ஊடகத்துறை வாழ்வில் ஒவ்வொருவருக்கும் மறக்கமுடியாத அனுபவங்கள் பல இருக்கக்கூடும். இறுதிப்போர்க் காலத்தில் 2009ம் ஆண்டில், தீபம் தொலைக்காட்சியில் பணியாற்றியபோது புதுமாத்தளன் , புதுக்குடியிருப்பு, கிளிநொச்சி மற்றும் வவுனியாவின் மெனிக்பாம் சென்று தகவல்திரட்டி அறிக்கையிட்டமை மறக்கமுடியாதது.
அதற்கு பின்னர் 2019ம் ஆண்டு ஈஸ்டர் உயிர்த்த ஞாயிறு தாக்குதல்களையடுத்து ஆதவன் தொலைக்காட்சிக்காக தகவல்திரட்டி அறிக்கையிட்டமையும் சர்வதேச ஊடகங்களுடன் இணைந்து பணியாற்றியமையும் மறக்கமுடியாதது.
உலகின் முன்னணி ஊடகங்கள் வரிசையில் இடம்பெறும் அல்ஜஸீரா அமெரிக்காவின் National Public Broadcast (NPR) என். பி. ஆர். அவுஸ்திரேலியாவின் ABC- ஏ.பி.சி. மற்றும் S.B.S-எஸ்.பி. எஸ் ஆகியவற்றிற்காக பணியாற்றியமை மறக்கமுடியாதது. ஊடகத்துறையிலுள்ளவர்கள் தொடர்ச்சியாக தம்மை மேம்படுத்தி அறிவை வளர்த்துக்கொள்ளும் போதே தம்மை நம்பி தகவல்களுக்காக காத்திருக்கும் பாமரர் உட்பட பலதரப்பட்ட மக்களுக்கும் புரியும் படியாத செய்திகளை தெளிவாகக் கொண்டுசேர்க்கமுடியும். அந்த வகையில் இந்த நிறுவனங்களுடன் இணைந்துபணியாற்றிதன் மூலம் பல புதிய விடயங்களையும் தெரிந்தவிடயங்களை ஆழமாகவும் அறிந்துகொள்ளக்கிடைத்தது.
ஊடகத்துறையில் ஒரு விடயம் தொடர்பாக தமக்கென தனியான கருத்துக்களை விருப்புக்களைக் கொண்டிருந்தாலும் செய்தி என்று வரும் போது எமக்கு தனிப்பட்ட ரீதியில் விருப்பமில்லாதவர்களை அன்றேல் உடன்பாடில்லாதவர்களை மாற்றுக்கருத்துக்களைக் கொண்டவர்களது கருத்துக்களையும் நாம் உள்வாங்குவது அவசியம் என ஏற்கனவே அறிந்திருந்த கருத்தை மீண்டும் உறுதிப்படுத்திக்கொள்ளமுடிந்தது. என்றென்றும் மறக்கமுடியாத அனுபவமாக இது அமைந்தது.
------------xxxxx----------------------------xxxxx----------------------------------------------------------
-------------------xxx...........................xxxxxx.........................xxxxx
----------------------xxxxx.........................................xxxxx.................................................
----------------------------------------------xxxxx-------------------------------------------------------
No comments:
Post a Comment