் மோசமான உணவுப்பழக்க வழக்கம் போன்ற காரணிகளால் அதிகமானவர்கள் இந்த நோய்களுக்கு ஆளாகியுள்ளதாக குறிப்பிடப்படுகின்றது/

இலங்கையைப் பொறுத்தவரையில் போர்ச் சூழலும் அதிகளவு மக்கள் இந்த நோய்களினால் பீடிக்கப்பட்டுள்ளமைக்கு காரணமாக கூறப்படுகின்றது

கஷ்டப்பிரதேசங்களில் கிராமிய சூழலில் வாழ்பவர்களுக்கு மன உளைச்சல் உளவியற் பாதிப்புக்கள் என்பனவற்றைத்தவிர்த்து வேறுகாரணங்களால் இந்த நோய்கள் நெருங்க வாய்ப்பில்லை .இதற்கு அம்மக்களின் இயற்கையுடன் ஒன்றிய வாழ்க்கை முறையும் கடின உழைப்புமே காரணமாகும்
 .
ஆனால் நகர்பிரதேசங்களில் உள்ளவர்களுக்கு இந்நோய்கள் வருவதற்கு தமது உடல் திடநிலை குறித்து அவர்கள் அக்கறை காண்பிக்காமையே பிரதான காரணமாக சுட்டிக்காட்டப்படுகின்றது

இடவசதியின்மை காரணமாக தமது வீடுகளிலோ தூரம் காரணமாக மைதானங்களிலோ விளையாட்டு உடற்பயிற்சி போன்றவற்றில் ஈடுபடமுடியாதவர்களுக்காகவென்ற தற்போது நகர்ப்புறங்களில் உடற்பயிற்சிக் கூடங்கள் 'GYM'காணப்படுகின்றன.

.
இவற்றை எத்தனைபேர் பயன்படுத்திக் கொள்கின்றனர் என்றால் அது மிகக் குறைவாகவே காணப்படுகின்றது

புகைபிடித்தும் மதுபானம் அருந்தியும் தெருத்தெருவாய்ச் சுற்றியும் தமது நேரகாலத்தை வீணடித்து நம்பியிருக்கும் குடும்பத்தாரையும் நட்டாற்றில் விட்டுச் செல்லுகின்றவர்கள் மத்தியில் உடற்பயிற்சிக் கூடங்களுக்கு சென்று தமது உடலைத் திடப்படுத்தி வலுவான சமூகத்தை படைத்திட பங்களிக்கின்றவர்கள் பாராட்டப்படவேண்டியவர்களாவர்
.
விளையாட்டிற்காக கேசரி ஸ்போர்ட்ஸ் சஞ்சிகை அர்ப்பணிக்ப்பட்டுள்ள நிலையில் அதில் விளையாட்டின் முக்கிய நோக்கங்களில் ஒன்றான உடலினை உறுதி செய்கின்ற முயற்சியில் தம்மை அர்ப்பணித்துக்கொண்டுள்ளவர்கள் பற்றிய ஆக்கங்களை பிரசுரிக்க தீர்மானித்துள்ளோம்

அந்த வகையில் அர்ப்பணிப்புடன் நேர்த்தியாக செயற்படுகின்ற உங்கள் பகுதிகளிலுள்ள விளையாட்டுக்கழகங்கள் உடற்பயிற்சிக் கூடங்கள் கராத்தே வகுப்புக்கள் போன்றவை பற்றியும் அங்கு நிலைநாட்டப்பட்ட சாதனைகள் குறித்தும் எமக்கு எழுதி அனுப்புமிடத்து தகுதியானவை இச்சஞ்சீகையில் நிச்சயமாக பிரசுரிக்கப்படும் என்பதைக் கூறிக்கொள்கின்றோம்

இந்த வகையில் இந்த சஞ்சிகையில் கொட்டாஞ்சேனை சுற்றுவட்டத்திற்கு அண்மையில் அமைந்துள்ள லைவ்லைன் உடற்பயிற்சிக்கூடத்தின் பயிற்சிவழங்குநர் ஆ.பி.சிறியான் ஆனந்தவுடன் உடற்பயிற்சியின் அவசியம் குறித்தும் கலந்துரையாடினேன்.

.
உடற்பயிற்சி செய்யவேண்டியது ஏன் அவசியம் என கருதுகின்றீர்கள் ?
முன்புபோலன்றி தற்போது அனைத்துமே சொகுசுமயமாகிவருகின்றது .உடலை வருத்தி உழைக்கும் நிலைமை காணப்படவில்லை.அதனால் தான் உடற்பயிற்சி அவசியமாகும்.

என்னனென்ன நோக்கங்களுக்காக உடற்பயிற்சிக்கூடத்திற்கு வருகின்றனர் ?
கணிசமானோர் உடற்கட்டுமானத்திற்காக (Body Building) வருகின்றனர். உடலினை உறுதிசெய்வதற்காக பலர் வருகின்றனர் .இதனைத்தவிர கொழுப்பு கொலஸ்ரோலை குறைப்பதற்காக தொப்பையைக் குறைப்பதற்காக என்றும் இங்கு வருகின்றனர்.

ஒருவர் எத்தனை மணிநேரம் உடற்பயிற்சி செய்யவேண்டும்?
உடற்கட்டுமானம் செய்பவர்கள் ஒன்றரை மணிநேரம் முதல் 2மணித்தியாலங்கள் செய்யவேண்டும் .உடற்திடநிலைக்காக செய்பவர்கள் பெண்களாக இருப்பின் 45நிமிடங்களும் ஆண்களாக இருப்பின் ஒருமணிநேரமும் செய்யவேண்டும்

உடற்பயிற்சி செய்வதற்கு என்று நேரகாலம் உள்ளதா?
ஆதிகாலை முதல் 9மணிவரையான காலப்பகுதியும் மாலை நான்கு மணிமுதல் இரவு 10மணிவரையான காலப்பகுதியும் மிகவும் நல்லது .உடற்பயிற்சி கூடத்தில் உகந்த காலநிலை அதாவது குளிர்சாதனம் செய்யப்பட்டு வெக்கையற்ற இதமான காற்றுடனான சூழல் காணப்பட்டால் மதியம் 1மணி 2மணி என்றாலும் உடற்பயிற்சி செய்யமுடியும்.

உடற்பயிற்சிக்கூடமொன்றை தெரிவுசெய்யும் போது எத்தகைய விடயங்களை கவனத்தில் கொள்ளவேண்டும் ?

முதலில் உடற்பயிற்சிக்கூடம் அமைந்துள்ள சூழல் முக்கியமாக உட்புறச்சூழல் சிறப்பாக இருக்கவேண்டும் .அடுத்ததாக அங்குள்ள பயிற்றுநர் எப்படிப்பட்டவர் என்பதை அறிந்துகொள்ளவேண்டும் .தேர்ச்சியற்ற பயிற்றுவிப்பாளர்கள் இன்று அதிகமாக உள்ளனர். இதனால் முதலில் சேர முன்பு உடற்பயிற்சிக்கூடத்திற்கு சென்று அவதானிக்க வேண்டும் .தேர்ச்சியற்ற பயிற்றுநர் இருப்பின் நல்ல உடலுடன் போகின்றவர்கள் காயங்களுடனும் உபாதைகளுடனும் தான் திரும்பிவரவேண்டும் .

PATHETIC CONDITION OF RATNAM PARK

சாக்கடையாகிப்போன '' சம்பியன்'' மைதானம்

''எப்படியிருந்த மைதானம் இப்படியாகிவிட்டதே'' ரட்ணம் மைதானத்தை இன்று பார்ப்பவர்கள் இந்த வார்த்தைகளை முணுமுணுத்துக்கொண்டு போவதை அவதானிக்க முடிகின்றது 

பூரணத்துவமிக்க மனித சமூகத்தை உருவாக்குவதில் விளையாட்டு உடற்பயிற்சி பொழுது போக்கு என்பனவும் இன்றியமையாதன . இதற்காகத் தான் ஒவ்வொரு பிரதேசத்திலும் மக்கள் செறிந்து வாழும் பகுதிகளின் மத்தியில் மைதானங்கள் அமைக்கப்பட்டிருக்கின்றன

இந்தவகையில் கொழும்பு கொச்சிக்கடை ஜிந்துப்பிட்டி கொட்டாஞ்சேனை சென்றல் வீதி புதுக்கடை எனப் பல்வேறு பிரதேசங்களைச் சேர்ந்த ஆயிரக்கணக்கான மக்கள் குறிப்பாக இளைஞர்களால் பயன்படுத்தப்பட்டுவந்த ஜம்பட்டா வீதி ரட்ணம் மைதானத்தின் இன்றைய நிலையோ மிகவும் மோசமானதாக கவலைக்கிடமாக காட்சியளிக்கின்றது

இலங்கை கால்பந்தாட்ட அரங்கில் புகழ்பெற்ற கழகங்களான ரட்ணம் மற்றும் ரினோன் கழகங்களின் தாயக பயிற்சி மைதானமாகவும் திகழ்ந்த இந்த ரட்ணம் மைதானம் இனமதபேதமின்றி அனைத்து தரப்பு மக்களாலும் பயன்படுத்தப்பட்டு வந்ததென்பதுடன் இலங்கை தேசிய கால்பந்தாட்ட அணியைப் பிரதிநிதித்துவப்படுத்திய பல வீரர்களின் ஆரம்பத்திற்கு களமமைத்துக்கொடுத்திருந்தது

ஆனால் கடந்த சில வருடங்களாக கேட்பாரில்லாத நிலையில் மிகவும் பரிதாபகரமாக இந்த மைதானம் காணப்படுகின்றது

மைதானத்தில் காடுபற்றி புற்கள் அடர்த்தியாக வளர்ந்துள்ளதுமட்டு மன்றி கழிவுநீரும் தேங்கிக்காணப்படுகின்றது.

