இலங்கையின் நீதி அமைச்சராக அலி சப்றி ?

 

இலங்கையின் புதிய அமைச்சரவை கண்டி ஸ்ரீதலதா மாளிகையில் இன்று காலை பதவியேற்கின்றது. இந்த நிலையில் யார் யாருக்கு என்ன அமைச்சுப்பதவிகள் வழங்கப்படும் என்பது இன்னமும் உறுதிசெய்யப்பப்படவில்லை. இருந்தபோதும் தேசியப்பட்டியல் மூலம் நாடாளுமன்றத்திற்கு அழைத்துவரப்பட்டுள்ளவரும் ஜனாதிபதியின் சட்ட ஆலோசகருமான ஜனாதிபதி சட்டத்தரணி அலி சப்றிக்கு நீதி அமைச்சு வழங்கப்படும் என்பதை சூசகமாக தமது ஃபேஸ்புக் பக்கத்தினூடாக அறிவித்துள்ள நிலையில் அவருக்கு பலரும் வாழ்த்துக்களைக் கூறிவருகின்றனர். 

தனது உத்தியோகபூர்வ ஃபேஸ்புக் தளத்தில் இந்தப்படத்தைப் பகிர்ந்துகொண்டு அதற்கு தலைப்பாக 'My Passion'என அவர் குறிப்பிட்டுள்ளார். தாம் சட்டத்துறையுடன் மிக விருப்புக்கொண்டவர் என்பதை வெளிப்படுத்துவதாக இந்தப்பதிவு அமைந்திருக்கின்றது.