மைதானத்திற்கு அருகிலுள்ள ஒருசில தோட்டங்களைச் சேர்ந்தவர்கள் சட்டவிரோதமான நிலையில் வீடுகளை அமைப்பதற்காக கழிவுநீர் வாய்க்கால்களை அடைத்து அதனை மைதானத்திற்குள் திருப்பி விட்டுள்ளமையும் இந்த நிலைமைக்கு முக்கிய காரணம் என சுட்டிக்காட்டப்படுகின்றது

இதனைத்தவிர மழை பெய்யும் போது நீர்வழிந்தோட வழியின்றி மழைநீரும் தேங்கிநிற்பதுண்டெனக்குறிப்பிடும் மைதானத்திற்கு அருகில் வாழும் மக்கள் இதனால் டெங்கு நோய் பரவும் அபாயமும் அதிகமாக காணப்படுவதாக கவலைதெரிவிக்கின்றனர்.

மைதானத்தின் பரிதாபகரமான நிலைக்கு மத்தியிலும் வேறு தெரிவுகள் இல்லாத நிலையில் அங்கு பயிற்சிக்காக வந்திருந்த பிரதேசவாசியான கே.செல்வராஜ் என்பவரிடம் மைதானத்தின் நிலைகுறித்து வினவியபோது 

'நான் இந்த பிரதேசத்தை சேர்ந்தவன் இந்த மைதானத்தில் நூற்றுக்கணக்கான இளைஞர்கள் விளையாடிய நாட்கள் இன்று வெறும் கனவாகிப்போய்விட்டது தற்போது ஒருசிலர் தான் இங்கு வருகின்றனர்.மைதானம் இருக்கின்ற நிலையை பார்த்தால் யாரிற்காவது வர மனம்வருமா? இங்கு தேங்கிக்கிடக்கின்ற நீரால் மைதானத்தின் அருகில் வசிக்கின்ற எம்போன்றவர்கள் கடும் நுளம்புத்தொல்லையை எதிர்நோக்க நேரிடுகின்றது சிறுவர் குழந்தைகள் செறிந்து வாழுகின்ற இப்பகுதியில் இப்படி மைதானம் இருப்பது எவ்வளவு ஆபத்தானது. கொழும்பு மாநகரசபைதான் இந்த மைதானத்தை பராமரிக்க வேண்டியவர்கள் ஆனால் அவர்கள் இதனை பொருட்படுத்தாமல் அலட்சியம்செய்துவருகின்றனர்'

வெறுமனே விளையாட்டு மைதானமாக மட்டுமன்றி அனைத்தினங்களையும் சேர்ந்த மக்களின் உறவுப்பாலமாகவும் விளங்கிய ரட்ணம் மைதானத்தின் நிலைமை பற்றி கொச்சிக்கடைப்பிரதேசத்தை சேர்ந்த எஸ்.ஜஸ்ரின் என்பவர் கருத்துவெளியிடுகையில்

 ' எமது ரட்ணம் மைதானம் இவ்வாறு காணப்படுவதால் நாங்க விளையாடுவதற்காக மோதரைக்கும் எலிஹவுஸ் பூங்காவிற்கும் தான் செல்லவேண்டியிருக்கின்றது .இதனால் போக்குவரத்து செலவுவேற ஏற்படுகின்றது.ரட்ணம் கழகம் ரினோன் கழகங்களைச் சேர்ந்தவர்கள் கூட இதுவிடயத்தில் நடவடிக்கை எடுத்ததாக தெரியவில்லை அப்படி நடவடிக்கை எடுத்திருந்தால் வருடக்கணக்காக மைதானம் இப்படிக் அசிங்கமாக கிடக்காது'

ரட்ணம் மைதானத்தின் வாசலுக்கு அருகிலுள்ள பௌத்த விகாரையைச் சேர்ந்த பிக்குவொருவர் கருத்துவெளியிடுகையில் ' ஐயோ நுளம்புத்தொல்லை தாங்க முடியவில்லை .கடந்த சில வாரங்களுக்கு முன்பாக இசை நிகழ்;ச்சியொன்றை நடத்துவதற்காக மைதானத்தின் ஒருபகுதியை சுத்திகரித்தனர் ஆனாலும் அனேமான இடங்களில் மீண்டும் கழிவுநீர் தேங்கி புற்களும் பெரிதாக வளர்ந்துவிட்டன .இதுவிடயத்தில் ஏன் முழுமையாக நடவடிக்கை எடுக்கின்றார்கள் இல்லை என்பது புரியாத புதிராக உள்ளது'

ரட்ணம் மைதானத்தின் எல்லையோரமாகத்தான் கீறின் லேனில் உள்ள முஸ்லிம் மகாவித்தியாலயத்தின் பல் அடுக்கு மாடிக்கட்டிடமும் அமைந்துள்ளது.

.இலங்கையில் டெங்கு நோய் காரணமாக இவ்வருடத்திற்குள்ளாக 25ஆயிரத்திற்கு அதிகமானவர்கள் பாதிக்கப்பட்டும் 200ற்கு மேற்பட்டவர்கள் மரணமுற்றிருக்கின்ற நிலையில் இந்தப்பாடசாலையில் கல்விகற்கின்ற ஆயிரத்திற்கும் மேற்பட்ட மாணவர்கள் சுற்றியுள்ள பிரதேசத்தில்;வாழ்கின்ற பல்லாயிரக்கணக்கான மக்களின் நலன்கள் தொடர்பிலும் அக்கறை செலுத்தவேண்டியது கடமையல்லவா?

நடக்ககூடாதது நடந்த பின்னர் அதற்காக அழுது புலம்புவதைவிடுத்து வருமுன் நடவடிக்கை எடுப்பது அனைவருக்கும் நன்மையானது

எனவே ரட்ணம் மைதானத்தை புனரமைப்பதன் மூலம் அனைவரது மனங்களிலும் மகிழ்ச்சியை ஏற்படுத்த பிரதேசத்தைச் பிரதிநிதித்துவப்படுத்தும் அரசியல் வாதிகள் வர்த்தகர்கள் நலன்விரும்பிகள் என அனைத்துதரப்பினரும் முன்வரவேண்டும் என்பதே கேசரி ஸ்போர்ட்ஸின் வேண்டுகோளாகும் 

--

PAKISTAN NEW TEST CRICKET CAPTAIN MISBAH UL HAQ

பாகிஸ்தான் அணிக்கு மீண்டும் புதிய தலைவர் நியமனமும் 
        அவ்வணி எதிர்நோக்குகின்ற சிக்கல்களும்

பாகிஸ்தான் டெஸ்ற் கிரிக்கட் அணியின் புதிய தலைவராக மிஸ்பா உல் ஹக் நியமிக்கப்பட்டுள்ளதாக கடந்தவாரத்தில் வெளியான தகவலைப்பார்த்த போது மீண்டும் புதிய தலைவரா என்ற ஆதங்கமே ஏற்பட்டது

கடந்த சில ஆண்டுகாலப்பகுதியில் ஏன் கடந்த சில மாதங்களுக்குள்ளாக பாகிஸ்தான் கிரிக்கட் அணிக்கு எத்தனை பேர் தலைவர்களாக நியமிக்கப்பட்டிருந்தனர் என்பதே வியப்பானது ஏன் இவ்வாறு அடிக்கடி புதியதலைவர்கள் நியமிக்கப்படுகின்றனர் என்பது அதனைவிடவும் வியப்பானது

2010ம் ஆண்டில் பாகிஸ்தான் டெஸ்ற் கிரிக்கட் அணிக்கு தலைவராக நியமிக்கப்பட்ட 4வது வீரர் மிஸ்பா உல் ஹக் என்பது இங்கே சுட்டிக்காட்டத்தக்கது இதற்கு முன்பாக இவ்வாண்டில் மொஹம்மட் யூசுப் ஷஹீட் அப்ரிடி மற்றும் சல்மான் பட் ஆகியோர் தலைவர்களாக நியமிக்கப்பட்டிருந்தனர்.

சல்மான் பட் கிரிக்கட் சூதாட்ட சர்ச்சையில் சிக்கிக் கொண்டுள்ள நிலையிலேயே அடுத்த மாதம் தென் ஆபிரிக்க அணிக்காக அபுதாபியில் நடைபெறவுள்ள இரண்டு டெஸ்ற் போட்டிகள் கொண்ட தொடருக்கான பாகிஸ்தான் அணிக்கு சல்மான் பட் தலைவராக நியமிக்கப்பட்டுள்ளமை குறிப்பிடத்தக்கது.

பாகிஸ்தான் கிரிக்கட் அணி அந்நாட்டு அரசியலைப் போன்றே ஸ்திரமற்ற நிலையில் உள்ளதனையே அண்மைக்கால செயற்பாடுகள் காண்பித்துநிற்கின்றன.

அணியின் வீரர்களை எடுத்த கதியில் நீக்குவது பின்னர் சேர்த்துக்கொள்வது என நீண்டகால திட்டமிடலற்ற தீர்மானங்கள் பாகிஸ்தான் கிரிக்கட் அணியில் காணப்படுகின்றன .

இதன் காரணமாக பிறப்பிலேயே அதிக திறமை கொண்ட பல வீரர்களை அடுக்கடுக்காக சர்வதேச களத்திற்கு அனுப்பியும் ஒரு சிலரைத்தவிர பெரும்பாலானவர்களிடமிருந்து உச்சப்பயன்பாட்டை பெறமுடியாத துர்;ப்பாக்கி நிலைக்கு பாகிஸ்தான் தள்ளப்பட்டுள்ளது.

18வது இளம் வீரர் மொஹம்மட் ஆமிரின் கிரிக்கட் வாழ்வு இதற்கு நல்ல உதாரணம் கடந்தாண்டு ஜுலை மாதம் டெஸ்ற் பிரவேசத்தை மேற்கொண்ட ஆமிர் இவ்வாண்டு ஒகஸ்ற் மாதத்துடன் தனது டெஸ்ற் வாழ்வை இடைநிறுத்த வேண்டிய நிலை ஏற்பட்டுள்ளது.

 தாம் விளையாடிய 14 டெஸ்ற் போட்டிகளிலேயே 51விக்கட்டுக்களை வீழ்த்தி அபாரத் திறமை வெளிப்படுத்திய ஆமிர்; கிரிக்கட் சூதாட்ட சர்ச்சையில் சிக்காமல் இருந்திருந்தால் நிச்சயமாக அவர் தான் இவ்வாண்டின் வளர்ந்துவரும் வீரருக்கான விருதை தட்டிச் சென்றிருப்பார் என்பது மறுக்க முடியாத உண்மையாகும் .ஏனெனில் இவ்வாண்டு அந்த விருதை வென்ற இங்கிலாந்து வீரர் ஸ்டீவன் பின் 32 விக்கட்டுக்களை மாத்திரமே வீழ்த்தியிருந்ததை சுட்டிக்காட்டத்தக்கது.

18வயதில் அதுவும் கிரிக்கட் அரங்கில் பிரவேசித்து ஒருவருடம் கூட பூர்த்தியாவதற்கு முன்னர் ஆமிரின் எதிர்காலம் கேள்விக்குறியாகி நிற்பதற்கு பாகிஸ்தான் கிரிக்கட் நிர்வாகமே பொறுப்பேற்க வேண்டும் என்ற கருத்துக்களை நஷார் ஹுஸைன் போன்ற கிரிக்கட் பிரபலங்கள் அண்மையில் தெரிவித்திருந்தனர்.

உரிய முறையில் திறமை காண்பித்தால் அணியில் நீண்டகாலம் விளையாடமுடியும் அதற்கு இன்னுமின்னும் உழைக்கவேண்டும் திறமைகளை வளர்த்துக்கொள்ளவேண்டும் என்ற எண்ணமெல்லாம் ஸ்திரமான அணியில் உள்ளவர்களுக்குதான் ஏற்படும் மாறாக அணியில் இருப்பதே நிச்சயமில்லை எந்த நேரத்தில் வேண்டுமானாலும் காரணங்கள் இன்றி நீக்கப்படலாம் என்ற நிலை காணப்பட்டால் உண்மையிலேயே நல்ல எண்ணங்கொண்ட வீரர்கள் கூட அவர்களது எதிர்;காலம் குறித்த நிச்சயமற்ற நிலைகாரணமாக கிரிக்கட் சூதாட்டம் போன்ற விரும்பத்தகாத செயற்பாடுகளை நோக்கி; இழுபட்டுச்செல்கின்ற நிலைமையே ஏற்படும் என்பதை இங்கே குறிப்பிட்டாகவேண்டும்

1990ஆம் ஆண்டிற்கு பின்னர் வந்த காலப்பகுதியில் அவுஸ்திரேலிய டெஸ்ற் கிரிக்கட் அணிக்கு அலன் போர்டர் மார்க் டெய்லர் ஸ்டீவ் வோ அடம் கில்கிறிஸ்ட் மற்றும் ரிக்கி பொன்டிங் ஆகிய ஐந்துபேர் மாத்திரமே தலைமை வகித்துள்ளனர். இது அந்த அணியின் ஸ்திர நிலைக்கு சான்றாக அமைந்ததுடன் இந்தக்காலப்பகுதியில் அவுஸ்திரேலிய அணி டெஸ்ற் கிரிக்கட் ஜாம்பவான்களாக விரல் விட்டு எண்ணக்கூடிய தொடர்களைத் தவிர ஏனையவற்றில் பெரு வெற்றிகளை ஈட்டியிருந்தது


மறுமுனையில் பாகிஸ்தான் அணி 1990ம் ஆண்டிற்கு பின்னர் வந்த காலப்பகுதியில் இம்ரான் கான் வஸீம் அக்ரம் வக்கார் யூனுஸ் சலீம் மலிக் ரமீஸ் ராஜா சயீட் அன்வர் ஆமீர் சொகைல் ரஸீட் லத்தீவ் மொயின் கான் இன்ஸமாம் உல் ஹக் மொஹமட் யூஸுவ் யூனிஸ்கான் ஷொகைப் மலிக் ஷாஹிட் அப்ரிடி சல்மான் பட் தற்போது மிஸ்பா உல் ஹக் என 16பேர் அணிக்கு தலைமை வகித்துள்ளனர் இந்தக்காலப்பகுதியில் பாகிஸ்தான் அணி பெற்ற டெஸ்ற் தொடர் வெற்றிகளை விரல் விட்டெண்ணிவிடலாம் தோல்விகளே அதிகமாக காணப்பட்டது


 அணியில் ஸ்திரமற்ற நிலைமை அவ்வணிவீரர்களை சூதாட்டம் உட்பட பல்வேறு சிக்கல்களில் தள்ளிவிட்டுள்ளதையே நிதர்சனம் உணர்த்திநிற்கின்றது

KUMAR SANGAKARA ON WORLD CUP

2011ம் ஆண்டு உலகக்கிண்ண போட்டியில் சிறப்பான சாதனைகளை நிகழ்த்தமுடியும்

-     இலங்கை அணித்தலைவர் குமார சங்ககார நம்பிக்கை

அடுத்தவருடம் இடம்பெறவுள்ள உலகக்கிண்ண போட்டிகளின் போது சிறப்பான சாதனைகளை நிகழ்த்த முடியும் என இலங்கை அணித்தலைவர் குமார் சங்ககார நம்பிக்கை தெரிவித்தார்

கடந்த சனிக்கிழமை கொழும்பில் இடம்பெற்ற நிகழ்ச்சியொன்றில் கேசரி ஸ்போர்ட்ஸ் சார்பாக எழுப்பப்பட்ட கேள்வியொன்றுக்கு பதிலளித்த போதே அவர் இவ்வாறு கருத்துவெளியிட்டார்

உலகக்கிண்ண போட்டிகளுக்கான தயார்படுத்தல்கள் எவ்வாறு காணப்படுகின்றன என கேசரி ஸ்போர்ட்ஸ் எழுப்பிய கேள்விக்கு பதிலளித்த சங்ககார

'நாம் மிகவும் நல்ல முறையில் தயாராகிவருகின்றோம் .இன்னமும் ஒருவாரகாலப்பகுதியில் அவுஸ்திரேலியாவிற்கு பயணமாகவுள்ளோம் அந்தவகையில்.சிறிய அடிகளை சரியாக எடுத்துவைப்பதன் மூலமாக பெரிதாக சாதிப்பதற்கு ஒரு வழிமுறையை பின்பற்றவேண்டியுள்ளது எமது அவதானம் அர்ப்பணிப்பு தக்கவைத்துக்கொண்டு பயிற்சிகளில் ஈடுபடுவதன் மூலமாக இம்முறை எம்மால் சிறப்பானசாதனையை நிகழ்த்தக்கூடுமாக இருக்கும் என நம்புகின்றேன் '

உலகக்கிண்ண போட்டிகளுக்கு முன்பாக தாயகத்திற்கு வெளியே இலங்கை அணி மேற்கொள்ளும் முக்கிய கிரிக்கட் சுற்றுப்பயணமாக அவுஸ்திரேலிய சுற்றுப்பயணம் அமைந்துள்ளது இந்த சுற்றுப்பயணத்தின்போது மூன்று பயிற்சிப்போட்டிகள் அடங்கலாக ஒரு டுவன்டி டுவன்டி சர்வதேசப் போட்டியிலும் முன்று ஒருநாள் சர்வதேச போட்டிகளிலும் இலங்கை அணி விளையாடவுள்ளது

இந்த சுற்றுப்பயணத்தின் அட்டவணை பின்வருமாறு

                   பயிற்சி ஆட்டங்கள்

குயின்ஸ்லாந்து எதிர் இலங்கை (பிறிஸ்பேன்)- ஒக்டோபர் 22

நியுசவுத் வேல்ஸ் எதிர் இலங்கை (சிட்னி) – ஒக்டோபர் 24

நியுசவுத் வேல்ஸ் எதிர் இலங்கை (சிட்னி) –ஒக்டோபர் 26

         

சர்வதேச போட்டிகள்

டுவன்டி டுவன்டி சர்வதேச போட்டி

அவுஸ்திரேலியா எதிர் இலங்கை (பேர்த்)-ஒக்டோபர் 31

ஒருநாள் சர்வதேச போட்டிகள்

அவுஸ்திரேலியா எதிர் இலங்கை (மெல்பேர்ண்)-நவம்பர் 3

அவுஸ்திரேலியா எதிர் இலங்கை (சிட்னி) –நவம்பர் 5

அவுஸ்திரேலியா எதிர் இலங்கை ( பிறிஸ்பேன்)- நவம்பர் 7

இந்தப்போட்டிகள் அனைத்துமே பகலிரவுப்போட்டிகளாகவே நடைபெறவுள்ளன .

1996ம் ஆண்டு உலகக்கிண்ண போட்டிகளுக்கு முன்பாக அவுஸ்திரேலிய சுற்றுப்பயணத்தில் முக்கோணத்தொடர் போட்டிகளில் சம்பியன் ஆகியமையே இலங்கை அணிக்கு உலகக்கிண்ண சம்பியன்களாவதற்கு மிகவும் அவசியமாக தேவைப்பட்ட உந்துசக்தியையும் நம்பிக்கையையும் கொடுத்ததாக இலங்கை அணிவீரர்கள் பலர் கூறியதை கடந்தகாலத்தில் கேள்விப்பட்டிருக்கின்றோம்

அந்தவகையில் இம்முறை அவுஸ்திரேலிய சுற்றுப்பயணம் மிகவும் முக்கியமானதாக கருதப்படுகின்றது .இதில் சிறப்பாக ஆற்றல்களை வெளிப்படுத்துவது அணியின் நம்பிக்கைக்கு வலுச்சேர்க்கும் என குமார் சங்ககார தெரிவித்திருந்தார்

10வது ஒருநாள் சர்வதேச உலகக்கிண்ண போட்டிகள் அடுத்தாண்டு பெப்ரவரி 19ம்திகதி முதல் ஏப்ரல் இரண்டாம் திகதிவரை இந்தியா இலங்கை மற்றும் பங்களாதேஷ் ஆகிய நாடுகளில் கூட்டாக இடம்பெறவுள்ளமை குறிப்பிடத்தக்கது 

GOLDEN BOY PRASHANTH SELLATHURAI

தங்கம் வென்ற தமிழன் பிரசாந்த் செல்வத்துரை   

அருண் ஆரோக்கியநாதர்

இலங்கையை பூர்வீகமாகக் கொண்டவர் அவுஸ்திரேலிய அணிக்காக சாதனை

தமிழன் என்று சொல்லடா தலைநிமிர்ந்து நில்லடா என்ற வசனத்தை ஒருமுறையேனும் கேட்காதவர்கள் குறைவாகத்தான் இருக்கமுடியும்

தமிழர்களின் தலைகளை நிறுத்தி பெருமை கொள்ளும் படியான சாதனைகளை விளையாட்டுலகில் நிலைநாட்டிய பல வீரர்கள் இருக்கின்றார்கள் வெறும் சாதனைகள் அல்ல உலக சாதனைகளை அவர்கள்படைத்திருக்கின்றனர்

கிரிக்கட்டில் நம்ம முத்தையா முரளிதரன் உலக சாதனைகள் பலவற்றை நிலைநாட்டிய நிலையில் செஸ் விளையாட்டில் விஸ்வநாதன் ஆனந்த கெரம் விளையாட்டில் மரிய இருதயம் ஆகியோர் உலக சம்பியன் பட்டங்களை வென்று எல்லையில்லா மகிழ்ச்சியையும் அளவற்ற பெருமையையும் சேர்த்திருக்கின்றனர்

விளையாட்டில் சாதிக்கும் தமிழர்கள் பட்டியலில் அண்மைக்காலமாக பலரது அவதானத்தையும் ஈர்த்திருப்பவர் அவுஸ்திரேலிய தேசிய ஜிம்னாஷ்டிக் அணியை பிரதிநிதித்துவப்படுத்தும் பிரசாந்த் செல்லத்துரை

டில்லியில் நடைபெற்ற 19வது பொதுநலவாய விளையாட்டுப்போட்டிகளின் போது அவுஸ்திரேலிய அணிக்காக இரண்டு தங்கப்பதக்கங்களை வென்றுகொடுத்து பெருமை சேர்த்ததன் மூலமே அனைவரது கவனத்தையும் பிரசாந்த செல்லத்துரை ஈர்த்திருக்கின்றார்.

 டெல்லி கொமன்வெல்த் விளையாட்டு விழாவில்; இரு போட்டிப் பிரிவுகளில் கிட்டத்தட்ட 15,000 புள்ளிகள் வரை பெற்றள்ளார் செல்லத்துரை. ஜிம்னாஸ்டிக்ஸ் போட்டிகளில் இந்த அளவுக்கு அதிக பட்ச புள்ளிகள் கிடைப்பது மிகவும் அரிதான விஷயம். அந்த அளவில் செல்லத்துரை ஒரு சாதனையே படைத்துள்ளார் என்றால் மிகையல்ல

கடந்த செவ்வாய்க்கிழமை நடந்த ஜிம்னாஷ்டிக் குழுப் போட்டியில் பிரசாந்த் செல்லத்துரை, ஜோசுவா ஜெபரிஸ், சாமுவேல் ஆப்போர்ட், லூக் விவடோவஸ்கி, தாமஸ் பிச்லர் ஆகியோர் அடங்கிய குழு தங்கம் வென்றது. ஜிம்னாஸ்டிக்ஸில் அவுஸ்திரேலியாவுக்குக் கிடைத்த முதல் கொமன்வெல்த் தங்கம் இதுவென்பது குறிப்பிடத்த்ககது

இதனைத்தவிர ஜிம்னாஸ்டிக் போட்டிகளில் மிகவும் சிரமமான போட்டிகளில் ஒன்றாகக் கருதப்படும் ''பொம்மல் ஹோர்ஸ்'' என்னும் பிரிவில் கலந்துகொண்ட பிரசாந்த், மிகவும் கூடுதலாக 15,500 புள்ளிகளைப் பெற்று தங்கப் பதக்கத்தை வென்று தனது தங்கப்பதக்க எண்ணிக்கையை 2ஆக உயர்த்திக்கொண்டார்.

.

1986 ஆம் ஆண்டு ஒக்டோபர் 01 ஆம் திகதி அவுஸ்ரேலியாவில் பிறந்த பிரசாந்த் பிரசாந்த் தனது ஆற்றல்வெளிப்பாடுகளை முடித்தவுடனேயே அதனைப் பார்த்த அவரது பயிற்சியாளரான சியான் சொங் லியாங் மிகுந்த ஆரவாரத்துடன் அவரை கட்டித்தழுவிக் கொண்டார்.

குதிரை வீரன் என்று அவுஸ்திரேலிய வீரர்களால் செல்லமாக அழைக்கப்படும்  24வயதுடைய பிரசாந்த செல்லத்துரை அவுஸ்திரேலிய ஜிம்னாஸ்டிக் அணியிலுள்ள வீரர்களிலேயே குறைந்த உயரம் கொண்டவர் இவரது உயரம் 1.50 மீற்றர் என்பது சுட்டிக்காட்டத்தக்கது

ரேடியோ கிராபி மாணவரான பிரசாந்தின் பெற்றோர் இலங்கையை பூர்வீகமாக கொண்ட தமிழர்களாவர் 1983ம் ஆண்டில் இலங்கையில் இருந்து அவுஸ்திரேலியாவிற்கு புலம் பெயர்ந்து சென்றவர்கள் தற்போது சிட்னியில் வசித்துவருகின்றனர் .பிரசாந்திற்கு இரு இளைய சகோதரிகளும் உள்ளமை குறிபபிடத்தக்கது

கடந்த மெல்போர்ன் காமன்வெல்த் போட்டியில் வெண்கலப் பதக்கம் வென்றவர் செல்லத்துரை. இந்த முறை தங்கத்துடன் திரும்புவேன் என சபதமே போட்டிருந்தாராம். சொன்னபடி ஒரு தங்கப்பதக்கததையல்ல இரண்டு தங்கங்களை வென்றெடுத்து அனைவரையும் வியப்பில் ஆழ்த்தியுள்ளார்

அவுஸ்திரேலிய அணியில் இடம் கிடைத்தது செல்லத்துரைக்கு எளிதாக இருக்கவில்லையென தெரியவருகின்றது கடும் போராட்டங்கள், கடின பயிற்சி , கடுமையான முயற்சிக்குப் பின்புதான் அணியில் இடம் கிடைத்தததாக தற்போது தகவல்கள் வெளியாகியுள்ளன

சவால்களுக்கு மத்தியில் சாதிக்கும் தமிழர்கள் வரிசையில் இணைந்து கொண்டு பெருமைசேர்க்கும் பிரசாந்திற்கு கேசரி ஸ்போர்ட்ஸும் வாழ்த்துக்களைத் தெரிவித்துக்கொள்கின்றது 

ஆண்டின் மிகச்சிறந்த கிரிக்கட் வீரராக சச்சின் டெண்டுல்கர் கௌரவம்

சர்வதேச கிரிக்கட் பேரவையின்(ஐ.சி.சி)  ஆண்டின் மிகச்சிறந்த கிரிக்கட் வீரருக்கான சேர் காபீல்ட் சோபர்ஸ் விருதை இந்திய நட்சத்திர கிரிக்கட் வீரர் சச்சின் டெண்டுல்கர் வென்றெடுத்துள்ளார்


இந்தியாவின் பெங்களுரில் இன்று மாலை இடம்பெற்ற 2010ம் ஆண்டிற்கான ஐசிசி விருதுவழங்கும் விழாவிலேயே சச்சினுக்கு இந்த உயர் விருது கிடைத்துள்ளது

சாதனைகளால் நிறைந்த சச்சின் டெண்டுல்கரின் கிரிக்கட் வாழ்;வில் இந்த விருது கிடைத்திருப்பது இதுவே முதல் முறையாகும்.

விருதுகளுக்காக கருத்தில் கொள்ளப்பட்ட கடந்தாண்டு ஓகஸ்ற் 24ம்திகதிமுதல் இவ்வாண்டு ஓகஸ்ற் 10ம்திகதிவரையிலான காலப்பகுதியில் வீரர்களும் அணிகளும் வெளிப்படுத்திய ஆற்றல் வெளிப்பாடுகளைக்கவனத்தில் கொண்டே விருதுகள் ஐசிசியால்  வழங்கப்பட்டது

இந்தக்காலப்பகுதியில் சச்சின் டெண்டுல்கர் 10டெஸ்ற் போட்டிகளில் விளையாடி 1064 ஓட்டங்களைக் குவித்திருந்த அதேவேளை 17 ஓருநாள் சர்வதேச போட்டிகளில் விளையாடி 914 ஒட்டங்களையும் குவித்திருந்தார் .இதில் சர்வதேச ஒருநாள் கிரிக்கட் வரலாற்றில் பெறப்பட்ட முதலாவது இரட்டைச்சதமும் அடங்கும் என்பது குறிப்பிடத்த்ககது

ஆண்டின் மிகச்சிறந்த கிரிக்கட் வீரருக்கான சேர் காபீல்ட் சோபர்ஸ் விருது ஆண்டின் சிறந்த டெஸ்ற் கிரிக்கட் வீரருக்கான விருது ஆண்டின் சிறந்த சர்வதேச ஒரு நாள் கிரிக்கட் வீரருக்கான விருது என மூன்று முக்கிய பிரிவுகளிலும் டெண்டுல்கர் பெயர் பரிந்துரைசெய்யப்பட்டிருந்தது

இதில் மிக உயர்விருதான ஆண்டின் சிறந்த கிரிக்கட் வீரருக்கான சேர் காபீல்ட் சோபர்ஸ் விருது சச்சின் டெண்டுல்கருக்கு கிடைத்த அதேவேளை சிறந்த டெஸ்ற் வீரருக்கான விருது இந்திய அணியின் ஆரம்பத்துடுப்பாட்டவீரர் வீரேந்தர் ஷேவாக்கிற்கும் ஆண்டின் சிறந்த ஓருநாள் சர்வதேச கிரிக்கட் வீரருக்கான விருது தென் ஆபிரிக்க மத்திய வரிசைத்துடுப்பாட்டவீரர் ஏபிடி விலியர்ஸிற்கும் வழங்கப்பட்டது

மக்களின் அபிமானம் பெற்ற (People's Choice Award)வீரருக்கான விருதும் சச்சின் டெண்டுல்கருக்கு வழங்கப்பட்டது இந்த விருதிற்காக மக்கள் இணையம் மூலமாக தமது வாக்கை பதிவுசெய்து விருப்பத்திற்குரிய வீரரை விருதிற்காக தெரிவுசெய்திருந்தனர்

வீரர்களும் அவர்கள் பெற்ற விருதுகளின் விபரங்களும் பின்வருமாறு

ஆண்டின் சிறந்த கிரிக்கட் வீரருக்கான சேர் காபில்ட் சோபர்ஸ் விருது
  -சச்சின் டெண்டுல்கர் (இந்தியா)

ஆண்டின் சிறந்த டெஸ்ற் வீரர் விருது
வீரேந்தர் ஷேவாக் (இந்தியா)

ஆண்டின் சிறந்த ஒருநாள் சர்வதேச கிரிக்கட் வீரர்
ஏபிரஹாம் டி விலியர்ஸ் (தென் ஆபிரிக்கா )

வளர்ந்துவரும் இளம் வீரருக்கான விருது (26வயதிற்குட்பட்ட வீரர்களுக்கு வழங்கப்படுவது )


ஸ்டீவன் பின் -STEVEN FINN( இங்கிலாந்து )

ஐசிசியின் இணை உறுப்பு நாடுகளில் சிறந்த வீரர்களுக்கான விருது ( டெஸ்ற் கிரிக்கட் விளையாடும் நாடுகளைத்தவிர்த்து ஐசிசியின் உறுப்புரிமை பெற்ற நாடுகளைச் சேர்ந்தவர்களுக்குரியது )

ரெயான் டென் டுயஸ்சாட்டே ( நெதர்லாந்து )

ஆண்டின் மிகச்சிறந்த டுவன்டி டுவன்டி சர்வதேச கிரிக்கட் ஆற்றல் வெளிப்பாடு

பிரன்டன் மக்கலம் (நியூஸிலாந்து )
அவுஸ்திரேலிய அணிக்கெதிராக ஆட்டமிழக்காது பெற்ற 116 ஓட்டங்கள்

ஆண்டின் மிகச்சிறந்த மகளிர் கிரிக்கட் வீராங்கனை


ஷெலி நிற்ஸ்செக் (அவுஸ்திரேலியா)

ஆண்டின் மிகச்சிறந்த நடுவர்
அலிம் டர் (பாகிஸ்தான் )

ஆண்டின் சிறந்த ஆர்வமிகு அணிக்கான (SPIRIT OF CRICKET) விருது

நியூஸிலாந்து


ஆண்டின் டெஸ்ற் கிரிக்கட் அணி


வீரேந்தர் ஷேவாக் - சைமன் கடிச் - ஹஸீம் அம்லா -சச்சின் டெண்டுல்கர்-  ஜக் கலீஸ் - குமார் சங்ககார -மஹேந்திரசிங் டோனி ( அணித்தலைவர் )  டேல் ஸ்டெய்ன் - கிரஹாம் ஸ்வான் -ஜேம்ஸ் அன்டர்ஸன் -டக் பொலிங்ஜர்




ஆண்டின் சிறந்த ஒருநாள் சர்வதேச அணி


சச்சின் டெண்டுல்கர் -ஷேன் வொட்ஸன் -ரிக்கி பொன்டிங் (அணித்தலைவர்)-மைக்கல் ஹஸி –ஏபி டி விலியர்ஸ் -போல் கொலிங்வுட் - மஹேந்திரசிங் டோனி –டானியல் வெட்டோரி -ஸ்டுவர்ட் புரோட் -டக் பொலிங்ஜர் -ரெயான் ஹரிஸ்

-----------------------------------------------------------------------------------------------------

சச்சினுக்கு விருதளித்து பெருமை சூடிக்கொள்ளுமா

ஐசிசி விருது வழங்கும் விழா

(இன்று -0610.2010வெளியான கேசரி SPORTS சஞ்சிகையில் வெளியான எனது ஆக்கம்)

சச்சின் பெறுவாரா உயர் விருதுகளை ?

இன்றையதினம் இந்தியாவின் பெங்களுரில் இடம்பெறுகின்ற சர்வதேச கிரிக்கட் பேரவையின் விருது வழங்கும் விழாவில் ஆண்டின் சிறந்த கிரிக்கட் வீரர் உட்பட மூன்று விருதுகளுக்கு சச்சின் டெண்டுல்கரின் பெயர் பரிந்துரை செய்யப்பட்டுள்ளது .

சச்சின் டெண்டுல்கர் இந்தப் பெயரை கடந்த இருபது வருடகாலத்தில் கிரிக்கட் ரசிகர்கள் உச்சரிக்காத அன்றேல் நினைவில் கொள்ளாத நாட்கள் குறைவாகத்தான் இருக்கும்.

1989ம் ஆண்டில் சர்வதேச கிரிக்கட்டிற்குள் பிரவேசித்த சச்சின் டெண்டுல்கர் 2010லும் ரசிகர்கள் மனங்களில் நிலைத்திருப்பதற்கு அவரது தொடர்ச்சியான ஆற்றல் வெளிப்பாடுகளே காரணமாகும்.

கடந்த காலப்பெருமைகளில் காலத்தை கடத்திவிடாது நிகழ்காலத்திலும் சாதித்துக்கொண்டிருப்பதே சச்சினை ஜாம்பவான் ஸ்தானத்தில் உயர்த்திவிட்டிருக்கின்றது.

கிரிக்கட் களத்தில் இளம் வீரர்களின் பிரவேசத்திற்கு மத்தியிலும் ஊழல் மோசடி சூதாட்டம் போன்ற மன உளைச்சல் தருகின்ற செய்திகளுக்கு மத்தியிலும் கிரிக்கட் அரங்கில் வெளிப்படுத்துகின்ற ஆற்றல் வெளிப்பாடுகளுக்காக 37வயதுகள் கடந்துவிட்டநிலையிலும் சச்சின் டெண்டுல்கர் நினைவுகூரப்படுவது அங்கீரிக்கப்பட்டு கௌரவிக்கப்படுவது ஏனைய வீரர்களுக்கும் எடுத்துக்காட்டாக அமைந்திருக்கின்றது

சச்சினது வாழ்வில் எத்தனையெத்தனையோ அங்கீகாரங்களையும் வாழ்;த்துக்களையும் பட்டங்களையும் விருதுகளையும் பெற்றிருக்கின்ற போதிலும் சர்வதேச கிரிக்கட் பேரவையின்( ஐசிசி) சிறந்த வீரருக்கான தனிநபர் விருது இதுவரையில் கிடைத்திருக்கவில்லை

டெண்டுல்கருக்கு அந்தவிருது இதுவரையில் கிடைக்கவில்லை என்பதற்காக அவரது கிரிக்கட் துறை மேதாவிலாசத்தை ஜாம்பவான் ஸ்தானத்தை எவருமே குறைத்து மதிப்பீடுசெய்ய முடியாது ஏனெனில் டெண்டுல்கரின் சாதனைகள் ஆற்றல் வெளிப்பாடுகள் வெறுமனே விருதுகளுக்கு அப்பாற்பட்டவையாக மிக உயர்ந்த நிலையில் காணப்படுகின்றது

ஐசிசி விருது சச்சினுக்கு கிடைத்தால் அது சச்சினுக்கு கிடைக்கின்ற பெருமை என்பதைவிடவும் அந்த விருதிற்கு கிடைக்கின்ற பெருமை என்றே கூறிக்கொள்ளவேண்டும் ஏனென்றால் சர்வதேச கிரிக்கட்டில் இமயத்தை தொடுகின்ற அவரது சாதனைளும் இதயத்தை தொடுகின்ற நடத்தையுமே இதற்கு காரணமாகும்

விருதுகள் என்பது மனித வாழ்வில் கிடைக்கின்ற அங்கீகாரங்கள் உண்மையான திறமைசாலிகளுக்கு வாழ்வில் விருதுகளே கிடைக்காமல் போனதும் போலிகள் புகழாரம் சூடிக்கொண்டதும் வரலாற்றில் உள்ளன..ஆனால் அனேகமான தடவைகளில் உண்மையான திறமைசாலிகளுக்கான அங்கீகாரம் ஏதோ ஒருவகையில் கிடைத்திருப்பதனையே கடந்தகாலம் கோடிட்டுக்காண்பிக்கின்றது .

அந்தவகையில் ஐசிசி விருதிற்காக மூன்று பிரிவுகளில் சச்சின் டெண்டுல்கரின் பெயர் பரிந்துரைக்கப்பட்டிருப்பது இன்றையதினம் நடைபெறவுள்ள விருதுவழங்கும் விழாவில் அவருக்கான வெற்றிவாய்ப்புக்களை பிரகாசப்படுத்திவிட்டுள்ளது

விருதுகளுக்காக கருத்தில் கொள்ளப்படுகின்ற கடந்தாண்டு ஓகஸ்ற் 24ம்திகதிமுதல் இவ்வாண்டு ஓகஸ்ற் 10;ம்திகதிவரையிலான காலப்பகுதியில்; வீரர்களும் அணிகளும் வெளிப்படுத்திய ஆற்றல் வெளிப்பாடுகளைக்கவனத்தில் கொண்டே விருதுகள் வழங்கப்படுகின்றன

இந்தக்காலப்பகுதியில் சச்சின் டெண்டுல்கர் 10டெஸ்ற் போட்டிகளில் விளையாடி 1064 ஓட்டங்களைக் குவித்திருந்த அதேவேளை 17 ஓருநாள் சர்வதேச போட்டிகளில் விளையாடி 914 ஒட்டங்களையும் குவித்திருந்தார் .இதில் சர்வதேச ஒருநாள் கிரிக்கட் வரலாற்றில் பெறப்பட்ட முதலாவது இரட்டைச்சதமும் அடங்கும் என்பது குறிப்பிடத்த்ககது

ஆண்டின் மிகச்சிறந்த கிரிக்கட் வீரருக்கான சேர் காபீல்ட் சோபர்ஸ் விருது ஆண்டின் சிறந்த டெஸ்ற் கிரிக்கட் வீரருக்கான விருது ஆண்டின் சிறந்த சர்வதேச ஒரு நாள் கிரிக்கட் வீரருக்கான விருது என மூன்று முக்கிய பிரிவுகளிலும் டெண்டுல்கர் பெயர் விருதிற்காக பரிந்துரைசெய்யப்பட்டுள்ளது

ஐசிசி விருதுவழங்கும் விழா வரலாறு

வருடந்தோறும் ஆண்டின் சிறந்த வீரர்கள் என விஸ்டன் விருதுகள் அறிவிக்கப்பட்டபோதிலும் அவை இங்கிலாந்து கிரிக்கட்டை மையமாக கொண்டவையாக காணப்பட்ட காரணத்தினால் ஐசிசி விருதுகள் வழங்கப்படும் வரையில் கிரிக்கட் வீரர்களது ஆற்றல் வெளிப்பாடுகளுக்கு அங்கீகாரமாக சியட் விருது வழங்கும் விழாவே பெரிதும் அறியப்பட்டிருந்தது

சிறப்பான முறையில் திறமைகளை வெளிப்படுத்துகின்ற வீரர்களையும் அணிகளையும் கௌரவிக்கின்ற வகையில் 2004ம் ஆண்டுமுதலாக சர்வதேச கிரிக்கட் பேரவை விருதுகளை வழங்கிவருகின்றது . முன்னைய வருடத்தின் ஒகஸ்ற் மாதம் முதல் நடப்பாண்டின் ஓகஸ்ற் மாதம் வரையிலான 12மாதகாலபகுதியை கணக்கில் கொண்டே இவ்விருதுகள் வழங்கப்படுகின்றன.

அமெரிக்க பகிரங்க போட்டிகளில் வெற்றிபெறப்போவது யார்?

                                                                அருண் ஆரோக்கியநாதர்

ஆண்டின் இறுதி கிராண்ட்ஸ்லாம் போட்டிகளான அமெரிக்க பகிரங்க டென்னிஸ் போட்டிகள் (US OPEN) இன்று திங்கட்கிழமை ஆரம்பமாகவுள்ளன .

கடந்த சில வருடங்கள் போன்று ஒரு வீரரோ வீராங்கனையோ தொடர்ச்சியாக ஆதிக்கம் செலுத்துகின்ற நிலையை இவ்வருடத்தில் காணமுடியவில்லை என்பதால் ஓகஸ்ற் 30 முதல் செப்டம்பர் 12ம்திகதிவரை நடைபெறும் அமெரிக்க பகிரங்க போட்டிகளில் யார் யார் சம்பியன் பட்டத்தை வெல்வர் என்பதை அனுமானிப்பது கடினமானதாக இருக்கின்றது

இருப்பினும் இவ்வருடத்தில் நடைபெற்ற அவுஸ்திரேலிய பகிரங்க டென்னிஸ்      போட்டிகள் பிரஞ்சு டென்னிஸ் போட்டிகள் விம்பிள்டன் போட்டிகளின் பெறுபேறுகளைப் பார்க்கின்ற போது ஆடவர் பிரிவில் ரவாயேல் நடாலுக்கு வாய்ப்புக்கள் பிரகாசமாகவுள்ளதாக தோன்றுகின்றது

பிரஞ்சு மற்றும் விம்பிள்டன் பட்டங்களை அடுத்தடுத்து வென்றெடுத்துள்ள ஸ்பெயின் வீரர் ரவாயேல் நடால் இவ்வாண்டு கிராண்ட்ஸ்லாம் போட்டிகளில் சிறப்பாக பிரகாசித்துள்ளதால் அமெரிக்க பகிரங்க போட்டிகளில் சாதிப்பதற்கு வாய்ப்புள்ளது

தரவரிசையில் முதலிடத்திலுள்ள நடால் பிரஞ்சு பட்டத்தை 5தடவைகளும் விம்பிள்டன் பட்டத்தை 2தடவைகளும் அவுஸ்திரேலிய பட்டத்தை ஒருதடவையும் வென்றுள்ள நிலையில் கிராண்ட்ஸ்லாம் போட்டிகளில் இன்னும் சம்பியன் பட்டம் வெல்லாத ஒரே போட்டிகளாக அமெரிக்க பகிரங்க டென்னிஸ் போட்டிகள் அமைந்துள்ளதாலும் இம்முறை அதனை வென்றெடுப்பதற்கு கடும் பிரயத்தனத்தை மேற்கொள்வார் என எதிர்பார்க்கலாம்
.
கடந்தாண்டு இறுதிப்போட்டியில் ஆர்ஜன்டின வீரர் ஜுவான் மார்டின் டெல் போர்டோவிடம் அதிர்ச்சிகரமான தோல்வியைத்தழுவியிருந்த சுவிற்சர்லாந்து வீரர் ரொஜர் பெடரர் அண்மைக்காலமாக கிராண்ட்ஸ்லாம் பெரும்போட்டிகளில் கணிக்கப்படவதைப்போன்று அமெரிக்க போட்டிகளிலும் வெற்றிபெறக்கூடிய வீரர்கள் வரிசையில் நடாலுக்கு அடுத்த நிலையில் உள்ளார்

இதுவரை ஆடவர் தரப்பில் 16 கிராண்ட்ஸ்லாம் பட்டங்களை வென்று அதிக கிராண்ட்ஸ்லாம் பட்டங்களை வென்ற வீரராக வரலாற்றில் பொறிக்கப்பட்டுள்ள ரொஜர் பெடரர் கடந்த சில ஆண்டுகளுக்கு முன்பாக காண்பித்த தொடர்ச்சியான அதி உன்னத ஆற்றல் வெளிப்பாடுகளை கடந்த சிலமாதங்களாக காண்பிக்கவில்லை என்பதே பெரும்பாலான டென்னிஸ் ரசிகர்களது குறையாக இருக்கின்றது
.
அமெரிக்க வீரர் பீற் சாம்பிரஸ் (14தடவைகள் ) வசமிருந்த அதிக கிராண்ட்ஸ்லாம் சம்பியன் பட்டங்களை வென்றெடுத்தமைக்கான சாதனையை முறியடித்தமை காரணமாக ஏற்பட்ட போதும் போதும் என்ற உணர்வோ திருப்திநிலையோ பெடரர் வசமிருந்த வெற்றி பெறவேண்டும் என்ற பேரவாவை அன்றேல் இறுதிவரை போராடும் குணத்தை மங்கச்செய்துவிட்டதென குறைப்படுபவர்களும் இருக்கவே செய்கின்றனர்

இவ்வாண்டு ஆரம்பத்தில் இடம்பெற்ற அவுஸ்திரேலிய பகிரங்க போட்டிகளில் பெடரர் சம்பியன் பட்டம் வென்றபோதிலும் ஏனைய கிராண்ட்ஸ்லாம்களில் பெரிதாக சோபிக்க வில்லை என்பதுடன் நடப்பாண்டில் பங்கேற்றுள்ள 9 சம்பியன்ஷீப் போட்டிகளில் இம்மாத சின்சினாட்டியில் நடைபெற்ற போட்டிகளில் மாத்திரமே சம்பியன் பட்டம் வென்றிருந்தார்

எது எப்படி இருந்தாலும் டென்னிஸ் வரலாற்றில் தோன்றிய மிகச்சிறந்த வீரராக தற்போதே அழைக்கப்படுகின்ற ரொஜர் பெடரர் ஏற்கனவே 5தடவைகள் சம்பியன் பட்டம் சூடிய அமெரிக்க பகிரங்க போட்டிகளில் 6வது தடவையும் சம்பியனானலும் ஆச்சரியப்படுவதற்கில்லை

அமெரிக்க பகிரங்க போட்டிகளுக்கு தயார் செய்யும் காலப்பகுதியில் சிறப்பாக ஆற்றல்களை வெளிப்படுத்திய வீரர்களில் பிரித்தானிய வீரர் அன்டி மரே சேர்பிய வீரர் நொவாக் டொச்கோவிக் ஆர்ஜன்டின வீரர் டேவிட் நல்பாண்டியன் ஆகியோர் குறிப்பிடத்தக்கவர்கள்

கனடாவின் மொன்றியல் நகரில் இடம்பெற்ற ரொஜர்ஸ் கிண்ண போட்டியில் நடால் பெடரர் ஆகியோரை வீழ்த்தி சம்பியன் பட்டம் வென்ற பிரித்தானிய வீரர் அன்டி மரே என்றுமில்லாத வகையில் அமெரிக்க பகிரங்க டென்னிஸ் போட்டிகளின் ஆரம்பத்திற்கு முன்பாக அதிகபட்ட தயார்நிலையில் ஆற்றல்களின் உச்சத்தில் உள்ளதாக அறிவித்துள்ளார்.

இதுவரை கிராண்ட்ஸ்லாம் போட்டிகளில் சம்பியன் பட்டம் வென்றிராத அன்டி மரேக்கு இம்முறை அதிக வாய்ப்பு உள்ளதனையே அவரது அண்மைக்கால ஆற்றல் வெளிப்பாடுகள் பறைசாற்றிநிற்கின்றன
டேவிட் நல்பாண்டியன் காயம் காரணமாக இவ்வாண்டில் அனேகமான போட்டிகளில் பங்கேற்கவில்லை

.இருந்தபோதிலும் வொஷிங்டன் நகரில் இம்மாத முற்பகுதியில் இடம்பெற்ற லெக் மெஸான் கிளஷிக் போட்டிகளில் சம்பியன் பட்டம் வென்றதன் மூலம் தனது வெற்றிகரமான மீள்வருகையை உறுதிசெய்தார் .

 இந்த வகையில் அமெரிக்க பகிரங்க டென்னிஸ் போட்டிகளில் வெற்றிபெறக்கூடிய வீரர்கள் வரிசை அவரையும் விட்டுப்பார்க்க முடியாது

உலகளவில் தரப்படுத்தலில் மூன்றாமிடத்திலுள்ள சேர்பிய வீரர் டொச்கோவிக் 2008ம் ஆண்டில் அவுஸ்திரேலிய பகிரங்க சம்பியன் பட்டம் வென்றபின்னர் கிராண்ட்ஸ்லாம் போட்டிகளில் அரையிறுதிக்கட்டத்தை தாண்டியிராத போதிலும் கவனிக்கப்படவேண்டிய வீரர்களிலொருவர் என்பதில் ஐயமில்லை

ரவாயேல் நடால் இரொஜர் பெடரர் இஅன்டி மரேஇ டேவிட் நல்பாண்டியன் இ நொவாக் டொச்கோவிக் ஆகியோர் ஆடவர் தரப்பில் சம்பியன் பட்டம் வெல்ல அதிக வாய்ப்பைக் கொண்டிருந்தபோதிலும் கடந்தாண்டு சம்பியன் பட்டம் வென்ற வீரரை எளிதில் மறந்துவிடமுடியாது

யாருமே எதிர்பார்க்காதநிலையில் அமெரிக்க பகிரங்க டென்னிஸ் போட்டிகளில் கடந்தாண்டு சம்பியன் பட்டம் வென்றெடுத்திருந்த ஆர்ஜன்டின வீரர் ஜுவான் மார்டின் டெல் போர்டோ காயம் காரணமாக நடப்பாண்டில் அனேக போட்டிகளில் விளையாடாத காரணத்தால் அவருடைய வாய்ப்புக்கள் தொடர்பாக அதிகமாக டென்னிஸ் விற்பன்னர்கள் எதிர்வுகூறவில்லை .

 என்னைப்பொறுத்தவரையில் கிராண்ட்ஸ்லாம் போன்ற பெரும் போட்டிகளில் ஏற்கனவே வெற்றிபெற்ற அனுபவம் அதில் சாதிப்பதற்கு பெரும் சாதகமான விடயமாக இருப்பதால் கடந்தாண்டு வென்றவரை நாம் இலகுவில் தட்டிக்கழித்துவிடவோ மறந்துவிடவோ முடியாது

கடந்த முப்பதாண்டு காலப்பகுதியில் முதன் முறையாக முதற்பத்து வீரர்கள் தரவரிசையில் அமெரிக்க வீரர்கள் இல்லாது போனாலும் அன்டி ரொடிக் தனது நாளில் அபாயகரமான வீரராக கருதப்படுபவர் ஏற்கனவே சம்பயின் பட்டம் வென்ற அனுபவமும் அவருக்கு அணிசேர்ப்பதால் மீண்டும் தன்னை நிருபித்துக்காட்ட முயற்சிக்கக்கூடும்

இதனைத்தவிர சுவீடன் வீரர் ரொபின் சொடர்லிங் ரஸ்ய வீரர் நிக்கலோய் டெவிடென்கோ செக்குடியரசு வீரர் தோமஸ் பேடிச் ஸ்பெயின் வீரர் பெர்னாண்டோ வெர்டாஸ்ஸோ பிரான்ஸ் வீரர் ஜோ வில்விரட் ஸொன்கா ஆகியோரும் தூரத்து வெற்றிவாய்ப்புக் கொண்டவர்களாக உள்ளனர் .

செரீனாவின் விலகலால் சோபையிழந்துள்ள மகளிர் பிரிவு

மகளிர் பிரிவில் முதலிடம் வகிப்பவரான செர்Pனா வில்லியம்ஸ் பாதத்தில் ஏற்பட்டுள்ள காயம் காரணமாக அமெரிக்க பகிரங்க டென்னிஸ் போட்டிகளிலிருந்து விலகிக்கொண்டுள்ளமை மகளிர் பிரிவின் நட்சத்திர அந்தஸ்தில் தாக்கத்தை ஏற்படுத்திவிட்டிருக்கின்றது

மகளிர் தரப்படுத்தல் முறைமை ஆரம்பித்து 35வருடகாலமாகிவிட்ட நிலையில் முதலிடத்தில் உள்ள வீராங்கனையொருவர் அமெரிக்க போட்டிகளில் பங்கேற்கத்தவறுவது இதுவே முதன்முறையென்பதும் சுட்டிக்காட்டத்தக்கது

தற்போது டென்னிஸ் விளையாடிவரும் வீராங்கனைகளில் 13கிராண்ட்ஸ்லாம் பட்டங்களை வென்றுள்ள செரீனா வில்லியம்ஸ் அதிக கிராண்ட்ஸ்லாம்களை வென்றவீராங்கனையாக திகழ்கின்ற நிலையில் அவரது இழப்பை ரசிகர்களால் எளிதில் ஜீரணிக்க முடியாது என்பது நிச்சயமாகும். 2003 மற்றும் 2007ல் சம்பியன்பட்டம் வென்ற பெல்ஜிய வீராங்கனை ஜுஸ்தின் ஹெனினும் காயம் காரணமாக விலகிக்கொண்டுள்ளமை மேலும் பின்னடைவை ஏற்படுத்திவிட்டுள்ளது


இவ்வாண்டில் நடைபெற்றுள்ள மூன்று கிராண்ட்ஸ்லாம் போட்டிகளில் அவுஸ்திரேலிய பகிரங்க டென்னிஸ் போட்டிகளிலும் விம்பிள்டன் போட்டிகளிலும் சம்பியன் பட்டம் வென்றெடுத்திருந்த செரீனா வில்லியம்ஸ் மற்றும் ஜுஸ்தின் ஹெனின் ஆகியோர் பங்கேற்கமாட்டார்கள் என்று உறுதிசெய்யப்பட்டுள்ள நிலையில் இம்முறை அமெரிக்க பகிரங்க டென்னிஸ் போட்டியில் மகளிர் பிரிவில் சம்பியன் பட்டம் வெல்வதற்கு அதிக வாய்ப்புள்ளவர்களாக எந்த வீராங்கனையையும் குறிப்பிட்டுக்கூற முடியாத நிலை ஏற்பட்டுள்ளது


 இம்முறை பிரஞ்சு பகிரங்க சம்பியன் பட்டம் வென்றெடுத்திருந்த இத்தாலிய வீராங்கனை பிரான்செஸ்கா ஷியாவோன் ஏனைய போட்டிகளில் அதேவிதமான ஆற்றல்வெளிப்பாடுகளைக் காண்பித்திருக்கவில்லை என்பதால் அவரது வெற்றிவாய்ப்பு பிரகாசமாக தென்படவில்லை

கடந்தாண்டு யாருமே எதிர்பாராதவகையில் சம்பியன் பட்டத்தை வென்றெடுத்து ஆச்சரியத்தை ஏற்படுத்திய பெல்ஜிய வீராங்கனை கிம் கிளைஸ்டர்ஸ் வெற்றிவாய்ப்புக்கள் தொடர்பாக உயர்வான நம்பிக்கைகள் காணப்பட்டன .
ஆனாலும் கடந்தவாரம் கனடாவில் இடம்பெற்ற ரொஜர்ஸ் கிண்ண போட்டிகளில் தொடைப்பகுதியில் ஏற்பட்ட காயம்காரணமாக உபாதைக்குள்ளாகி தோல்வியைத்தழுவியமை தற்போது அவரது வெற்றிவாய்ப்புக்கள் தொடர்பில் மட்டுமன்றி பங்கேற்பிலுமே பெரும் சந்தேகங்களை ஏற்படுத்தியுள்ளது

மகளிர் தரப்படுத்தலில் இரண்டாம் இடத்தை வகிக்கும் வீனஸ் வில்லியம்ஸ் அமெரிக்க பகிரங்க டென்னிஸ் போட்டிகளுக்கு தயார்படுத்தலாக நடக்கும் போட்டிகளில் இடது கணுக்காலில் ஏற்பட்ட உபாதை காரணமாக பங்கெடுக்காத போதிலும் அமெரிக்க பகிரங்க போட்டிகளில் பங்கேற்பதை உறுதிசெய்துள்ளார் ஆனால் அவர் பூரண உடற்திடநிலையுடன் பங்கேற்பது குறித்த கேள்விகள் காணப்படுகின்றன

வீனஸ் வில்லியஸ் காயத்திலிருந்து முழுமையாக குணமடைந்த நிலையில் விளையாடுவாரேயானால் அவரது வெற்றிவாய்ப்புக்கள் உயர்வாகவே அமையும் என்பதற்கு அவரது கடந்த கால பெறுபேறுகள் சான்றுபகர்கின்றன

இரு தடவை அமெரிக்க பகிரங்க சம்பியன் பட்டங்களை வென்றெடுத்தமை உட்பட வீனஸ் இதுவரை 12 கிராண்ட்ஸ்லாம் பட்டங்களை வென்றெடுத்த அனுபவமும் அவருக்கு பெரும் போட்டிகளில் கைகொடுக்கும் என எதிர்பார்க்கலாம்

இவர்களைத்தவிர ரஷ்ய வீராங்கனைகளான எலேனா டிமென்ரீயேவா இ ஸ்வெட்லானா குஷ்னெற்சோவா இடினாரா ஸபீனா ஆகியோரும் சம்பியன் பட்டத்தை வெல்லக்கூடியவர்களாக கருதப்படுகின்றனர்

தரப்படுத்தலில் மூன்றாது இடத்திலுள்ள டென்மார்க் வீராங்கனை கரலின் வொஸ்னியாஸ்கியும் ஏழாவது இடத்திலுள்ள அவுஸ்திரேலிய வீராங்கனை ஸாம் ஸ்டோஸரும் அண்மைக்காலமாக குறிப்பிடத்தக்க வகையில்  திறமைகளை வெளிப்படுத்திவருவதால் அவர்கள் மீதும் ஒரு கண்வைத்திருக்க வேண்டும்

சேர்பிய வீராங்கனைகளான ஜெலினா ஜனுகோவிச் மற்றும் அனா இவானோவிச் ஆகியோர் சில ஆண்டுகளுக்கு முன்னர் காண்பித்த சம்பியன் பட்டம் வெல்லும் ஆற்றலை அண்மைக்காலமாக இழந்துவருவதை அவர்களது பெறுபேறுகள் காண்பித்துநிற்கின்றன

உலகளவில் அதிகம் அறியப்பட்ட ரஷ்ய வீராங்கனையும் அழகுப்பதுமையுமான மரியா ஷரபோவா மூன்று முறை கிராண்ட்ஸ்லாம் சம்பியன் பட்டம் வென்றவர் என்பதை மறந்து விட்டதுபோன்றே தற்போது அவரது பெறுபேறுகள் உணர்த்துகின்றன . டென்னிஸ் ஆற்றல் வெளிப்பாடுகளிலும் விளம்பர மொடலிங் துறையிலேயே அவர் அதிக நாட்டம் காட்டுகின்றாரோ என எண்ணத்தோன்றுகின்றது

முன்னணி வீராங்கனைகளுக்கு ஏற்பட்டுள்ள காயங்கள் மற்றும் தொடர்ச்சியாக மகளிர் தரப்பில் ஆற்றல்வெளிப்பாடுகள் நடப்பாண்டில் காண்பிக்கப்படாமையை பார்க்கும் போது இவ்வாண்டில் அதிகமாக அறியப்படாத ஒரு வீராங்கனை சம்பியன் பட்டம் வென்றாலும் ஆச்சரியப்படுவதற்கில்லை என்றே தோன்றுகின்றது

                                                                                                             KESARI SPORTS/ 25 AUG 10